صحين ريتونيا مقلية وكسرة شعير

الصوص :
تقلي بصل و3 طمطومات خضر وتزيدهم مغرفة قهوة طماطم معجونة وهريسة دياري ( فلفل شايح ترحيه مع سنة ثوم ) وتفوح بالملح وشوية كروية وتخليها لين تطيب تزيدها شوية فلفل مرحي وتكون خاثرة
تقلي البطاطا والفلفل
الباقي مقلي عادي
الحوت نفوحوه بالتابل والثوم والكمون والملح
البطاطا بالملح
الفلفل بالكمون والملح

كسكسي بالمسلّة

كسكسي بالمسلة
من الاكلات المحبوبة جدا

تقلي الفلفل وبعد خرجو من الزيت وقلي بصلة وطمطومة خضراء وبعد تزيدهم طماطم معجونة وطماطم شريحة ونزيد مغرفة فلفل مرحي و وفلفل اكحل وكركم وملح و وبعد صب عليه محكار كأس تاي ماء وارمي الفلفل إلي قليتو في الصوص يبنان دوبما يشكشك خرج الفلفل وامرق وارمي القرع والبصل وبعد رش على المسلة الملح وخليها تبنان شوية ثم اغسلها وحطها في كسكاس خاص بالحوت وغطسو في المرق وحط الكسكسي يفور
فما الي يحط بطاطا اما راهي تمسط الكسكسي ، تري الكسكسي بالمرق ورجعو مرة ثانية يفور
وكيف يطيب سقيه عادي

سامية

حلقات الفلفل المحشية

الحشو :
لحم مفروم وبصل طيبهم وزيدهم معدنوس وملح وفلفل اكحل وكركم وشوية تابل وجبن وكبار وبيضة مصموتة وبيضة نية وبطاطا مقطعة جويدة برشا ومقلية
وكيف تقلبها في المقلة رش فوندون وزيد كبار ورشة معدنوس

سامية

بروكلو مبطن

تخلط بروكلو مصموت ومسقطر من الماء متاعو بالباهي ولحم مفروم ومعدنوس وملح وفلفل أكحل وهريسة عربي وسنة ثوم وشوية تابل وبصلة جويدة وخبز شايح وعضمة وشوية جبن وتخلطو مليح وتلفو في الفرينة وتقليه وطيبلو صلصة حمراء عادية

ريم المنزلي

شاورما منزلي

تاخو 2 كعبات ياغورت طبيعي وتزيدو فلفل مرحي وفلفل اكحل وملح ومعدنوس وشطر كعبة قارص وتخلطهم وتفوح بيهم الدجاج وبعد تحطو يرتاح ويبنان على الاقل 4 ساعات باش يعطي الطعم وترصفهم كيما في الصور وتحطو يطيبو في الفرن على نار هادية حتى تتجمر الشاورما

ريم المنزلي

مرقة جلبانة بالعلوش

قلي بصل واللحم في الزيت وزيدهم طمطومة خضراء ومغرفة طماطم معجونة وفوح بالملح والفلفل الاكحل وكركم وشوية فلفل مرحي وزيد 2 كيسان جلبانة وتمرقها وتخليها تغلي وكيف يطيب اللحم ترمي قرين فلفل اخضر وخليها تطيب لين تقر زيتها عبي الصحنات ورش عليها معدنوس مقطع وكان تحب زيد بصل

ريم المنزلي