بلبلوني

رطل فارينة .ساشي خميرة خبز.مغرفة صغيرة ملح .نصف لتر ماء
تخلط الفارينة والخميرة والملح وتبدا تصب في الماء وتلمها وتخليها ترتاح مغطية 15دق بعد تجبدها وتبدا من الاجناب للوسط تعجنها وتخليها ترتاح ساعة لين يتضاعف حجمها.بالنسبة للعجينة تجي مرخوفة موش يابسة .بعد تدهن ايديك بالزيت وتلمها لعجينة تنحي منها لهواء وتدهن طبق بالزيت وتبدا تعمل كعبورات وتحضر زوز مقلاة وحدة فيها شوية زيت والاخرى فيها اكثر زيت .تاخذ بالكعبة تنقبها في الوسط ودور وتحطها في المقلى الاولى الي فيها شوية زيت وتحرك فيسع بحاجة لوح ( قفى المغرفة) لين تحمار تهزها وتحطها في المقلى الثانية تكمل طيب .

ابتسام

مثلثات بعجينة الفايلو والكريمة

المقادير

علبة عجينة الفايلو 3 أكواب زبدة المذوبة
سمنة أو زيت
750 غ قشطة جاهزة
قطر سكر (عسل)
فستق حلبي وزهر ليمون للزينة
قطر السكر

3 أكواب سكر
ماء كوبانربع ملعقة صغيرة ملح

طريقة التحضير
تذوب الزبدة وتخلط مع السمنة أو الزيت.
يدهن قعر صينية مستطيلة بالزيت. تصف فيه طبقات عجينة الفايلو فوق بعضها البعض، مع ضرورة دهن كل طبقة من عجينة الفايلو بخليط الزيت والسمنة قبل تكديسها في الصينية.
بعد تكديس كل طبقات العجين فوق بعضها، تقطع بواسطة سكين حادة إلى مربعات من 12 سم.
يطوى قسم من كل مربع للحصول على شكل مثلث.
يحمى الفرن لغاية 350 درجة فهرنهايت وتخبز فيه المثلثات بعد دهنها بالكثير من الزيت حتى تنتفخ وتشقرّ.
تخرج الصينية من الفرن ويصفى فائض الزيت من الصينية وتترك المثلثات لتبرد تماماً.
يسكب القطر البارد فوق المثلثات.
يشق وسط كل مثلث بعناية برأس السكين ويحشى بالقشطة المحضرة ثم يزين كل مثلث بزهر الليمون والفستق المطحون.

قطر السكريسخن السكر مع الماء في قدر على النار حتى يبدأ بالغليان. تخفف النار ويتابع الطهو لمدة 10 دقائق تقريباً حتى تظهر فقاقيع كبيرة على سطح القطر.
يضاف ملح الحامض ويغلى القطر لمدة دقيقة أو دقيقتين. تطفأ النار ويترك القطر ليبرد.

ملاحظة
في الحلويات الشرقية، يجب أن يكون القطر بارداً إذا كانت العجينة ساخنة.

مرقة شوباي وكالمار

تقلي في الزيت الجلبانية والشوباي( الي غليتو شوية في الماء )والبصل موش برشا وزيدو طمطومة خضراء وشوية طماطم معجونة وامرق وزيد كركم وفلفل اكحل وشوية فلفل مرحي وبسباس مرحي وقطع كعيبة بطاطا وخليها تغلي حتى تقر زيتها

مرقة الراسكاس

في الطنجرة نحط زيت وبصل وطمطومة خضراء ونقليهم ونزيدهم مغيرفة طماطم معجونة ونمرق ونفوح بالملح والكركم وفلفل مرحي وتابل مفوح ومغرفة هروس وراس ثوم كامل صحيح وكعبة بطاطا مقطعة ونحط الحوت في الكسكاس ونسقطو مع المرق يغلي باش مايسيبش الشوك متاعو في المرقة ويسيب الفيحة
وكيف تطيب المرقة وتقر زيتها زيد رشة صغيرة كمون وطفي
زين الصحن بكعيبة قارص وقرين فلفل وتاكلو بالشفاء

تارت بالشكلاطة

بالنسبة للبات 225غ فارينة 25غ كاكاو و 125 غ زبدة طرية و عصمة 150 غ سكر و قرصة ملح و 8غ خميرة قاطو و تلم العجينة تخلاها ترتاح ساعة في الثلاجة…بالنسبة للكريمة 2فصوص عضم و 50غ سكر و15غ فارينة و مغرفة صغيرة نشاء تخلطهم الكل بالفوى….و تحط 250مل حليب يسخن و من بعد تصب شوية منو في الخليط و ترجع للحبيب و تقعد تحرك لين تولي عندك كريمة باتسيار….احطها بترد بااباهي….حضرها مدابيك قبل البات…… ندوب 200غ شوكولاطة و من بعد زيدها 130مل كرام فراش و زيدها ها الكريمة اللي خلينها بترد….خلط الكل و حل البات في الطبق…خلي منها شوية للزينة سيول سيول…صب الخليط الكل و زين بقية العجينة و ديراكت للفور…صحة و بالشفاء

مرمز بالدجاج

أول حاجة الحمص يكون مصموت وطايب
نغسل الدجاج وندهنو بالقارص والخل بالباهي وبعد نغسلو منيح ونأخو طنجرة ونقطع فيها بصل ونحط معاه اللحم وكعبتين طماطم والزيت ونقليه بالباهي وبعد نزيد طماطم معجونة ونمرق ونحط فلفل مرحي وفلفل اكحل وكركم وملح وبسباس مرحي ونخليها تغلي وفي وسط الطياب نرمي الحمص ( طايب مسبقا ) وبعد 10 دق تقريبا قطع رأس بصل و 2 كعبات طماطم خضراء وارميهم في المرق معاهم قرن فلفل أخضر وخليهم يشكشكو على نار هادية حتى تقر زيتها المرقة وتطيب
أقلي كيف العادة فلفل وكان عندك الصغار معاه بطاطا

ريم المنزلي

قاتو الياغورت

تكيل القاتوالكل بالياغرتة
تخلط في وعاء :
2 ياغورت ونصف ياغرتة حليب وياغرتة زيت نباتي
وفي وعاء آخر تغربل 4 ياغرتات فرينة ومعاهم 2 خميرة قاتو وتخلطهم بالباهي
تشعل الفور وتحضر الطبق تدهنو بالزيت وتحط فيه ورق الطبخ
وفي صحفة تحط 6 بيضات بحرارة الغرفة ومعاه 2 .5 ياغرت سكر و2 فانيليا وتركضهم بالباهي حتى يولي عندك خليط كريمي ومن غير ماتوقف الخلاط فقط نقص في سرعتو تزيدو خليط الياغرت والزيت والحليب وبعد زيدو خليط الفرينة
وكيف يولي الخليط متجانس صبو في الطبق وطيبو في الفرن على و 180°
وكيف تبرد بالباهي قصها باش ماتتشفردش بالشكل الي تحب

قاتو عائلية لفطور الصباح

تخلط في وعاء :
2 ياغورت بنكهة الفانيليا و 50 مل حليب 100 مل زيت نباتي
وفي وعاء آخر تغربل 3 كيسان فرينة ومعاهم 2 خميرة قاتو و وتخلطهم بالباهي
تشعل الفور وتحضر الطبق تدهنو بالزيت وتحط فيه ورق الطبخ
وفي صحفة تحط 6 بيضات بحرارة الغرفة ومعاه كأس سكر وممكن تزيد او تنقص حسب رغبة افراد العائلة و2 فانيليا وتركضهم بالباهي حتى يولي عندك خليط كريمي ومن غير ماتوقف الخلاط فقط نقص في سرعتو تزيدو خليط الياغرت والزيت والحليب وبعد زيدو خليط الفرينة والخميرة
وكيف يولي الخليط متجانس صبو في الطبق  وخلي محكار كأس منو زيدو مغرفة كاكاو وخلطو ووزعو على كامل الخبزة وطيبو في الفرن على 180°
وكيف تبرد قصها بالشكل الي تحبو، انا حطيت طبق واسع وجات عالية وقصيتها في شكل معين

 

قاتو الكاكاو العائلية

تكيل القاتوالكل بالياغرتة
تخلط في وعاء :
2 ياغورت طبيعي ونصف ياغرتة حليب وياغرتة زيت نباتي
وفي وعاء آخر تغربل 4 ياغرتات فرينة ومعاهم 2 خميرة قاتو و 3/4 ياغرتة كاكاو وتخلطهم بالباهي
تشعل الفور وتحضر الطبق تدهنو بالزيت وتحط فيه ورق الطبخ
وفي صحفة تحط 6 بيضات بحرارة الغرفة ومعاه 2  ياغرت ونصف   2 سكر  فانيليا وتركضهم بالباهي حتى يولي عندك خليط كريمي ومن غير ماتوقف الخلاط فقط نقص في سرعتو تزيدو خليط الياغرت والزيت والحليب وبعد زيدو خليط الفرينة والكاكاو

وكيف يولي الخليط متجانس صبو في الطبق وطيبو في الفرن على 180°
وكيف تبرد قصها بالشكل الي تحب