رافيولي باللحم والقوتا
تصمت 4 كعبات طماطم وتسقطرهم وترحيهم الصوص: تقلي نصف راس بصل كبير وتزيدو 1/2 مغرفة طماطم معجونة وتصب عليه الطماطم المرحية وتخليه يتقلي وبعد تمرق وتفوح بالملح والكركم والفلفل الاكحل وتابل وثوم ووريقة حبق وفلفل مرحي وتخليها تطيب ، تكون الصوص خفيفة باش ماتوليش عاقدة برشا ومطمطمة
وبالنسبة للرافيولي تتحط في بلاتو متاع فور وتصب عليها الصوص والجبن الفوندو والموتزارلا و كان تحب تعمل شوية باشامال خفيفة وفوحها بالملح والجبن والجوز الطيب تخليها تطيب في الفرن لين تشيح وتتجمر
باكو خميرة مع مغرفة سكر ومغرفة ملح وتحلهم في كاس ماء دافئ وكأس حليب دافىء وتزيدهم مغرفتين زيت وتلمهم بالفرينة تخليها ترتاح ومن بعد تشكلهم كويرات صغار ويزيدو يخمرو وتدهنهم باصفر العضم وترش سينوج وجلجلان وتطيبهم في الفور وبعدما تخرجهم تشق الكعبة وتحط شوية هريسة جبن طوابع laitue جمبون وتزين من فوق بالاعواد وتحط فيهم شوية فلفل عبيدي جمبون زيتون وتاكل بالشفا
مفيدة حمزة
مرمز بالعلوش 
😍
تقلي البصل واللحم في الزيت وبعد تزيد طماطم خضراء وشوية طماطم معجونة وتمرق وتزيد فلفل أكحل وكركم وملح والحمص يكون طايب وكيف قريب يطيب اللحم نقطع رأس بصل وكعبة طماطم ونرميهم في المرق وقرن فلفل اخضر وخليه لين تخثار المرقة وتقر زيتها
كيلو فرينة و كاس سميد أرطب و باكو و نصف خميرة خبز و شطر مغرفة صغيرة ملح و ماء دافي .السر في العجينة هو الماء ما يكونش بارد و ما يكونش سخون يحرق لازمو كيف الماء اللي ندوشو بيه يلزم تتحملو وقت تمسو بيدك ما يحرقس و ما نحطوش زيت في الوصفة هاذي خبز عادي ما نبسوهوش بالزيت و كان تحبوه مبسس حطو 3 مغارف زيت نعجنو حتى نتحصلو على عجينة ما تتلزقش و نحطوها تخمر توة في الصيف ساعة تكفيها في الشتاء تاخذ اكثر من ساعة و بعد نعركوها حتى تولي تطرشق كيف اللوبان و نعملو 5 كعبورات قد قد و نحلوهم بالقلقال و نبرموهم حتى تولي باقات و نجرحوها بسكينة ماضية و ندهنوها بالحليب بفوشة و نرشو السينوج . نحطوها تطيب في فرن مسخن على 200 درجة حتى تحمار و تطلع ريحتها (تقريب 30 دق)
ارز باللحم بطريقة جديدة
أول حاجة نحط اللحم والماء والكركم وملح وفلفل اكحل وبصلة مقطعة في الكوكوت نسكرها تقريبا 20 دق وبعد نحلها ، نكيّل دبوسة تقريبا ماء اللحم وبعد نزيد نغلي اللحم ونرش عليه شوية كروية حتى يشيح ، الارز : نفلي بصلة صغير ونصب عليها ماء اللحم ألي نحيتو ونزيدها نفس الكمية ارز ونفس الكمية ماء وملح وكركم وهيل وشوية زنجبيل ونغطي الطنجرة ونحطو وحدة وحدة على الغاز حتى يشيح ويجي قد قد الطنجرة من الاحسن تكون قرانيت او تيفال باش الارز يطيب وما يشدش في القاع ، البطاطا : نرصف بطاطا وبعد حلقات بصل وبعد حلقات طماطم ثم فلفل ونزيدهم شوية ماء اللحم وملح وكركم وكروية وزيت ونخليه يغلي لين ينزح المهم كل شيء يشيح ، ونزين الصحنات صدقوني نكهة بنينة برشا وممكن تقلي قرينات فلفل
هريسة دياري
تأخو الفلفل وتنحيلو النقود متاعو واغسلو بالباهي وبعد فورو وثقلو بحاجة رزينة باش يسقطر وخليه ليلة كاملة في الثلاجة باش يتنحى منو الماء الكل ، وبعد ارحيه و الرحية الثانية استعمل الكسكاس المتوسط باش نحيلو الزريعة وفوحو بالملح والتابل والكروية والثوم إلى يكون فورتو مسبقا زادة
وحسب الوزن حط فيه دواء التصبير أو حطو في الكونجيلات واستعمل بالدبوسة بالدبوسة
هرقمة بالراس
تحط الراس مقطع في الماء وكيف يغلي بزع الماء هذاكا وعاود ماء آخر
تصمت راس العلوش بالباهي مع سنينة ثوم ونحي العضمات الفارغة
تقلي بصلة وتزيدها مغرفة كبيرة طماطم معجونة ومغرفة هريسة عربي دياري
وتقشر راس ثوم ومعاه تابل مرحي فرشك
وترصف قطايع الهرقمة وتمرق بماء الصمتان
وتفوح بالتابل والثوم والكركم والفلفل احمر والفلفل الاكحل وتخليها تشكشك حتي تقر زيتها
تصمت اللوبيا وحدها وبعد كيف تطيب تزللها وتحط في المرق دوبما تغلي وتقر زيتها ارمي قرين فلفل اخضر واطفي
اقلي بطاطا وفلفل
