مصلي بالسكمري

مصلي بالسكمري
تقلي بصلة في الزيت وبعد تمرق وتزيدها ملح وفلفل اكحل وكركم و3 سنات ثوم وتابل ونصف مغرفة قهوة طماطم معجونة وخليها تغلي وفي طبق الفرن رصف البطاطا والفلفل والطماطم والحوت المفوح بالتابل والثوم وحلقات قارص وبعد صب عليهم الصوص الي حضرتها وحطها تطيب في الفرن
زين الصحنات بالمعدنوس والبصل 

بريكة بالشوفرات

بريكة بالشوفرات
تسوتي الشوفرات والبصل وتفوح بالملح والفلفل اكحل وتزيد معدنوس واقلي على نار هادية

كايك مالحة

شيز كايك بالكارامل

ترحي باكو و نصف بسكويت ستار و تخلطو بالزبدة حتى يتلم و تطرحو في طبق يتحل من الجنب و تركض حكة فريدو كبيرة و حكة كرام فراش و 6 كعبات بتي سويس و 5 مغارف سكر محور و بعد تزيد 3 بيضات بالكعبة بالكعبة و في الاخر زوز مغارف فرينة و تخلط مليح و تصب الخليط على طبقة البسكوي و تدخلها للفور نصف ساعة على نار ضعيفة و قت تحسها شاحت و شدت روحها خرجها و غلفها بالكراميل و زينها كيف ما تحب بالغلة او بالفاكية الكراميل: تحط كاس سكر على نار ضعيفة تخليه حتى يولي لونو ذهبي تزيدو كاس و نصف حليب و تحرك حتى يذوب السكر جملو و تزيد نصف كاس حليب تحل فيه مغرفة ماكلة نشاء و تحرك حتى تولي كريمة عاقدة

شوية و تزيد مغرفة زبدة و تحركهم بعد ما يبرد تغلف بيه القاطو و تزين بالشكلاطة

كلثوم

وراطة مشوية

تفوح الوراطة بالملح والكركم والزيت والفلفل الاكحل وتخليها تبنان وبعد تشويها وتبلها بالزيت والقارص

قاتو قلاسي بالشكلاطة

قاتو قلاسي بالشكلاطة
تذوب 200 غ شكلاطة و50 غ زبدة في حمام مائي
تدهن القوالب السيلكون بالشكلاطة وتبردهم في الثلاجة وبعد عاود ادهنهم مرة ثانية باش مايتكسروش كيف تحط فيهم الحشو
الحشو :
200غ لوز مرحي 
وباقي الشكلاطة زيدو علبة كرام فراش
باكو ستارت هروشو وخلط الكل مع بعض وكان ماتعجنش كمل بالنستليه
وعبي القوالب وحطهم يبردو في الثلاجة
وبعد سايس الكعاب وخرجهم من قوالب السلكون
وتاكلو بالشفاء

قاتو قلاسي

 

تاخو 100 غ شكلاطة تذوبها في بان ماري مع مغرفة زبدة وتدهن بيها القوالب وتخليهم يبردو ، وترحي باكو بشكوتو وتزيدو 100غ لوز مقلي أو فاكية الموجودة عندك ومغرفة سكر محور وتاخو حكة كرام فراش تسخنها وتزيدها شوية شكلاطة 100 غ وكيف يذوبو صبها على البشكوتو وخلط وبعد حط في المول ورجعها تبرد في الثلاجة وكيف تبرد نحيهم من القوالب وتاكلو بالشفاء

ابتسام

 

مثاومة بسمك البوشكارة

ثاومة بسمك البوشكارة او lotte
تصمت السمك شوية في شوية ماء باش تنحي بعدين السلسول وتمرق بالماء هذاكا
تقلي في طنجرة تيفال مغرفة طماطم معجونةو تزيدها مغرفة هريسة عربي دياري ثم تضيف الراس ثوم مهرس وشوية تابل وتمرق بالماء متاع الصمتان
وتسبل القطيعات بالسياسة وتزيدهم ملح وفلفل اكحل وفلفل مرحي وكركم وكروية وتخليه يشكشك حتى تولي الصوص خاثرة رش عليها شوية كمون واطفي
اقلي كيف العادة بطاطا وفلفل وزين الصحنات

مثاومة بالسفن

تصمت قطع السفن في شوية ماء موش برشا
وفي طنجرة أخرى قلي ثوم وتابل وكروية وهريسة وطماطم معجونةوبعد حط القطايع بلطف وصفي الماء متاع الصمتان وامرق بيه وزيد فلفل مرحي وكركم وملح وفلفل اكحل وخليها تغلي لين تخثار رش كمون وأطفي عليها
أقلي بطاطا وفلفل زين الصحنات