عصير برتقال مركّز

عصير البرتقال المركز ,2كيلو برتقال ،رطل سكر 3كعبات ليمون وكاس ماء ،تغسل البرتقال والليمون وبعد تاخد 4 كعبات برتقال تقصهم رندلات وتنحي القلوب وتحطهم في حاجة وتصب عليهم الماء والسكر وتحطهم يطيبو 20 دقيقة والباقي من الليمون و البرتقال تعصرو عادي بعد تخلط البرتقال الي طيبتو والعصير مع بعض وترحيه مليح في الروبو وبعد تصفيه و تحفظو في الثلاجة او الفريزر وقت حاجتك تزيدو الماء وتشرب بالشفاء

للأخت

Nozha Wassim

تحلية بالفواكه

مقادير :
نصف لتر حليب
3ملاعق سكر
3فلان بنكهة الفانيلا بدون سكر او لا يضاف للسكر
200ملل كريمة سائلة
100غ تورون هو عبارة عن لوز محمص مطحون مع السكر
ملعقة عسل اختيارية
فواكه مشكله اختيارية

 للأخت

Salwa Namirii

خبزة درع

أربع عضمات تركضهم و تزيدهم كاس سكر و 1 سكر فانيليا و تركض و معاهم كاس حليب و كاس زيت و ديما تركض و بعد غربل 2 كيسان درع و كاس فارينة و 1 خميرة قاتو (تنجم تحط 3 كيسان درع عادي) و تكمل تركض و تحط الفواكه الجافة كيما تحب تنجم تقطع التمر و تحط زادا
نفس الكاس تكيل بيه ديما
150 درجة
بين35و 45دق في الفور

للأخت Sahar Zouali

عصيدة بوفريوة

عصيدة بوفريوة للسهرة .😊 سهرة طيبة للجميع 😍 بالنسبة للروسات 200غ بوفريوة تقليها وترحيها حتي تقر زيتها ومن بعد تزيدها 100غ فرينة نصف لتر ماء وترحيهم مع بعضهم ثم تصبهم في كسرونة تطيبهم وتحرك وقريب تطيب تزيدها حليب مركز انت والحلاوة وتصب في الكيسان وتزين كيفما تحب وتاكل بالشفا

للأخت مفيدة حمزة

قلاية قرنيط

تصمت القرنيط وتسقطرو وفي طنجرة تحط زيت والقرنيط وتقليهم بالباهي وتزيد مغرفة طماطم معجونة  وتفوح بالملح والكركم والفلفل اكحل وشوية فلفل مرحي وكروي وتمرق بشوية ماء وتخليها تشكشك حتى تقر زيتها وتخثار  ، تقلي معاها بطاطا وفلفل وتأكل بالشفاء

للأخت Nozha Wassim

بيتنجال مشوي

بادنجان مشوي : تقص البادنجان رندالات وتشويها وبعد تحضر زيت ومعدنوس وفلفل اكحل ونعناع وملح وسنة ثوم وورقات نعناع وتخلطهم وتصبهم على البادنجان بعد ما تشويه

للأخت

Nozha Wassim

طبيخة خضر

1. الطبيخة:
   نقطع في الطنجرة :حزمة سلق وحزمة معدنوس و2 سفناريا وراس بسباس و2 رؤوس بصل كبار ونصف كاس فول مصري وكاس ونصف جلبانة وكاس ونصف فول اخضر كان عندك ومغرفة كبيرة طماطم معجونة ومغرفة كركم وزيت وفلفل اكحل
   قلي الكل وامرق
   زيد شوية فلفل مرحي
   وغطي الطنجرة وخليها تشكشك وحدة وحدة باش تطيب بالباهي
   في نصف الطياب زيدها البطاطا وكيف تشيح وتخثار وتقر زيتها ارمي قرينات فلفل ملاحي
   الطبيخة ماتحبش الكوكوت وتحسها تطيب ولكن المطعم موش كيما تطيب وحدة وحدة
   وشاهية طيبة
2. ملاحظة :الملح حطو في الاخير باش تطيب الخضر فيسع 
3. 

سمك السفن مشوي

تفوح شرائح السفن بالملح والكركم والكمون وشوية تابل مفوح بالثوموزيت وتخليه يبنان ساعة في الثلاجة
تدهم المقلة بشوية زيت وتشوي فيها الشرائح وتزينهم في الصحنات بالقارص والمعدنوس
اعمل اي نوع من السلاطة الي تحبها

طاجين بالجبنة

تصمت الدجاج بالإكليل والملح والكركم والفلفل الأكحل وتابل وبصلة صغيرة وقطيرة زيت ، وكيف يطيب وينزح تماما زيدو عضم مصموت و200 غ جبن وبطاطا مقلية في شكل مكعبات صغار وشوية كرام فراش وشوية معدنوس على الريحة وجبن  كيما تحب وبعد فقر أصفرالعضم قدر الحاجة وحاولي إختارمول موش صغيرة باش يجي الطاجين موش عالي برشا وشعل عليه الفرن من فوق

أبيض البيض الباقي زيدو 100غ جبنة بيضاء وجبن شيدار وملح وفلفل اكحل وركضو بالباهي وخرج الطاجين إلي يكون خذا وجه من فوق وسايس صب بالمغرفة الخليط وبعد طيبو عادي

قصو كيف يبرد

 

مرقة شبتية

خليط الشبتية : لحم وكبدة وقلب ومعدنوس وكان تحب شوية ليّة رابيها و بصل بأوراقو وفلفل أكحل وكركم وملح وتابل وكروية وبرغل جويد طمطومة خضراء فلفل مرحي قطيرات زيت فرينة وعضم وشوية خبز مرحي

الصوص : ماء وطماطم معجونة جلبانة كركم ملح تابل وكروية فلفل أكحل وفلفل مرحي زيت وجلبانة

تخلط الخليط وتلف الكعاب في  الفرينة وتقليهم وبعد ترميهم في الصوص

بالنسبة للبطاطا اصمتها وحدها بالملح والكركم وبعد آخر حاجة أرميها في الصوص باش ماتمصتهاش