oeuf poché florentine à l’épinard
تفور السبناخ مع 3 سنينات ثوم وتخليه يستقطر بالباهي وبعد ترفسو وتزيدو ملح وفلفل اكحل وشوية تابل وقطيرة زيت وتعملو دور في البيراكس ، ترمي العضم في الماء إلى يغلي بشوية ملح وتخرجهم وتحط فوق كل قرص سبناخ عضمة وبعد تزيد تطيب صوص باشامال وتحط فيها جبن وتحط فوق العضمة وأخيرا رشة موتزارلاّ وتحطها في الفرن الساخن مع رشة فلفل اكحل ، الوقت إلى تتجبّن خرجها وتسربيها في الصحنات ، ملاحظة : ممكن تتحط فوق خبز التوست أو السندويتش وتدخل للفور
سفافد دجاج
فوّح الدجاج بالملح وفلفل اكحل وكركم وزعتر وكروية وزيت وقارص وشوية اكليل وخليه يبنان على الاقل ساعة في الثلاجة وبعدرشقهم في السفافد الخشب ورصفهم في طبق الفرن ومن حين لآخر بلّهم بالقارص والزيت باش ما يشيحوش
ليباناز باللوز
الطبقة الاولى :
تقريبا بات سابليه
100غ زبدة بحرارة الغرفة و6 مغارف كبار سكر محور تحلهم مع بعضهم وتزيدهم 1 فانيليا وعضمة وكيف يولى الخليط رطب زيد الفرينة حتى تتلم العجينة وخليها ترتاح نصف ساعة وبعد طيبها 10دق في الفور .
الطبقة 2 ؛
4 بيضات
4 مغارف سكر محور
1 فانيليا
تركضهم بالباهي وتزيدهم
باكو بسكوى سيدة 24 مرحي مع 150 غ لوز
50 غ زبدة
قطرات روح اللوز
مغرفة ماء ورد
5 مغارف فرينة مغربلين و1 خميرة
تخلط الكل بالباهي
وتصبها على العجينة الي تكون حليتها في الطبق وطيبتها 10 دق في الفور
رش عليها اللوز الملقش
وكيف تصفار خرجها واسقيها بفنجان قهوة شحور طايب ورجعها للفرن تكمل تحمار
واخيرا ادهنها بالناباج بالباهي وقصها كيف تبرد
Muffins
❤❤ et barquettes❤❤ au poulet
العجينة : 300 غ فرينة ونصف باكو خميرة وعضمة و 150 غ زبدة وملح وتعجنها بالحليب ،وتصنع كعب الباركات .
وبالنسبة للحشو: جبن ودجاج طايب مع بصل وعضم مصموت ونيء وكان تحب تزيد بطاطا قطعها جويدة واقليها وممكن تستغنى عليها وزيتون و وبين صوابعك معدنوس وتفوح بالملح والفلفل الاكحل وشوية كركم وتزيد كبار وفلفل بر العبيد قطعو جويد ونصف علبة كرام فراش وطيبهم في الفرن على 180 °
تحلية بالليمون
القاتو :
تركض 2 بيضات ونصف كاس سكر و1 فانيليا حتى يولي الخليط كريمي زيدهم نصف كيس خميرة ونصف كاس عصير قارص جاهز و10 مغارف مليانين فرينة مغربلة ونصف كاس زيت ذرة وتخلط الكل وتطيبها في الفرن على 180°
وبعد كيف تطيب بلها بسيرو متكون من ماء وسكر وقطيرة زهر
الطبقة الثانية :
كريم باتيسيار
نصف لتر حليب
3 مغارف كبار نشا
2 فصوص عضم
1 فانيليا
مغرفة سكر وممكن تزيد كان تحبو الحلو
تطيبهم على نار هادية
وبعد زيدها مغرفو زهر ونصف مغرفة زبدة وخلط
صب الكريمة على القاتو وحطها تبرد في الثلاجة
الطبقة الثالثة :
نصف لتر عصير قارص جاهز للشرب
وتزيد 3 مغارف نشا
ومغرفة سكر وتطيبها على نار هادية وبعد صبها برفق على طبقة الكريمة الى تكون باردة
وحطها تبرد في الثلاجة
واخيرا اعمل كرام شنتي وزين الكعاب كيما تحب
كانالوني بالدجاج
الصوص :
تصمت 3طمطومات وترحيهم وبعد تقلي طماطم معجونة في الزيت وتزيد الثوم والتابل وتصب عليها الطماطم المرحية ووريقة رند وفلفل اكحل وفلفل مرحي وكركم وتغليها لين تطيب.
حشو الكانالوني:
تقلي البصل واللحم
وتزيدو المعدنوس والكركم والفلفل الاكحل والتابل والملح وعضمة مصموتة جبن وبيضة نية وتخلط الكل وتحشي الكانالوني .
الباشامال
25 غ زبدة
و2مغارف فرينة
تحركهم بالباهي على الغاز
وتمرقهم بكاس حليب وتحرك حتي تطيب كان جات يابسة زيد الحليب المهم تكون جارية وماتنساش حط فيها الجبنع
ضع في طبق الفرن صوص وبعد رصف الكعاب وبعد صوص وبعد باشامال واخيرا رشة جبن
في الترصيف بعدي الكعاب على بعضهم
مسفوف بالكريمة و الدقلة و الفاكية
بنة لا تقاوم
الطريقة: تحط كاس كسكسي جيد متاع مسفوف تحط عليه مغرفة زيت زيتونة من غير ما تبلو و تخليه يفور فوق الماء و بعد تسقيه بالماء اللي يغلي كانك تسقيه بالمرق و تخليه يتشرب وترجعو يفور و بعد تحطلو شوية زبدة و الا زيت و ترشو بشوية ماء زهر و تعاود تفورو مع الدقلة مقطعة و تحطلو شوية سكر و تقدمو مع طبقة كريمة في الوسط و مكسرات للزينة و تنجمو تحطو الغلة الي تحبوها . و صحة و بالشفاء. الكريمة نصف لتر حليب و 2 مغارف نشاء و مغرفة ماكلة سكر تحركها على النار باستمرار و قت تعقد تحط فيها قطرات ماء زهر و الا عطرشية و تكون حضرت المسفوف تحطو طبقة بطبقة مع الكريمة في صحفة و تزينو بالفواكه الجافة و الغللة كان تحب (شوية كيوي و موز )
كلثوم
