طاجين الطبقات بالقرنيط

اول حاجة يكون عندك قرنيطة متوسطة او 2 صغار مصموتين وطايبين
الطبقة الاولى :
تقطع بطاطا جويدة وتقليها وتسقطرها وتزيدها شوية معدنوس وبصلة متوسطة مسوتين في مغرفة زيت و 2 عضمات مصموتين و50 غ جبن قرويار وكان عندك برموزان او اي جبن آخر موش مشكل
وتاخو 8 بيضات تنحي الابيض تحطو في صحفة وتخليه على جنب والاصفر تزيدو للخليط متاعك ثم 2 بيضات اخرين كاملين
تاخو القرنيط تقطعو جويد وتخلي صوبعات للزينة
تفوح بالملح والفلفل الاكحل وشوية بسباس مرحي
تستعمل المول متاع الشيز كايك وتحطو يطيب في الفرن الساخن وتشعل الفور من فوق باش الطبقة من فوق تشد روحها ومن الاسفل يبقى مريقل
الطبقة 2 :
تصمت نصف راس بروكلو متوسط بالملح وسنة ثوم
وكيف يطيب سقطرو بالباهي وارفسو في صحفة وزيدو مغرفة كرام فراش و50 غ جبن قرويار او شيدار وشوية ملح وفلفل اكحل وبياض العضم وتنجم تزيد شوية قوتا انا اليوم ماحطيتش الحقيقة و2 مغارف كبار شابلور متاع خبز وتخلط الكل
تخرج الطاجين من الفرن تلقاه من فوق دوبما تماسكت وشدت روحها صب عليها الخليط بالشوية بالشوية وبمغرفة موش دفعة واحدة وبعد زين من فوق بصوابع القرنيط الي عندك وزيتون او فلفل بر العبيد كيما تحب
ورجعو يطيب وشعل الفرن من الاسفل باش يطيب سلة سلة

مايونيز بدون بيض

تحط في الخلاط الكهربائي :جميع المكونات بحرارة الغرفة : كأس حليب و3 طوابع جبن مثلثات وعلبة كرام فراش عاقدة وعصير كعبة قارص وسنة ثوم أو عوضها بمغرفة موتارد وملح وفلفل أكحل وخلطهم وفي الوقت نفسه زيد كأس زيت نباتي شيئا فشيئا أي في شكل خيط والخلاط يعمل حتى يولي الخليط كريمي

طبق تونسي مميز

تفوح اللحم بالكركم والفلفل اكحل ونعناع وكروية وتابل وسنة ثوم وملح وتعجنو بالباهي وتكعبرهم وبعد ترميهم في الماء الي

 يغلي وتزيدو زيت وكروية وملح وفلفل اكحل ومغرفة قهوة طماطم وتخليه يغلي حتى ينزح تماما ويقر زيتو

  : الهريسة العربي

تصمط 2 كعبات طماطم ومعاهم راس بصل وراس ثوم وبعد تزيدهم فلفل احمر شايح وكيف يطيبو سقطرهم وارحيهم وفوح بالملح والكروية وزيت الزيتون

شربة التشيش بالكروفات

كل شيء في الماء
كروفات وزيت وطماطم معجونة وطمطومة خضراء مقشرة وكلافس وبصل وكعيبة سفنارية جويدة وزيت وملح وفلفل اكحل وكيف يغلي ارمي تشيش عربي وخليها تغلي حتى تطيب

الكفتاجي التونسي

كفتاجي : تقلي الفلفل والطماطم بالثوم وتسقطرهم وبعد تقلي العضم وقطع الكل بالسكين وفوحهم بالكروية والملح وزيت الزيتون

 

كورنييات

الكورني  بعجينة عشرة دق و القولب الفرتونة تحل العجينة و تقصها شرائط عرض نصف صم و تورهم و تطيبهم عشررين دق في الفرن. الحشو كرام فراش و قوتالا متاع فرومي و جبن رابي و شوية معنوس جيدة و جونبون او تن و تخلطهم و تعبي الكرني و تغطسو في الجبن قرويار و تزين ببروشات كور دون فيها جبن و جومبون و زيتون

Gâteau au ganache miroire marbrè

جينواز قاتو :
للطبق الكبير
12 بيضة تفصل الابيض عن الاصفر
تحط مع الاصفر 8 مغارف سكر وكيس فانيليا
وتضع مع البياض 4 مغارف سكر وذرة ملح
ركض البياضوحدو والاصفر وحدو وبعد صبهم على بعضهم وزيدهم 12 مغرفة فرينة مغربلين وحرك في اتجاه واحد
وتاخو 6 بيضات وبنفس التمشى تعمل جينواز ثانية اما تزيدها 2 مغارف كاكاو وتنقص مغرفة فرينة والسكر عادي اي
6 بيض
6 سكر
5 فرينة
2 كاكاو
وطيبهم في الفرن على 170 °
ولازم تستعملى ورق خاص ليجعل الجينواز لا تلتصق بالطبق
Glaçage miroire:
تاخو 200 غ سكر و 200غ قلوكوز و100 مل ماء وتحطهم على النار المهم دوبما تحسهم باش يهزو الغلو هبطهم
وفى الوقت هذاكا حط في كاس 14 غ جيلاتين ومعاه 80 غ ماء دافئ ويخليهم برتاحو الوقت الي حضرت فيه السكر
تذوب 200 غ شكلاطة بيضاء في حمام مائي وتزيدها 140 غ حليب نستلي
وبعد تاخو صحفة وتخلط فيها السكر المغلي مع القلوكوز والجيلاتين والشكلاطة والنستلي بالباهي واخيرا اضيفي الملون بالنكهة التي تريدها وخلط بالباهي حتى تحس الخليط تماسك وبدا يولي خاثر وقتها صبو على القاتو متاعك
ويكون على ورق ومشبك باش يهبط الزائد تحت
وزين الباقي كيما تحب
ممكن تعمل تداخل 2 الوان او اكثر

كريم الزبدة
لكل من لاتزال تصنع القاتو
300غ سكر
70مل ماء تحطهم يغليو
وتركض 3 بيضات
كيس فانيليا
بالشوية بالشوية
وكيف السكر يولي يعمل كعبور بين الصوابع
صب بالشوية بالشوية على الخليط
وتكون عندك 300 غ زبدة بحرارة الغرفة
وكيف يبرد الخليط زيد الزبدة بالطرف بالطرف حتى يولي الخليط كريمي
وكان تحب حل شوية نسكافيه في مغيرفة ماء وتزيدها للخليط باش تحلو شوية او خليه كيما هو وحطو يرتاح في الثلاجة