دبلة

2 بيضات مع 2ملاعق اكل سكر نركضهم ونزيدهم 2ملاعق ماء عطرشية والفرينة حسب الحاجة مع ملعقة قهوة خميرة مرطبات وملعقة اكل نشاء نلمها مليح ونخليها ترتاح 1/2 ساعة وبعد نحلها رهيفة ونصها شرايط ونبدأ نقلي ناخذ طرف الشريط نلفه على الشوكة ونحطهها في الزيت سخون على نار هادية ونبدا نلف حتى يكمل ونشد الطرف الاخير على جنب القلاية حتى تتماسك الكعبة بعد نخرج الشوكة ونقلبها حتي تتحمر من الجهة الثانية وبعد ما نكمل الكمية كلها نشحرهم ونرشهم بالي نحب انا نخير الجلجلان المقلي يزيدها بنة مع الجرمشة
الشحور 2كاس سكر كاس ماء وعصير ليمون وقت الي يطيب نفوحه بماء العطرشية ونطفي عليه باش ما تتبخرش نكهتها

سندس مساعد

كورنوات بالقوتا

تاخو كاس ماء دافئ وتزيدو 1 خميرة فورية ومغرفة ص ملح و2 مغارف صغار سكر ومغرفة ك خل و1 ياغورت طبيعي و1/4 كاس زيت او زبدة
خلطهم بالباهي وبعد زيدهم فرينة حتى تتلم العجينة وخليها تتخمر
وبعد حل العجينة وقصها شرائط ولفها على قوالب الكورنوات وبعد ادهنهم باصفر البيض وطيبهم في الفرن

الحشو: قوتا وجبن قرويار وقطع صغار زيتون و تن وقطع صغار فلفل بر العبيد للي يحب وأخيرا رشة فلفل أكحل وخلطهم بالباهي واحشي بيهم الكورنوات ثم غطسهم في الجبن وتاكلو بالشفاء

كيكة العروس التركية

تحضير الكايك : تركض 4 بيضات وكأس سكر و1 فانيليا بالباهي حتى يولي الخليط كريمي وبعد غربل كأس فرينة ونصف باكو خميرة قاتو وتزيدهم وتخلطهم بالباهي وتطيبهم في الفرن ، وتحضر 2 كيسان حليب معاهم مغرفة ماكلة سكر وتخلطهم وتسقي بيهم الكيكة كيف تخرجها من الفور

الكريمة البيضاء : 6 كيسان حليب و2 مغارف نشاء و 3 مغارف فرينة مغرفة زهر ونصف كأس سكر تخلطهم بالمكسور وبعد طيبهم على نار هادية وكان لقيتها يابسة زيدها شوية حليب على خاطر فما فرينة تبدا شرابة برشا وهبطها من فوق النار وزيدهم كيس كرام شنتي وخلط  وبعد صب الخليط على القاتو وخليها تبرد في الثلاجة ،  واخيرا رش جوز الهند وقصها وزين بالفراولو والفزدق ادهن كعيبات الفراولو بناباج باش تحافظ على نظارتها وتاكلو بالشفاء

بسبوسة

نبداو بالشاربات نطيبوه و نخلوها تبرد مليح: كيلة ماء+نصف كيلة سكر+دوائر الليمون نحطوهم فوق النار يغلو عشر دقائق و نطفو (المقادير على حسب البسبوسة شحال تستحق لأنو لازم تتشرب مليح)
في اناء نضربو مليح 4حبات بيض+نص كاس سكر عادي، منبعد نضيفو الفانيليا+كاس زيت+كاس حليب+ليمون مبشور و نخلطوهم مليح، منبعد نزيدو ثلاث كيسان سميمدة و ثلاث اكياس خميرة كيميائية نكونو غربلناهم، و نضيفوهم تدريجيا و نخلطو بالفوي
ندهنو الصينية مليح بالزبدة و نحطو الخليط و ندخلوه يطيب في فرن مسخن مسبقا على 180°د، كي طيب نشربوها بشاربات تكون باردة، و نخلوها حتى تتشرب باش نقطعوها

امينة

كسكسي بالعلوش

كسكسي بالعلوش
ارمي في الماء المغلى
لحم بصل ملح فلفل اكحل كركم طماطم معجونة موش برشا فلفل مرحي وتخليه يغلي كيف نحط كسكسي نقص في الغاز يطيب في عقلو والسفنارية والحمص نطيبهم وحدهم بالملح والكركم وكيف يطيبو نرش شوية فلفل اكحل بعدما نسقي الكسكسي ونزين بالسفناريا والحمص وقرينات فلفل اخضرواحمر مقلين وعضيمة عربي مصموتة وزين الباقي كيما تحب

 

البطبوط

البطبوط : رطل فرينة كاس سميد جويد ساشي خميرة خبز و مغرفتين زيت و شوية ملح تعجن بالماء الدافي و تخليه يخمر و بعد تعمل قريصات صغار تنجم تدورهم بكاس و تحطهم يرتاحو شوية و تطيبهم في الطاجين على نار ضعيفة و بعد تشقهم و تحط هربسة و خس و حلقة طماطم و زيتون و مايوناز و عظم طايب و تن

كلثوم بالحاج

كيكة بالدرع

تركض 4 بيضات وكاس سكر وكيس فانيليا حتي يولي الخليط كريمي
زيدو كاس الا ربع زيت
كاس حليب
تغربل كاس فرينة و2 كيسان درع وكيس خميرة وتخلطهم وزيدهم للخليط
تنظف شوية دقلة وزبيب وتلفهم في الفرينة وترشهم على القاتو من فوق وزيدهم جلجلان مقلي او لوز او فزدق انت وشنوة عندك
وطيب في الفرن على180°

عائشة التومي

طاجين خبز التوست

طجين خبز التوست
بذنجان بطاطا بصل مشوين أولا
نفرش الخبز في الطبق نبسط البطاطا فوقها البذنجان البصل نضع المتزرلا نخلط البيض ونضعه من فوق بعدين في الفرن

فرج سعيد

muffin aux chocolat

طريقة صنع المافن
200غ فرينة حلاويات
60غ من الكاكاو
200من السكر
8غ خميره حلاويات
10غ فانيليا
150مل حليب
2بيضات
60غ زبده

فرج سعيد
50غ حبيبات من الشكلاط المره

Cordon Bleu

الكردون بلو تفوح شرائح الاسكالوب بشوية ملح و فلفلاكحل و اكليل و زعتر وتخليهم يبنانو و تحط وسط كل شريحة جبن و سلامي و تلفها و تشدها ب cure dent و تغمسها في الفرينة و العضم و بعد في الشابلور ( خبز مرحي) و تقليهم على نار هادئه حتى يتحمرو
شربة ااعدس تسمط الشوفرات مدة 5 دقايق و تقلي كعبة طماطم و 3سنون ثوم و شوية كمون و كاس عدس مقشر و عرفين كلافس و مغرفة طماطم معجون و تفوح ملح و فلفل اكحل و كركم و شوية فلفل زينة و تمرق بالماء متاع الشوفرات و من الاحسن يكون ماء ماجل او معدني تخليه يغلي حتى يطيب العدس و في الاخر ترمي الشوفرات مقشرة تغلي لمدة درجين و تطفي