سلطعون البحر سوتي

سلطعون البحر مسوتي ( كابوريا)
نظفت الكابوريا بالباهي وبعد دوبما غﻻت في الماء والقارص والملح وتغير لونها
صمت طماطم خضراء ورحيتها
وبعد قطعت بصل وثوم وسوتيتو وصبيت عليه الكابوريا وفوحت بالفلفل الاكحل والكركم وملح وغطيتو حتى طاب زدت قارص ومعدنوس

أمك حورية

تصمت السفناريا بالملح وبعد تسقطرها وترحيها وفي طنجرة تيفال قلي بصلة صغيرة ومغرفة طماطم ومغرفة هريسة عربي و5 سنات ثوم وبعد زيدهم السفناريا وحرك وفوح بالملح والكركم وفلفل مرحي وكروية وكيف تطيب وتنزح تماما أطفي عليها وزيدها 2 مغارف خل وعصير شطر كعبة قارص وزين كيما تحب

خبزة رأس السنة

اول حاجة :
نحضر جينواز بيضاء 
6بيضات وذرة ملح و1 فانيليا و 5 مغاف سكر محور مغربل
نركضهم بالباهي حتى يبياض العضم ويولي كيف الكريمة زيدهم 6 مغارف فرينة مغربلة ونصف كيس خميرة قاتو وخلطهم برفق وطيبهم في الفرن على 180°
جينواز بالكاكاو
نفس الطريقة متاع الجينواز الاولى الا انه نعوض 2 مغارف فرينة ب 2 مغارف كاكاو مغربلين
نطيب الجينواز الثانية
نفس الطبق باش يكون نفس الكبر
نخليهم بيردو بالباهي وبعد نقسم كل وحدة على 2
انظر الصور
كريمة الزبدة :
300 غ زبدة بحرارة الغرفة
تركضها حتى تولى بيضاء وترطاب زيدها 2 كيسان سكر محور و1 فانيليا
تركض حتى يتجانس الخليط
زيدهم نصف كاس حليب وعينك ميزانك وركض حتى تولى عندك كريمة طرية وباهية
الطريقة :
تقلي الفاكية الي عندك
كان تحب تزين بالشكلاطة حضر قاناش :
100 غ شكلاطة ونصف علبة كرام فراش و30 غ زبدة
تذوبهم في حمام مائي وتخليها تبرد شوية
تحضر سكر مغلي في كاس ماء موش خاثر خفيف برشا وزيدو زهر
تاخو الجينواز وتدهنها بالسيرو الي حضرتو وممكن تستعمل عصير او قهوة وانت والنكهة الي تختارها
وبعد تحط طبقة كرام الزبدة ولوز مرحي وطبقة الجينواز بالكاكاو وبنفس الطريقة وتعمل كيف كيف تزينها ماتقلقش
كان استعملت غلة في الزينة ماتنساش الناباج
وصحة وبالشفاء 🎂

طاجين ملسوقة من الحجم الكبير

تأخو 18 ورقة ملسوقة دياري
الخليط عادي
تقطع 2 رؤوس بصل و 2 صدور دجاج وما يقابل كيلوسكالوب دجاج تقليهم في الزيت مع شوية ماء لين يطيبو وينزح وتفوح بالتابل والكركم والملح
تقلي كعبتين بطاطا مقطعة جويدة برشا
وزيد الخليط 4عضم مصموتين و200 غ جبن و3 مغارف معدنوس مقطع واخيرا العضم النيء 20 عضمة وما يكونش سائل برشا
تختاري طبق 35 صم /30 صم بحيث الخليط يكون عالي
تحط طبقات الملسوقة الي حضرتها ( تدهنها بالزيت أو الزبدة من الجهتين )وصب فوقها الخليط كيما في الصورة وبعد غطي بيهم
وبعد زيد 2 ورقات ملسوقة غطي بيهمالخليط ويكونو زادة مدهونين بالزبدة او الزيت من الجهتين
في صحفة صغيرة
خلط 4 بيضاتوشوية 50 غ موتزارلا أو جبن فوندون
وصبها من فوق باش ماتتنطرش الورقة الفوقانية وتبقى رطبة ومزيانة
وطيب في الفرن