طبيخة فول وجلبانة وخبز قمح دياري

الخبز :
كيل بكاس 225مل
كاس حليب
كاس ماء دافئ
كاس زيت
2 مغارف صغار ملح
2 مغارف ص سكر
2 مغارف ماكلة خميرة خبز
كاس فرينة
خلط كل هذه المكونات بالمكسور وخليهم يتخمرو في مكان دافئ
كيف يتخمرو زيد الخليط 3 كيسان قمح كامل و اعجن كان لقيت العجينة مازالت موش ملمومة كمل بالسميد او الفرينة على خاطر القمح وحدو يخلي الخبز يتفتفت
كيف تتلم العجينة ادهنها بالزيت وخليها تتخمر للمرة الثانية حتي يتضاعف حجم العجينة
واخيرا كيف تتخمر اصنع الخبز بالشكل الي تحب عليه ولف الخبزة في السميد من فوق وحطهم في الطبق شقهم للزينة
كان تحب رش سينوج او جلجلان او بسباس ….
وخلي الخبزات يتخمرو للمرة الثالثة
يتضاعف حجم الخبزة وتزيان
طيبهم في الفرن على 180° واخيرا شعل عليهم الفرن من فوق باش يحمار الخبز
وتاكلو بالشفاء

الطبيخة:
نقطع في الطنجرة :
حزمة سلق وحزمة معدنوس و2 سفناريا و2 لفت و2 رؤوس بصل كبار وكاس فول مصري وكاس ونصف جلبانة وكاس ونصف فول اخضر ومغرفة كبيرة طماطم معجونة ومغرفة كركم وزيت وفلفل اكحل
قلي الكل وامرق
زيد شوية فلفل مرحي
وغطي الطنجرة وخليها تشكشك وحدة وحدة باش تطيب بالباهي
في نصف الطياب زيدها البطاطا وكيف تشيح وتخثار وتقر زيتها ارمي قرينات فلفل ملاحي
الطبيخة ماتحبش الكوكوت وتحسها تطيب ولكن المطعم موش كيما تطيب وحدة وحدة
وشاهية طيبة

شكشوكة جلبانة

تقلي بصلة ومعاها 2 كعبات طماطم خضراء وبعد زيد نصف مغرفة كبيرة طماطم معجونة و2 كيسان كبارجلبانة مفركة ومغسولة وامرق بماء ماجل أو صافية باش تطيب بالباهي وزيدها 2 سنات ثوم مقطعين جويدات وملح وفلفل اكحل وكركم وكروية وقطع كعبة بطاطا صغيــــــــــرة وغطيها وبل الفلفل الشايح متاع الصيف أو فلفل أحمر حار وارميه في المرق وأخيرا كيف تلقاها طابت وولات خاثرة ارمي قرين فلفل ملاحي وفقر عضيمات وغطيها وبعد أطفي وخلي النار ترجع عليها ، المهم تكون خاثرة وطايبة بالباهي الجلبانة والبطاطا نذوب زادة

كسكسي بعصبان الوزف

كسكسي بعصبان الوزف :
تنظف الوزف بالباهي بالملح وبعد تتبعو بالكعبة بالكعبة حتى يتنحى قشورو الكل وكمل خليط العصبان .بصل ومعدنوس وهريسة عربي وملح وفلفل اكحل وتابل وفلفل مرحي وشوية كمون وكركم وقطيرة زيت و2 سنات ثوم قطعهم جويدين خلطهم بالباهي ولفهم في السلق (غطس وريقات السلق في الماء الي يغلي وفيسع خرجهم )
وبعد لفهم في الخيط
المرق :
اقلي قرينات فلفل في الزيت وخرجهم وبعد قلي بصلو و 2 كعبات طماطم خضراء و2 مغارف ماكلة كبار مليانين طماطم معجونة وقليهم وزيدهم هريسة عربي وطماطم شريحة وملح وكركم وفلفل مرحي وامرق شوية وبعد ارمي الفلفل الي قليتو في الصوص باش يبنان وخرجو
امرق وارمي بصل وقرع ولفت وبطاطا والعصبانات و4 سنات ثوم صحاح
خليه يغلي والكسكسي يفور وكيف يطيب سقي عادي وسربي الصحنات

بشكوتو دياري

بشكوتو : كيلو فرينة ،6 بيضات 320 غ سكر ،250 غ زبدة ، بشر 4 كعبات قارص وزوز برتقال ، رشة ملح ، 2 فنيليا
،2 خميرة
انا نقصت زوز كيسان فرينة وعوضتهم بالنشاء
تاخد الفرينة والنشاء وتخلطهم مع الزبدة تكون طرية وتزيد السكر والخميرة وبشر الليمون والبرتقال والفنيليا والبيض ورشة الملح وتخلط الكل لين تتحصل على عجينة متماسكة
نحط في المكينة ونطلع البشكوتو ونغطسو من الفوق في السكر ونحط على ورق الفرن ونطيبو في فرن سخون على 200 د 15 -20 دق

نزهة

فلفل محشي

الروسات : تغسل الفلفل وتجي للشطر متاعو وتقصو في اثنين وتنحي القصبة متاعو بش كيف تحطو في البلاتو يبدا مرتاح . الحشو: تقطع زوز رووس بصل وتقليهم شوية في الزيت وتحط اللحم المفروم يتمروج مفوح بالملح والكركب وفلفل احمر وفلفل اكحل وتابل راس حانوت وشوية نعناع وتزيد السبناخ وتخليه منو يطيب ومنو يشيح المرق متاعو وبعد تحط الجبن كيفما تحب و مغرفتين كرام فراش وتخلط بعضمتين انت والحشو وبعد تعبي وتنظم في البلاتو . الصوص: زوز مغارف ماكلة معجون وزوز هريسة عربي فلفل شايح رحيتو وتحلو بالماء والزيت وتحط شوية كركم مغرفة قهوة ومغرفة فلفل اكحل وفلفل مرحي وشوية ملح والصوص تبداخاثرة اني خليتها تغلي شوية فوق الناروبعد صبيت على جنب في البلاتو وحطيتها في الفور ساعة الا ربع طابت وتاكل بالشفاء😍

عفيفة واجة 

كبدة محمرة وسلطة

الكبدة :

تنظف الكبدة والدجاج وتعصر عليهم القارص وشوي خل وبعد تغسلهم وتسقطرهم وتحطهم في التيفال وعليهم زيت زيتونة وبصلة صغيرة مقطعة جويدة وتقليهم وتصب عليهم كاس صغير ماء وتفوح بالملح والفلفل الاكحل والكركم ومغرفة صغيرة طماطم معجونة والكروية وشوية اكليل وزعتر فرشك وغطيه وخليه يطيب على نار هادية وكيف ينزح فقر عضيمة أو بلاش وزين الصحنات بالمعدنوس والبصل كان تحب
سلاطة روسية
تصمت البطاطا والسفناريا والجلبانة في الماء والملح والكركم وبعد تسقطرهم وتفوح بالزيت الزيتون والفلفل الاكحل وكان تحب المايونيز والموتارد وتزين عادي بالزيتون والبصل والمعدنوس والعضم
العدس:
تغلي ماء ماجل او صافية
وفي الكوكوت حط شوية 5زيت زيتونة وبصلة وقطيعات لحم دجاج وقليهم وبعد زيدهم مغرفة فلفل مرحي وشوية طماطم معجونة وامرق بالماء الي يغلي وزيد شوية بسباس مرحي وارمي العدس وغطي الكوكوت 15 دق
وبعد حلها تلقاه طاب زيدو كعيبة ملح واخيرا رشة نعناع شايح وتاكل بالشفاء
ردو بالكم فيسع يطيب كيف يبدا ماء ماجل او صافية وكوكوت

مثاومة بالقطاط

تصمت قطع القطاط في شوية ماء موش برشا
وفي طنجرة أخرى قلي ثوم وتابل وكروية وهريسة وطماطم معجونة وبعد حط القطايع بلطف وصفي الماء متاع الصمتان وامرق بيه وزيد فلفل مرحي وكركم وملح وفلفل اكحل وخليها تغلي لين تخثار رش كمون وأطفي عليها
أقلي بطاطا وفلفل زين الصحنات بالمعدنوس

شكشوكة جلبانة

تقلي بصلة ومعاها 2 كعبات طماطم خضراء وبعد زيد نصف مغرفة كبيرة طماطم معجونة و2 كيسان كبارجلبانة مفركة ومغسولة وامرق بماء ماجل أو صافية باش تطيب بالباهي وزيدها 2 سنات ثوم مقطعين جويدات وملح وفلفل اكحل وكركم وكروية وقطع كعبة بطاطا صغيــــــــــرة وغطيها وبل الفلفل الشايح متاع الصيف أو فلفل أحمر حار وارميه في المرق وأخيرا كيف تلقاها طابت وولات خاثرة ارمي قرين فلفل ملاحي وفقر عضيمات وغطيها وبعد أطفي وخلي النار ترجع عليها ، المهم تكون خاثرة وطايبة بالباهي الجلبانة والبطاطا نذوب زادة

كسكسي بالحوت

الحوت نظفو ونرش عليه الملح ونخليه يبنان في الثلاجة
ونحضر الصوص :
نقلي بصلة وكعيبة طماطم خضراء وبعد نزيد 3 مغارف ماكلة طماطم معجونة وكعيبرة طماطم شريحة و2 مغارف فلفل مرحي ونمرق
نحط قرع جديد وكعيبة بطاطا كان تحب وسنة ثوم و فلفل احمر شايح ونمرق ونزيد الملح والكركم والفلفل الاكحل وكيف يغلي المرق نرمي الحوت
نبل الكسكسي بشوية ماء وزيت ونحطو يفور
نتريه بعد بالمرق متاعو ونرجعو يفور
واخيرا نقلي الفلفل ونسقي الكسكسي وماتنساش رش شوية فلفل اكحل فرشك وزين الصحافي