قاتو رولي بالفراولو

5بيض كامل
5ملاعق اكل سكر
1فانيلية
2ملاعق اكل ماء ساخن
5ملاعق اكل فرينة مغربلة
للزينة
فراولة طازجةمقطعة
كرام فراش او كرام شانتي
شكلاطة مذوبة
سيروب لسقي الجنواز

سندس مساعد

الجوزة

400غ زبدة جديدة تحلها في يديك حتى تولي بوماد تزيدها 2 فانيليا 4 بيضات واحدة وفي نفس الوقت تخلط وزيد مغرفة ماكلة مليانة كرام فراش وخلط ، غربل كيلو فرينة ومعاه 2 خميرة وخلطهم مع بعضهم وزيد للخليط إلى عندك حتى يتلم ، أنا نحبها من غير سكر وممكن تستعملها مالح وحلو : الحشو : حكة نستلي تغليها ساعة كاملة في الكوكوت وبعد أحشي بيها الكعاب مع كعيبة بوفريوة أو جوزة او لوز

عجة مرقاز

في طنجرة تقلي بصلة كبيرة و اربعة كعبات طماطم مقطعين و تقص المرقاز الكعبة على ثلاثة و ترميه في الصلصة وتزيدهم  راس ثوم مفروم و مغرفة طماطم معجون و مغرفة هريسة عربي و تفوح بالملح و الكروية و تمرقها شوية و تقطع فيها قرن فلفل و تقص المرقاز الكعبة على ثلاثة و ترميه في الصلصة اللي حضرتها و تفقر البيض و قرون فلفل مقلي و بالشفاء

معجون عوينة

كيلو عوينة عليهم 300 غ سكر و عصير كعبة قارص تغسل العوينة تقصها مكعبات وتصب عليها السكر و كعبة القارص وتخليهم ليلة كاملة في الثلاجة و بعد تغليهم على نار هافتة و تنحي الكشكوشة من فوق لين يطيب ويشرب ماه تعبيه في دبابس معقمين و تقلبهم 5 دقايق بعد تغليهم 4دراج و تحفظهم في خزانة الكوجينة

نزهة

جواجم

اول حاجة عملت خطوط بالشكلاطة السائلة في الكيسان ومن بعد حطيت كرام شانتي مختلطة بنيوتيلا ومن بعد بسكوي سيدة مهروش وسقيتها بقهوة نسكافيه ومن بعد حطيت مغرفة نيوتيلا ومرة اخري بسكوي وتسقي بالقهوة وفي الاخر كرام شانتي وتزين من فوق بالبوفريوة والفستق وزوزة وترش اللوز المهروش وتعمل خطوط بالشكلاطة السائلة وصوابع بسكوي ستار وصوابع شكلاطة

مفيدة حمزة

محمص بالقديد

قلي بصلة وطمطومة خضراء وبعد تزيد طماطم معجونة وطماطم شريحة والقديد ومرقاز وتمرق وتزيد فلفل مرحي وكركم وملح وفلفل أكحل وكبف يطيب أرمي المحمص وقريّن فلفل بر العبيد  واقلي فلفل أخضر وفلفل

محمّص بالمجّل

تقلي بصلة وطمطومة خضراء وبعد تزيد طماطم معجونة وطماطم شريحة  وتمرق وتزيد فلفل مرحي وكركم وملح وفلفل أكحل وكبف  يغلي المرق أرمي المجّل وخليه يغلي على نار هادية وكيف يطيب خرّج الحوت  أرمي المحمص وقريّن فلفل بر العبيد  واقلي فلفل أخضر

رجاء علاية

مجّل مشوي وزيت جديد

تقشر المجّل وتفوحو بالملح والكركم والفلفل الاكحل والزيت وتخليه يبنان ساعة وبعد تشويه تتبنن مطعم السمك الخالص مع قطيرة زيت زيتونة وخبيزة طابونة 

   

أرز بالعصبان

 

صوص الأرز

تقلي بصل في الزيت وتزيدو مغرفة طماطم ونصف مغرفة فلفل مرحيوتمرق بالماء الساخن وتزيد فلفل مرحي وبسباس وقرفة وشوش ورد وكركم وكيف يغلي تحط العصبان يطيب على نار هادية

رتاج

سلاطة فجل

تقطع فجل وبصل وطماطم وتزيدهم فلفل أكحل وخل وزيت زيتونة وملح ورشيشة معدنوس وكعيبة زيتون

رتاج

عوينة مصبّرة

3 كيلو عوينة 1لتر ماء – 400غ سكر ‘تغلي الماء والسكر لين يدوب السكر تخليه يبرد شوية وتاخد لعونة تغسلها و تقسها على زوز وتنحي القلوب وتعبي في الدبابس يكونو معقمين وبعد تصب السيرو وتقلب الدبابس 5 دقايق وبعد تغليهم وتخليهم يبردو في ماهم و تحفضهم في خزانة الكوجينة

نزهة

بيتزا عائلية

العجينة : كأس حليب وكأس ماء دافئ و 2 مغارف سكر ومغرفة ملح وكيس خميرة خبز تخلطهم بالباهي وبعد زيدهم 3/4 الكاس زيت و 2 كيسان فرينة وخليهم يتخمرو 15 دق  في مكان دافئ وبعد زيدهم فرينة بالشوية بالشوية حتى تتلم العجينة وتولي معادش تتلصق

الصوص

تقلي بصل وبعد تزيد معاه طماطم خضراء مرحية وكيف تتقلي زيدهم طماطم معجونة وفلفل مرحي وثوم وفلفل اكحل وكركم وملح وزعتر
وتبقى تغلي حتى تطيب وتبقى خاثرة

تحل العجينة وتحط فوقها الصوص وخليها ترتاح وبعد رش عليها الجبن وخليها تطيب وفي نصف الطياب فقر عضيمات  ورجعها للفرن وكيف تطيب تماما زينها بالتن والزيتون والمعدنوس والبصل المسوتي …..