القطايف التركية

 

كاس ونصف سكر عليهم كأس ونصف ماء وعصرة قارص وتخليهم يطيبو ، تأخو القطايف وتقصها جيدة وتبسسها ب 200 غ زبدة وتخلطها بالباهي وتحل شطر المكونات في مقلة تكون ملمومة وتحط فوقها الموتزارلا أنا حطيت 400 غ وتكمل ترجع فوقها الباقي طيبها من الاسفل وتقلبها بعد وأخيرا تشحرها وتزينها كيما تحب

ريم المنزلي

ر

 

هلالات اللوز

تاخو لوز مرحي وتخلط معاه سكر محور انت وقداش تحب الحلاوة وتخلط بالزهر تخليه يرتاح شوية الخليط ومن بعد تحطهم في قوالب سبليكون فورمة هلال والا تدورهم بيدك وتفورمهم فورمة هلال وتطيبهم في الفور ومن بعد تعسلهم وتغطسهم في اللوز المهروش

مفيدة حمزة

كراب محشية

 

خليط الكراب : لتر حليب و 4كعبات عضم وملح و 450 غ فرينة تخلطهم بالباهي وتحضر كعبات الكراب متاعك ، الحشو : تفرم اللحم وتقليه مع البصل وتزيدو شوية طماطم كعب ومعدنوس وملح وفلفل أكحل وزيتون وجبن إلى عندك وبالنسبة لصلصة الباشامال : 2 مغارف فرينة عليهم 2 مغارف زبدة تقليهم مليح  مع بعضهم وتزيدهم ملح وجوز الطيب كان عندك وتحلها بالحليبوتزيدها جبن من فوق

تلف الكعاب بعدما تحشيهم وتزيدهم الباشامال من فوق وأخيرا الجبن وتحطها 10 دق في الفرن

ريم المنزلي

 

 

صحن تريلا مقلية

تفوح التريلا بالملح والكركم والكمون  والتابل المفوح بالثوم وبعد تلفها في الفرينة وتقليها على نار هادية

ريم المنزلي

كسكسي باللحم العلوش

ترمي في الماء المغلى

 لحم بصل ملح فلفل اكحل كركم طماطم معجونة موش برشا فلفل  مرحي وتخليه يغلي كيف نحط كسكسي نقص في الغاز يطيب في عقلو والسفنارية والحمص نطيبهم وحدهم بالملح والكركم وكيف يطيبو نرش شوية فلفل اكحل بعدما نسقي الكسكسي ونزين بالسفناريا والحمص وقرين فلفل اخضر مقلي  وعضيمة مصموتة 

بسكوي الشكلاطة

بسكوي الشكلاطة :للعجينة
1بيض ،130غ سكر ،300ع فرينة ،80مل زيت نباتي ،40 مل حليب ،100غ نشاء ،1/2 باكو خميرة قاطو
للحشو:15غ كاكاو ،50غ سكر 100غ فرينة 40 غ بوفريوة مهروشة ،40 مل زيت نباتي
1بيض
تخلط البيضة مع السكر وتزيد الزيت والحليب والنشاء والخميروتخلط و تبدا تزيد في الفرينة بشوية وتخلط لين تتحصل على عجينة طرية ومتجانسة تخليها على جنب وتخلط الحشو
تحط البيضة وتزيد السكر والكاكاو و الزيت
والبوفريوة وتزيد الفرينة وتخلطهم

نزهة

قراتان بالدجاج

القراتان: تقطع البطاطا روندالات و تقليهم و بعد تاخو السكالوب تقطعو مربعات صغار و تحطو في طاوة تفوحو بفلفل اكحل و كمون و هيل (فاح تركي موجود منو في السوق) و بعد تزيدو مغرفة صغيرة طماطم معجونة و تمرق شوية بركا و تخليه يشيح من ماه ..و بعد تحط فرشة بطاطا في البلاطو و فوقو السكالوب الطايب و بعد صوص بشاميل مخلطة باصفر عضمة و تحطو في الفور ربع ساعة على 180درجة

عواطف بن محجوب

كسكسي بعصبان الدجاج

العصبان :
قطع لحم الدجاج والكبدة  وحزمة معدنوس و 2 رؤوس بصل جويدين وفوح بالملح والكركم ومغرفة هريسة عربي من غير ثوم وفلفل اكحل تابل وكروية ونصف كاس صغير برغل جويد وقطيرة زيت زيتونة وتخلطهم بالباهي
تذبل اوراق السلق معناها دوبما تغطسهم في الماء الي يغلي وتخرجهم فيسع وتحل الورقة في يدك وتعبيها بالخليط وتسكرها وعلى البلاصة لفها بالخيط حتي تتحصل على عصبانة مزيانة
الصوص :
تحط ماء وزيت وكيف يغلي ارمي العصبانات بعدما تنقبهم
وتفوح بالطماطم معجونة ( لكل كاس كبير كسكسي مغرفة ماكلة مليانة طماطم ) و2 مغارف فلفل مرحي وملح وكركم وفلفل اكحل
بل الكسكسي بقطيرة زيت وكركم وماء وخلي يتشرب وبعد حطو يفور
وفي نصف الطياب تريه بالمرق ورجعو يفور مرة ثانية
اصمت الحمص والسفناريا وحدهم بماء الماجل وفوحهم بالملح والكركم والفلفل الاكحل
سقي الكسكسي واقلي الفلفل

مرقة كعابر باللحم

مكونات الكعابر:
لحم وكبدة ومعدنوس وبصل وبيض وشوية فرينة وفلفل اكحل وكركم وملح وتابل مفوح وسنينة ثوم مقطعة جويدة وفلفل مرحي خلط الكل واقليه بعدما تلف الكعبورة في الفرينة
الصوص :
بصل وطماطم معجونة وفلفل اكحل وكركم وملح وفلفل مرحي وتابل وزيت و جلبانة و ارمي كعيبة بطاطا وكيف قريب تطيب ارمي قرين فلفل اخضر او بر العبيد

 

 

8