سابليه للعيد

سابليه للعيد ❤💘
300 غ زبدة و 100 غ زبدة نباتية وكاس سكر محور و2 فانيليا تخلطهم حتى تتحصلي على خليط كريمي
تزيدهم كاس نشاء و4 بيضات وخلط بالباهي
غربل 3 خميرة وزيدهم كاس الا ربع حليب وقطيرة عطرشاء وخلط بالباهي المهم يكون عندك خليط كريمي ارطب
واخيرا زيد الخميرة والفرينة مغربلين تقريبا كغ ونصف وخليهاترتاح وبعد حلها كما هو في الصور وطيبها في الفرن على 180 °
ذوب رطل شكلاطة مع 30 غ زبدة ومغرفة كرام فراش في حمام مائي وكيف يطيب ادهن الكعبة بمعجون المشمش ورش علي شطرو جوز الهند والشطر الاخر تحط في الشطرات المغطسين في الشكلاطة والشايحين
وزيدهم كعيبرة شكلاطة للزينة وتاكلو بالشفاء

كسكسي شمسي بالجغالي

كسكسي شمسي بالجغالي اكلة مهدوية مميزة

تقلي الفلفل وتخرجو من الزيت
ترمي بصلة مقطعة جويدة وكعبة طماطم خضراء وبعد شوية تزيدهم 2 مغارف كبار طماطم معجونة وشوية طماطم شريحة وتمرق وتفوح بالملح والكركم والفلفل مرحي وبعد تزيد القرع وبصل صحيح وتخليه يغلي
تبل الكسكسي بالزيت والماء وتحطو يفور
تقشر الحوت وترش عليه شوية ملح وفي نصف الطياب اغسلو وارميه يغلي في المرق
تري الكسكسي بالمرق ورجعو يفور
وكيف يطيب سقيه وتاكلو بالشفاء

 

دجاج مشوي

دجاج مشوي
تصمت الدجاج في الماء وشوية زيت وتفوحو بالملح والكركم وفلفل اكحل واكليل وعتر وشوية زنجبيل وتغليه حتي يطيب
تخرجو من صوصو وتفوحو بشوية اكليل فرشكة ورشة كروية وتدهن المقلة بالزيت وخليها على نار هادية حتى يتجمر ولونو يولي ذهبي
الصوص الباقية كيلها قداش من كاس ونصف الكمية عبيها بالارز مثال :
2 كيسان صوص وكاس ارز وغطيهه ومن الاحسن في التيفال او السيراميك باش يطيب من غير ما يلصق
وبعد زين الصحنات بالمعدنوس والقارص

باتي دياري

باتي دياري
بالنسبة للبات شريتها حاضرة من عند patisserie
الحشو : تسوتي بصلة صغيرة في قطرات زيت وبعد تقلي مكعبات بطاطا صغار وتزيدهم عضمة مصموتة قطعها جويدة و100 غ جبن قرويار 2 جبن مثلثات وبيضة كاملة وخلط الكل بالباهي
حل البات تقريبا 3 مم واقسمها مربعات 8صم /8صم وحط الحشو وبعد اطويها
ادهنها باصفر البيض
رش سينوج
وطيبها في الفرن على 180 °
وفي الاخير شعل عليها الفور من الاعلى باش تتجمر وتجيك مزيانة

ببوشة محشية دون فرن

ببوشة محشية دون فرن
تاخو 400غ لحم مفرومة وبصلة وتسوتيهم في شوية زيت وتفوحهم بالملح والكركم وفلفل اكحل وتابل وسنة ثوم وصب عليهم رشة ماء وغطيهم يطيبو على نار هادية حتى تنزح من الماء
وفي طنجرة اخرى :
تسوتي بصلة ومعاها طماطم خضراء مصموتة ومرحية وبعد تفوح بالملح وتابل وثوم وفلفل اكحل ورند وفلفل مرحي وتمرقها وتخليها تغلي لين تولى عاقدة شوية تطفي عليها
تحط ماء وملح وكيف يغلي ارمي كعيبات الببوشة و2 دق وخرجهم بالسياسة المهم يكونو مازالو شادين رواحم وما تحلوش
تحشي بالكعبة بالكعبة وترصفهم في طنجرة القرانيت الي فيها الصوص وبعد رش عليهم بالكعبة بالكعبة شوية جبن برموزان او فوندون واخيرا موتزارلا ( انظر الصور )
وغطي الطنجرة وحطها على الغاز على نار هادية برشا من غير ما تحركها وكيف تشيح وتشرب صوصها سربي في الصحنات وتاكلو بالشفاء