تقلّي في الزيت بصلة وكعيبة طماطم خضراء وبعد تزيد مغرفة ماكلة طماطم معجونة وتمرق بالباهي وتفوح بالملح والكركم والفلفل الاكحل وفلفل مرحي وطماطم شريحة ومغرفة قهوة هروس وكيف يغلي أرمي الحوت وبعد وقت إليّ يطيب خرجو بالسياسة وارمي المحمص واقلي قرينات فلفل وكان تحب زيد أقلي كعيبات حوت سردينة أو سكمري زيد عديو بيه
العجينة :400 غ فرينة
تاخو200 غ زبدة
1/2 كيس خمرة قاتو
بيضة
ذرة ملح
تخلط الكل وتكمل تلم العجينة بالحليب
وخليها ترتاح 15دق في ساشي غذائي
حلها بالقلقال جويدة
وافرشها في طبق التارت 30صم/30صم وماتنساش حط ورق الطبخ
انقبها بالفرشيطة
وتحضر الخليط متاعك
ترحي 400غ لوز مقلي شوية
سكرعادي 200غ ممكن اقل او اكثر حسب الرغبة
تذوب 200غ زبدة
تخلطهم في الرحى مع اضافة 5 بيضات واحدة واحدة
تزيدهم 100 غ فرينة مغربلة
كيس خميرة قاتو
كيس فانيليا وتخلط بالباهي وممكن تزيد قطرات روح اللوز للي يحبو
وتكون حضرت التارت متاعك وشعلت عليها الفور من
فوق باش تاخو وجه وتطيب شوية
صب الخليط رشق فيها كعيبات لوز مقلين وطيبها عادي على 180 ° وكيف تطيب
وتحمار ادهنها بالناباح وخليها تبرد باش كيف
تقصها ماتتفتفتش
تأخو 5 بيضات بحرارة الغرفة وتزيدهم كأس ونصف سكر و 1 فانيليا
تخلط في صحفة كأس إلا ربع زيت او زبدة ومعاه 2 ياغورت طبيعي
تغربل 2 كيسان ونصف فرينة ومعاهم 1 خميرة قاتو
نبدأ في العمل الآن : تركض البيض بالباهي لين تتحصلي على خليط كريمي وبعد تزيدو خليط الزيت والياغورت وتكون الركاضة باقي تركض ولكن بسرعة أقل وأخيرا زيد الفرينة شيء فشيئا تتحصل على الخليط جاهز صبو في الطبق وخلي شوية زيدها مغرفة كاكاو وخلطها وصبها متفرقة للزينة وأخيرا رش كعيبان الشكلاطة ودخلها للفرن على 180 د
غلي ماء ماجل او صافية
وفي الكوكوت حط شوية زيت زيتونة و قديد وبصلة وقليهم وبعد زيدهم مغرفة فلفل مرحي وشوية طماطم معجونة وامرق بالماء الي يغلي وزيد شوية بسباس مرحي وارمي العدس وغطي الكوكوت 15 دق
وبعد حلها تلقاه طاب زيدو كعيبة ملح وتاكل بالشفاء
ردو بالكم فيسع يطيب كيف يبدا ماء ماجل او صافية وكوكوت
تقلي بصلة في الزيت وتزيد معاها الدجاج وبعد تمرق وتزيد سنة ثوم وكركم وملح وفلفل اكحل وزنجبيل مرحي وتابل مفوح ومحكار نصف مغرفة قهوة طماطم معجونة وخليه يغلي لين يطيب الدجاج نصف طياب
وفي طبق الفرن
قطع حلقات طماطم وبطاطا وفلفل وقارص وصب فوقهم الدجاج مرصف مع الصوص متاعو ودخلو للفرن يشعل من فوق واللوطة وكيف يتجمر طفي عليه وحط في الصحنات مع رشة معدنوس وبصل
تقلي بصلة كبيرة ومعاها المرقاز وزيدهم 5 كعبات طماطم خضراء وخليهم يتقلاو بالباهي وبعد قطع فلفل أخضر وفلفل ملاحي وفلفل شايح وكيف يطيب الطماطم أرمي عليه الفلفل المقطع، وفي كسرونة اصمت كعبة بطاطا في شوية ماء مقطعة طبعا وفي الاخير زيدها وشوف الملح كان مريق أوكي وكان ناقص زيد شوية ورشة فلفل مرحي وأخيرا فقر العضم ، رد بالك ماتحطش فيها برشا ماء باش ما تميّصش
