مرقة كعابر باللحم

مكونات الكعابر :
لحم وكبدة ومعدنوس وبصل وبيض وشوية فرينة وفلفل اكحل وكركم وملح وتابل مفوح وفلفل مرحي خلط الكل واقليه بعدما تلفلف الكعبورة في الفرينة
الصوص :
بصل وطماطم معجونة وفلفل اكحل وكركم وملح وفلفل مرحي  وتابل وزيت وكان تحب جلبانة أو حمص أو لوبيا مصموتة 

أمك حورية

تصمت السفتاريا وبعد سقطرها بالباهي وارحيها
تقلي مغرفة طماطم معجونة ومغرفة هريسة عربي وتزيد ثوم وكروية وملح وتصب السفناريا المرحية وتزيدها فلفل مرحي و في الاخير عصرة قارص او خل وزين بالزيتون والعضم والقارص

بولونيز

بولونيز
تقلي بصلة صغير واللحم المفروم وتزيدهم مغرفة طماطم معجونة ورأس ثوم وتابل مفوح وامرق وشوية فلفل مرحي وفلفل اكحل وكركم وملح ووريقات رند وخلي الصوص تغلي لين تطيب ، وبعد صفي اللحم وحدو وكيف تصمت المقرونة خلطها بالصوص وحط اللحم من فوق
أقلي قرينات فلفل وزين الصحنات وزيد رشة جبن وتأكل بالشفاء

 

سابليه بالشكلاطة

300 غ زبدة جديدة تكون طرية بحرارة الغرفة 250 غ سكر محور تخدوهم بفرشيطة مليح حتى يصبحو مثل الكريمة وتزيد 2 بيضات تدخلهم في الخليط بالوحدة بالوحدة و تخلط مليح بخلاط يدوي او ركاضة و بعد تزيد الفرينة تدريجيا مع باكو خميرة قاطو و تخلط بالشوية حتى تتلم تنجم تحط فانيليا او بشر ليمونة فرشكة الفرينة بالعين تقريب 750 غ وقت تحسها تلمت العجينة و ما تكونش يابسة حطها في ساشي في الثلاجة ترتاح و بعد حل بالشوية بين ورقة طهي يعني من فوقها و من تحتها و حل بالقلقال كيما مببن بالصورة خشن 2 مم و شكل بالقالب الي تحب كل الاشكال تنفع قلب, دائرة, هلال,.. وتطيبهم ربع ساعة على 160 درجة و ما يحماروش و حط بيناتهم شكلاطة او معجون

كلثوم بالحاج

بشكوتو دياري

4بيض 2 كاس سكر 2 فنيليا كاس زيت نصف كاس عطرشية بشر برتقال اوقشور برتقال شايح مرحي انا عندي معجون برتقال عاملته في الدار حطيت 2مغارف كبار والفرينة 1كغ او كثر و2خميرة
عضمة مع قهوة للدهن

سندس مساعد

مصلي بالحوت

تقلي بصلة صغيرة في الزيت وتزدها مغرفة قهوة طماطم معجونة وتمرق شوية وتخليه يغلي وفوحو بالملح والكركم وسنة ثوم وفلفل اكحل ، وفي طبق الفرن حط حلقات طماطم خضراء وقارص والحوت تفوحو بالملح والكركم والفلفل الاكحل والتابل وسنة ثوم مهرسة ويعد تصب عليه الصوص وتزيد فلففل أخضر وتحطو في الفرن لين يشيح ويتجمر أقليلو البطاطا او ممكن تحطها تطيب مع المرق والفلفل الاخضر ورشة معدنوس

 

عجينة التارت

250 غ فرينة
125 غ زبدة

فص عضمة

نصف كيس خميرة قاتو  

ملح
وتعجنها بالحليب

وتخليها ترتاح 15 دق وبعد حلها في الطبق الخاص بالتارت وانقبها بالفرشيطة وتحط فيها حمص أو لوبييا  باش ما تفوجش وتطيبها عادي في الفور 

وبعد تستعملها مالحة أو حلوة 

 

باركات بالتن

الحشو : بصل مقطع تسوتيه في قطيرات زيت ورشة معدنوس وبعد تصمت بيضة وتزيدها للخليط مقطعة وتن وتزيد 3 بيضات وجبن وقوتا وكبار وفلفل اكحل و وتزين الكعاب من فوق بجبن شيدار كيما تحب وتطيبهم في الفرن على 180 ° وتعمل أي نوع من السلطات

 

كسكسي باللحم

 كل شيء في الماء:  لحم بصل ملح فلفل اكحل كركم طماطم معجونة موش برشا فلفل  مرحي وتخليه يغلي كيف نحط كسكسي نقص في الغاز يطيب في عقلو والسفنارية والحمص نطيبهم وحدهم بالملح والكركم وكيف يطيبو نرش شوية فلفل اكحل بعدما نسقي الكسكسي ونزين بالسفناريا والحمص وقرين فلفل اخضر مقلي 

ابتسام