كريمة الشكلاطة

كريمة الشكلاطة:500 مل حليب ،50 شكلاطة فوندون ،100 غ سكر ،2مغارف نشاء ،مغرفة كاكاو ،مغرفة صغيرة قرفة ،فنيليا،50 مل كرام فراش ،شكلاطة بيضاء وفاكية للزينة
تقطع الشكلاطة تخليها على جنب وتخلط المقادير الشايحة وبعد تصب الحليب بشوية وتخلط بالباهي وتحطو فوق النار كيف يسخن حط الشكلاطة وخلط لين تذوب حط الكرام فراش و تحركها لين تيبس بعد صبها في كيسان وزين بالشكلاطة بيضاء مقطعة وفاكية ، المقادير هذي تعمل 4كيسان كان تحب اكثر تنجم تعمل الدوبل

نزهة

سفافد السفن

ظف الحوت  وقصو في شكل مكعبات وبعدوحضر خليط من قارص وزيت وملح وفلفل أكحل وشوية كمون وتابل مفوح بالثوم وصبو على الحوت وخليه يبنان في الثلاجة مدة ساعتين على الاقل،واعمل قطع طماطم وقارص وفلفل وحضر السفافد كيما في الصور وحطهم في الفرن وشعل عليهم من الاعلى حتى يطيبو ويتجمرو

سندس مساعد

 

كعابر الشكلاطة

تذوب شكلاطة مع شوية زيت وتدهن المول مرتين او ثلاثة ونحط في الوسط الحشو وهو بسكوى مرحي مخلط مع شوية لوز مرحي وشوية سكر محور وتخلطهم بشوية ماء ورد وتحط قطرة روح اللوز ومن الفوق تصب الشكلاطة وتحطها في الفريجدار ومن بعد تخرجها من القالب 😊

مفيدة حمزة

لحم مشوية وسلاطة أرز

سلاطة الارز

تغسل الروز وتنحيلو النشاء متاعو و بعد تاخد 2 كيسان روز و6 كيسان تغلي الماء وتحط شوية ملح وشوية زيت و ترمي الروز وتخليه يطيب على نار هادية
تسمط السنارية والجلبانة والا تفورهم و تاخد مالح وتقطعهم جويد و زيتون اخضر
كيف يطيب الروز تصب عليه ماء بارد وتسقطرو مليح وتخلط الجلبانة والسنارية والمالح وتحط شوية زيت وملح وفلفل اكحل وتخلط الكل وتاكل بالشفاء

اللحم : تفرحو بالملح والكركم وفلفل اكحل وشوية اكليل وكروية وزيت وتخليه يبنان وبعد تشوية في المقلة

نزهة

خبز بالزيتون

كيلو فرينة (مخلط شطر سميدة جويدة و شطر فرينة) 1خميرة ،مغرفة سكر،نصف كاس زيت ،بسباس و سينوج ما ء دافئ ، 2مغارف صغار ملح
تحط الخميرة في كاس ماء و مغرفة سكر و تخليهم يرتاحو 10دق و بعد تصبهم على الفرينة و تزيد الزيت والملح و و السينوج والبسباس و تزيد ماء دافىء و تعجن مليح لين تتحصل على عجينة لينة وتقطع الزيتون وتدخلو في العجينة تخليها ترتاح ساعة و تفورم الخبزات وتزيد تزينهم بكعيبات زيتون و تخليهم يرتاحو 15دق و بعد تطيبهم في الفرن

نزهة 

مقرونة بالدجاج

نظف الدجاج وصب عليه قارص وخل وخليه 4 ساعات باش تتنحى ريحتو وبعد قليه مع بصلة في الزيت و بعد حط طماطم معجونة وطماطم شريحة وطماطم خضراء مقشرة وقليهم الكل وبعد زيد رأس كبير ثوم مهرس وامرق وفلفل اكحل وفلفل مرحي وتابل وكركم ورند واكليل وشوية زعتر مرحي وتبقى تطيب وحدة وحدة حتى تخثار أمي قرين فلفل أخضر حار وكيف تقر زيتها أطفي عليها

 

1. 9

 

كيش بالدجاج

البات :
250 غ فرينة
125 غ زبدة
فص عضمة
ملح

نصف كيس خميرة قاتو
وتعجنها بالحليب
بالنسبة للحشو :
خليط الطاجين العادي  بالدجاج تذبل البصل وتزيدو الدجاج وكيف يطيب وينزح رش عليه شوية معدنوس ومكعبات بطاطا صغار مقلين وبيض
نحط فيه برشا انواع من الجبن وكرام فراش
نحل البات في المول وبعد نثقبها بالفرشيطة ونصب فيها الخليط وندخلهم للفور

كراب مالحة

تأخو 2 بيضات
50 غ زبدة ذايبة
1/2 ل حليب
200 غ فرينة
ملح
الحشو :
هريسة وموتزارلا وتن وجبن وبيض وممكن تعوض التن  بالجونبون  أو الدجاج

  

سلاطة باقات

تعمل خليط من هريسة وخل وملح وكروية وزيت وتغطس فيه حلقات الباقات وتكون باردة وبعد ترصّفهم في الطبق وتزينهم بالعضم والتن والكبار وجبن وكان تحب زيدها قوتا وتتقدم كمفتحات

كسكسي بالبسباس

تقطع البسباس وتحطو يفور وفوقو الكسكسي
الصوص : تقلي بصل وطماطم معجونة وطماطم شريحة وهريسة عربي او هريسة حانوت الي عندك وبعد تمرق وتزيد راس ثوم مهرس وكروية وملح وكركم مغرفة مليان فلفل مرحي وفلفل ملاحي وفلفل بر العبيد
وكيف يطيب الكسكسي ويكون خلطو مع البسباس وعاودت فورتو سقيه بالمرق
واقلي حوت الموجود عندك