مرقة سبناخ بالعلوش

تصمت اللحم في الكوكوت باش يطيب فيسع ،وبعد قلي2 رؤوس بصل واللحمات و2حزمات سبناخ مقطعين و2 كيسان جلبانة وبعد تزيدهم مغرفة طماطم معجونة وتمرق بالماء إلي غليت فيه اللحم وتفوح بالفلفل الاكحل والكركم والملح  وكيف يغلي المرق ارمي كعيبة بطاطا مقطعة وكان عندك  خرشف قطعو وارميه  والفلفل ارميه زادة يعطي بنة كبيرة

لحم أزعر

اللحم الازعر:
تحط اللح في الماء والزيت والكركم وراس كبير بصل وتسكر عليه الكوكوت لين يطيب وقريب ينزح من الماء تزيدو كروية وفلفل اكحل وتخليه يشكشك لين يقر زيتو بنين برشا
الارز :
تقلي بصلة في مغرفة زيت وتزيدها كاس ارز و 2 كيسان ماء ساخن وزنجبيل وهيل وملح وعصرة قارص وتخليه يغلي على نار هادية حتى يطيب
طيبو في التيفال او القرانيت باش مايلصقش

كسكسي ساحلي بالعصبان

مكونات العصبان:
لحم وكبدة وريّة ( الرية غليها قبل وبعد قطعها مع بقية المكونات ) وقلب ومعدنوس وبصل ونعناع شايح وبرغل وهريسة عربي وفلفل مرحي وكركم وملح وتابل وكروية وفلفل اكحل وقطيرة زيت ، وتلف في الكرشة إلى تكون ولّدتها كيف الشكيرات الصغار وبعد زيد لفهم في الردى وبعد بالمصارن إلى تنظفهم بالباهي وتعدي عليهم السكينة باش يخرج إلى في وسطهم ويبقاو جويدات ورهاف برشا ، وأخيرا لف بالخيط باش ما يتحلوش
صوص الكسكسي :
تغلي الماء وتحط فيه العصبان بعدما تنقبو وتزيد طماطم وفلفل مرحي وفلفل أكحل وزيت
تصمت السفناريا والحمص وتفوحهم بالملح والكركم والفلفل الاكحل

كفتة نازلي وشكشوكة

مكونات الكفتة : نازلّي مصموط ومسبل بصل مذبّل في شوية زيت ومعدنوس وملح وفلفل اكحل وكركم وفلفل مرحي سنينة ثوم وتابل و2 مغارف كبار فرينة و2 عضم وتخلط المكونات بالباهي وبعد تلفهم في الشابلور وتقليهم على نار هادية

الشكشوكة : تقلي في طنجرة تيفال الطماطم والثوم مقطع بالباهي وبعد تزيد فلفل أخضر وكروية وشوية فلفل مرحي وتفقر العضم

كسكسي أسمر بالجغالي

تقلي الفلفل وتخرجو من الزيت
ترمي بصلة مقطعة جويدة وكعبة طماطم خضراء وبعد شوية تزيدهم 2 مغارف كبار طماطم معجونة وشوية طماطم شريحة وتمرق وتفوح بالملح والكركم والفلفل مرحي وبعد تزيد القرع وبصل صحيح وتخليه يغلي
تبل الكسكسي بالزيت والماء وتحطو يفور
تقشر الحوت وترش عليه شوية ملح وفي نصف الطياب اغسلو وارميه يغلي في المرق
تري الكسكسي بالمرق ورجعو يفور
وكيف يطيب سقيه وتاكلو بالشفاء

مفيدة حمزة

مرقاز مشوي

تقلي بطاطا وتحضر سلاطة تونسية بالفقوس والطماطم والبصل وفرينات فلفل أخضر مقلي وكعيبات طماطم وأخيرا رشة هريسة وتأكل بالشفاء والهناء

ابتسام

عضمة مقلية

الصحين هذا ديما حاضر في البيت التونسي وتفوح البيضة بالملح والفلفل الأكحل

حوت مقلي وصلصة

قلي الطماطم الخضراء بالباهي مع سنينات ثوم مقطعين جويدين وتزيدها شوية طماطم معجونة وهريسة عربي وتفوح بالفلفل مرحي والكروية والثوم

صحن تونسي

تعمل سلاطة مشوية وفوقها سلاطة خضراء بالفقوس والطماطم والبصل مقطعة جيدة وتفوحهم بشوية ملح وتحطهم فوق السلاطة المشوية وفوقهم بطاطا مصموتة وعضم مروّب وتن وهريسة وزيتون وكبار ومعدنوس وزيت زيتونة في الاخير

ريم المنزلي

 

صحن تونسي

تقلي بطاطا وقرع وفلفل وطماطم مع ثوم وعضم وبعد تاخو الدجاج والكبدة وتفوحو بالفلفل اكحل والكروية والملح والاكليل وزيت زيتونة وتخليه يغلي حتى يخثار صبو على طبقات المقلي وزين الصحنات ، كفتة البروكلو :
تصمت البروكلو بالكركم والملح والثوم ووريقة رند
وبعد تسقطرو وترفسو وتقطع معاه بصل ومعدنوس وهريسة عربي بالثوم وفلفل أكلح وملح وتابل مفوح وعضمة و2 مغارف فرينة ومغرفة خبز
تعمل قريصات صغاروتحطهم يتشواو في مقلة تيفال دوبما تدهنها بالزيت على نار هادية