هريسة دياري
تأخو الفلفل وتنحيلو النقود متاعو واغسلو بالباهي وبعد فورو وثقلو بحاجة رزينة باش يسقطر وخليه ليلة كاملة في الثلاجة باش يتنحى منو الماء الكل ، وبعد ارحيه و الرحية الثانية استعمل الكسكاس المتوسط باش نحيلو الزريعة وفوحو بالملح والتابل والكروية والثوم إلى يكون فورتو مسبقا زادة
وحسب الوزن حط فيه دواء التصبير أو حطو في الكونجيلات واستعمل بالدبوسة بالدبوسة
هرقمة بالراس
تحط الراس مقطع في الماء وكيف يغلي بزع الماء هذاكا وعاود ماء آخر
تصمت راس العلوش بالباهي مع سنينة ثوم ونحي العضمات الفارغة
تقلي بصلة وتزيدها مغرفة كبيرة طماطم معجونة ومغرفة هريسة عربي دياري
وتقشر راس ثوم ومعاه تابل مرحي فرشك
وترصف قطايع الهرقمة وتمرق بماء الصمتان
وتفوح بالتابل والثوم والكركم والفلفل احمر والفلفل الاكحل وتخليها تشكشك حتي تقر زيتها
تصمت اللوبيا وحدها وبعد كيف تطيب تزللها وتحط في المرق دوبما تغلي وتقر زيتها ارمي قرين فلفل اخضر واطفي
اقلي بطاطا وفلفل
بشكوتو بالكاكاو
سهل وسريع
200 غ زبدة بحرارة الغرفة
1/2 كاس زيت نباتي
300 غ سكر محور
2 فانيليا
تخلطهم بالباهي حتي يولي عندك خليط متجانس
تزيد 4 بيضات واحدة واحدة وفي نفس الوقت تخلط
تزيد 2 خميرة قاتو
تغربل الفرينة وتزيد باشوية بالشوية حتى تتحصلي على خليط طري
تقسمو على 2 اجزاء متقايسين
جزء زيدو 3 مغارف كاكاو
وجزء زيدو 3 مغارف فرينة
باش تتحصلي على عجينة رطبة وباهية
تطرحي عجينة الكاكاو في الطبق ( 30/30) وبعد حط فوقو شوية معجون واطرحي الخليط الثاني
حطو يطيب في الفرن
وبعد كيف تخرجو لفو بمنديلة وبعد بكيس بلاستيكي باش ترجع عليه السخانة ويتقص كيف البقلاوة مسبوك ومزيان
وكيف يبرد تماما
ذوب 400غ شكلاطة ومعاها مغرفة زبدة و2 مغارف كرام فراش
صبها على البشكوتو وخليها تبرد وبعد قصها وقدمها
كسكسي شمسي بالقرع
تشق الفلفل وتقليه وتخرجو
تقلي بصلة وطمطومة خضراء وبعد تزيد 2 مغارف كبار طماطم معجونة وشوية طماطم شريحة وملح وكركم وفلفل مرحي وامرق بشوية ماء وبعد رجع الفلفل في الصوص يغلي شوية وخرجو وارمي شوية قديد وامرق بالباهي
ارمي قرع وبطاطا و2 سنات ثوم وفلفل احمر شايح وبصل
بل الكسكسي الشمسي بالماء والشوية زيت وحطو يفور وفي نصف الطياب عاود بل الكسكسي بالصوص ورجعو يفور لين يطيب سقيه عادي وزين الصحنات وماتنساش اصمت كعيبة عضم
تصمت اللحم بالماء وشوية بصل و2 مغارف زيت وكركم وملح وفلفل أكحل وتخليه حتى يشيح في ماه وتزيدو 3 عضمات مصموتين وكعبة بطاطا مقطعة جويدة ومقلية وجبن قرويار ولاّ برموزان وجبن موتزارلاّ وبعد تفقر فيه البيض المقدار الكافي ، وماذابيك البلاتو مايكونش كبير على كمية الخليط الموجودة عندك باش يجيك عالي وبنين وقصّ شوية فلفل بر العبيد زين بيه وطيبو في الفرن على 180 د
نقص اللحم شرايط وبعد نفوحو ببرشا ملح وفلفل اكحل وفلفل مرحي وكركم وتابل وكروبة ونعناع شايح وقطيرات زيت ونخليه في الثلاجة يبنان ليلة كاملة وبعد سقطرو في كسكاس وانشرو على الحبل وكل ليلة غطيه باش ما يتبلش بالندوة وإلا المطر والصباح عريه يشيح والمهم المكان يكون مشمس ، وبعد اسبوع او أكثر كيف يشيح سليه في زيت نباتي بالباهي ثم زللو من الزيت هذاكا وحطو في زيت جديد زيتونة وفي دبوسة بلار
ثبتو في الزيت متاع تسلية القديد كيفاش يولي ؟
تتلم فيه الاتربة متاع الجو
تذوب فيه الشحوم الملتصقة في اللحم المشيح
وزيت قليان
هذاكا عﻻش يلزم نصفي القديد ونحطو في دبوسة بلار ونصب عليه زيت زيتونة فرشك
فما شكون يغسلو اما انا مانعملهاش على خاطر فيها risque يفسد القديد
عصبان القديد:
قطعنا الكبدة واللحم والرواري…. ونفوحوهم بالكروية والزيت والكركم والفلفل الاكحل والمرحي والنعناع الشايح
ونبل المصارن والكرشة بالماء السخون
وبعد نفوح الكل ونبدا نعصبن في الكعبات ونربطهم وحدة وراء وحدة وبعد ننشرهم في الشمس على الاقل 4ايام ونسلي القديد الكل مع بعضو
كسكسي بالمناني
نقلي بصلة صغيرة مقطعة جويد بعد ما نقلي جرون فلفل يعطيو نكهة للزيت ونخرجهم وبعد البصل نزيد كعيبة طماطم اخضر طايبة تذبال شوية ملح عليها بعد نزيد مغرفة طماطم معجون ونفوح فلفل احمر واكحل وكركم وملح ونقلي ونمرق بشوية بعد نمرق فرد مرة ونرمي بطاطة حسب حاجتي وقرع ونخليهم يطيبو في نص الطياب نخلط الحوت وفي نفس الوقت نبل الكسكسي ونحطه يفور وبعد ما يطيب نسقي
سندس مساعد
