مقروض دياري في الفرن

كغ سميد متوسط 400 غ سميد جيد- ملح – قرفة – ملعقة صغيرة بيكاربوناتو تقريب كأس زيت و زبدة سخون تبسسو ثم تلمو بالماء الدافي (مقروض طايب في الفرن )

سعاد البقلوطي

كفتة البروكلو المشوية

تصمت رطل بروكلو وكعبة بطاطا ومعاهم 3سنات ثوم ووريقة رند وملح وكركم وكيف يطيبو سقطرهم بالباهي وارفسهم وفوحهم بالتابل ورشيشة زعتر وكان تحبهم حارين زيدهم هريسة ومغرفة فرينة ومغرفة خبز مرحي وعضمة ومغرفة صغيرة زبدة و100غ جبن مرحي و2 مغارف معدنوس مقطع ومغرفة بصل جويد وخلط بالباهي وادهن المقلة بالزبدة او الزيت واصنع كعيبرات وحطهم يتشواوا وكيف يحمارو اقلبهم من الجهة الثانية وكولوهم سخان مع أي سلطة

مقرونة بالدجاج

نظف الدجاج وصب عليه قارص وخل وخليه 4 ساعات باش تتنحى ريحتو وبعد قليه مع بصلة في الزيت و بعد حط طماطم معجونة وطماطم شريحة وطماطم خضراء مقشرة وقليهم الكل وبعد زيد رأس كبير ثوم مهرس وامرق وفلفل اكحل وفلفل مرحي وتابل وكركم ورند واكليل وشوية زعتر مرحي وتبقى تطيب وحدة وحدة حتى تخثار أمي قرين فلفل أخضر حار وكيف تقر زيتها أطفي عليها

المدفونة التونسية

500 غ لحم بقري (بقر)

500 غ هرقمة ( جلد رأس أو ساق البقر)

200 غ لوبيا  منقوعة في الماء

2 بصل مفروم

5 ثوم مفروم

كوب زيت

1 كلغ سلق مفروم

1 ملعقة هريسة

1 ملعقة طماطم

1بهارات: ملعقة كبيرة تابل (كزبر مرحي) و كروية، نصف ملعقة كبيرة  فلقل أحمر (بابريكا)، نصف ملعقة صغيرة فلفل أسود و ملح

طريقة اعداد المدفونة

قطع اللحم والهرقمة في وعاء ثم نضيف للخليط البهارات ونقليه في الزيت. في مرحلة ثانية ثم نقلي السلق والبصل والثوم ونحرك باستمرار. نضيف اليه الماء ونتركه على النار حتى الغليان ثم نضيف اللوبيا والطماطم والهريسة ونتركها تغلي حتى تنضج قطع اللحم

مرقة سبناخ بالعلوش

تصمت اللحم في الكوكوت باش يطيب فيسع ،وبعد قلي2 رؤوس بصل واللحمات و2حزمات سبناخ مقطعين و2 كيسان جلبانة وبعد تزيدهم مغرفة طماطم معجونة وتمرق بالماء إلي غليت فيه اللحم وتفوح بالفلفل الاكحل والكركم والملح  وكيف يغلي المرق ارمي كعيبة بطاطا مقطعة وكان عندك  خرشف قطعو وارميه  والفلفل ارميه زادة يعطي بنة كبيرة

لحم أزعر

اللحم الازعر:
تحط اللح في الماء والزيت والكركم وراس كبير بصل وتسكر عليه الكوكوت لين يطيب وقريب ينزح من الماء تزيدو كروية وفلفل اكحل وتخليه يشكشك لين يقر زيتو بنين برشا
الارز :
تقلي بصلة في مغرفة زيت وتزيدها كاس ارز و 2 كيسان ماء ساخن وزنجبيل وهيل وملح وعصرة قارص وتخليه يغلي على نار هادية حتى يطيب
طيبو في التيفال او القرانيت باش مايلصقش

كسكسي ساحلي بالعصبان

مكونات العصبان:
لحم وكبدة وريّة ( الرية غليها قبل وبعد قطعها مع بقية المكونات ) وقلب ومعدنوس وبصل ونعناع شايح وبرغل وهريسة عربي وفلفل مرحي وكركم وملح وتابل وكروية وفلفل اكحل وقطيرة زيت ، وتلف في الكرشة إلى تكون ولّدتها كيف الشكيرات الصغار وبعد زيد لفهم في الردى وبعد بالمصارن إلى تنظفهم بالباهي وتعدي عليهم السكينة باش يخرج إلى في وسطهم ويبقاو جويدات ورهاف برشا ، وأخيرا لف بالخيط باش ما يتحلوش
صوص الكسكسي :
تغلي الماء وتحط فيه العصبان بعدما تنقبو وتزيد طماطم وفلفل مرحي وفلفل أكحل وزيت
تصمت السفناريا والحمص وتفوحهم بالملح والكركم والفلفل الاكحل