بسبوسة باللوز والبوفريوة

البسبوسة الشهيرة باللوز والبوفريوة
كاس سميد ارطب وكاس ونصف سميد متوسط وكاس صب فيه كعبة جوكاي وكمل عبيه بالحليب وكاس سكر ونصف كاس عطرشاء وقطرات روح اللوز و150 غ لوز وبوفريوة مقلين ومرحين بالباهي ومغرفة ماء ورد و1 فانيليا و1خميرة و3مغارف زبدة وعضمة
تخلط الكل بالباهي في الخلاط وبعد حطهم في طبق الفرن وغطيهم بورق اللف وخليهم يرتاحو ساعتين اقل حاجة
وبعد رشق معبات لوز وحطها تطيب على نار هادية
اعمل الشحور :
2 كيسان سكر عليهم 4 كيسان ماء
وعصير نصف قارصة وحطهم يغليو 15 دق
خرج الطبق متاع البسبوسة من الفرن وشقو وبعد رجع جمرو من فوق
ذوب 50 غ زبدة حتى تطلع ريحتها وصبها على العسل الطايب
وخرجو آخر مرة وصب عليه الشحور
باش تلقى برشا عسل من فوق ماتخافش تشربو الكل
غطيها وخليها تتشرب على الاقل 5 ساعات
واخيرا قصها باردة

 

 

ليباناز باللوز

ليباناز باللوز
الطبقة الاولى :
تقريبا بات سابليه
100غ زبدة بحرارة الغرفة و6 مغارف كبار سكر محور تحلهم مع بعضهم وتزيدهم 1 فانيليا وعضمة وكيف يولى الخليط رطب زيد الفرينة حتى تتلم العجينة وخليها ترتاح نصف ساعة وبعد حلها في طبق الفرن وانقبها بالفرشيطة وطيبها 10دق في الفور .
الطبقة 2 ؛
4 بيضات
4 مغارف سكر محور
1 فانيليا
تركضهم بالباهي وتزيدهم
باكو بسكوى سيدة 24 مرحي مع 150 غ لوز
50 غ زبدة
قطرات روح اللوز
مغرفة ماء ورد
5 مغارف فرينة مغربلين و1 خميرة
تخلط الكل بالباهي
وتصبها على العجينة الي تكون حليتها في الطبق وطيبتها 10 دق في الفور وكيف تخرجها تصب عليها فنجان معجون وحلو بشوية ماء دافئ

وكيف تطيب خرجها واسقيها بفنجان قهوة شحور طايب
واخيرا ادهنها بالناباج بالباهي ورش عليها اللوز والفاكية وقصها كيف تبرد

كنافة بالجبنة

تأخو 400غ كنافة شعر تفتفتها وتزيدها 100غ زبدة منحي منها الحليب بالباهي و2 مغارف سكر محور ونقسمها في طبق مدهون بالزبدة نفرش النصف ونحط فوقو 100 غ ريقوتة و 150 غ موتزارلا رابي  ونكمل النصف الثاني منها فوقها ونطيبها في الفور حتى تولي ذهبية ونسقسذيها بشوية شحور (2 كيسان سكر وكاس ماء وشوية قارص وزهر

سندس مساعد

 

 

خبزة درع

أربع عضمات تركضهم و تزيدهم كاس سكر و 1 سكر فانيليا و تركض و معاهم كاس حليب و كاس زيت و ديما تركض و بعد غربل 2 كيسان درع و كاس فارينة و 1 خميرة قاتو (تنجم تحط 3 كيسان درع عادي) و تكمل تركض و تحط الفواكه الجافة كيما تحب تنجم تقطع التمر و تحط زادا
نفس الكاس تكيل بيه ديما
150 درجة
بين35و 45دق في الفور

للأخت Sahar Zouali

قاتو الدقلة بالفاكية

تأخو 4 بيضات بحرارة الغرفةوتزيدهم 4 مغارف سكر محوّر و1 فانيليا و1/2 مغرفة جيلك وتركضهم بالباهي حتى يولي الخليط كريمي ، وتكون محضرة كاس حليب  ومعاه 3 مغارف كبار دقلة مرحية  وتسخنهم بالباهي حتى تتحل الدقلة في الحليب وتبردها وبعد تزيدها للخليط مع 280غ فرينة و20 غ نشاء و1 خميرة قاتو ونصف كأس زيت نباتيوتخلط الكل بالباهي وبعد تحط في طبق الفرن وترش عليه الفاكية إلي عندك لوز أو بوفريوة أو فزدق وتحطها تطيب في الفرن على حرارة 180° وأخير وكيف تطيب خرجها وادهنها بالناباج وخليها تبرد بالباهي وبعد قصها

كايك باللوز

تاخو100غ زبدة طرية و100غ سكورخلّطهم لين بيياضو زيدهم 3 عضم و2 سكر فانيليا واركض وزيد150غ فرينة ونصف باكو خميرة قاتو مغربلين وتركضهم لين يولي عندك خليط كريمي عاقد حطو في المول ورش عليه اللوز وطيب الكايك في 150 درجة وكيف تطيب ادهنها بالناباج باش تعمل شوية حلاوة للصغار

ممكن كمية السكر تنقص شوية فيها

 

تارت باللوز العائلية

العجينة :400 غ فرينة
تاخو200 غ زبدة
1/2 كيس خمرة قاتو
بيضة
ذرة ملح
تخلط الكل وتكمل تلم العجينة بالحليب
وخليها ترتاح 15دق في ساشي غذائي
حلها بالقلقال جويدة
وافرشها في طبق التارت 30صم/30صم وماتنساش حط ورق الطبخ
انقبها بالفرشيطة
وتحضر الخليط متاعك

 ترحي 400غ لوز مقلي شوية

 سكرعادي 200غ  ممكن اقل او اكثر حسب الرغبة
تذوب 200غ زبدة
تخلطهم في الرحى مع اضافة 5 بيضات واحدة واحدة
تزيدهم 100 غ فرينة مغربلة

كيس خميرة قاتو
كيس فانيليا وتخلط بالباهي وممكن تزيد قطرات روح اللوز للي يحبو
وتكون حضرت التارت متاعك وشعلت عليها الفور من
فوق باش تاخو وجه وتطيب شوية
صب الخليط رشق فيها كعيبات لوز مقلين وطيبها عادي على 180 ° وكيف تطيب
وتحمار ادهنها بالناباح وخليها تبرد باش كيف
تقصها ماتتفتفتش

           

بقلاوة عربي باللوز

العجينة
2 كغ فرينة
2 فناجل صغار زيت نباتي 
ذرة ملح
وتعجن بالماء الدافئ
اللوز
2كغ ونصف لوز
200 غ فرينة
200 غ سكر
ممكن اضافة فاكية مقلية
العسل :
كيلوغرامين ونصف  سكر تغليهم مع 3كيسان ماء كبار وكيف قريب يتسكر زيدو 1/2 كاس عطرشاء  وأوراق العطرشاء أرميهم في العسل وغليه وبعد كيف قريب ييبس حطلو كاس تاي قارص  ودوبما يهز الغلو تقريبا 4 دق زيد 2،5 مغارف ماكلة قلوكوز واطفي عليه وخليه يبرد

في وعاء فيه ماء بارد باش يبقى أبيض اللون

الطريقة :
تقسم العجينة الى كويرات بالضبط 25
تحط 10 ورقات من الاسفل
تحط اللوز
وتزيد تعرك شوية عجين وتخليها ترتاح المهم اعمل 15 ورقة من فوق
وكيف العادة بين الورقة والورقة شقشق

بالزبدة الذايبة ومغلية بالباهي

بعدما تحط اللوز رش شوية سكر محور باش تشد الورقة الفوقانية
الورقة الاخيرة ماتشقشقهاش خليهاهذيكة تحمي الورقة الاساسية

الطبق 40/60 صم

كان تحب تستعمل اللوز الغير مفسوخ بلو بالماء الساخن باش تحي منو الحمورية والغبرة وشيحو وارحيه واعمل شطر لوز مفسوخ وشطر لوز عادي عندو طعم مميّز ومتاع زمان

القلوكوز مادّة أضفتها للعسل باش تخلي الكعبة تتعلك وبنينة وما يسيحش العسل بالسخانة