تقطع في شكل مكعبات بطاطا وقرع اخضر وقرع احمر وطماطم كعب وفلفل اخضر حار وفلفل حلو وفوحهم بالملح والتابل وفلفل أكحل وشوية هريسة عربي تعطيه مطعم بنين وزيت زيتونة وتخلطهم بالباهي وتدخلهم للفرن يكون عالي وتخليه ساعة على الأقل يسيب الماء متاعو وكيف يطيب يولي باهيتقلي الدجاجا او الكبدة بعدما تفوحو بالملح والاكليل والزعتروفلفل مرحي وكيف يطيب حطو على الكفتاجي وفقر العضم وزيد شوية ملح وفلفل أكحل ورجعو للفرن يتجمر ويطيب العضم
ريم المنزلي
تنظف القنارية وتخلي فيها كان القلب وفي نفس الوقت ادهنها بالقارص باش ما تكحالش ويتبدل لونها وبعد اصمتها نصف طياب مع كعيبة ملح ، وحضر حشو لحم مفروم أو مقطع جويد وفليه مع بصلة وفوحو بالملح والكركم وشوية فلفل أكحل وتابل مفوح وزيدو مغرفة معدنوس مقطع وجبن وفص عضمة واحشي بيه القنارية وكان عندك شكون ما يحبش القنارية نفس الحشو حطو في البطاطا والطماطم وفلفل كان تحب واعمل صوص : طماطم معجونة وماء وزيت وملح وفلفل أكحل وشوية فلفل مرحي وبصلة صغيرة وتابل وكركم وكيف تغلي صبها في طبق الفرن وحط القنارية والبطاطا إلي حشيتهاوقرين فلفل وحطها تطيب في الفرن حتى تحمار وتقر زيتها نحي الزيت الإضافي من فوق وسربي الصحنات وتأكلو بالشفاء
إنحمر اللحم في الزيت اتقطع البطاطه جويده والبصل تفتح العجينة المورقه والا البرزي تحط في الوسط البصل فوقها البطاطه واللحم مع الزيت المقدنوس فلفل اخضر وسنه ثوم شويه الاكليل والزعتر بعد اتلف العجينة مدوره تدهنها باصفر البيض بعدين في الفرن
فرج سعيد
تاخو رطل فرينة وتزيدو 4 مغارف حليب بودرة وملح وباكو خميرة خبز محلولة في شوية ماء دافئة ومغرفة سكر وعضمة وبعد تعجن وتزيدها 60 غ زبدة وتكمل تلمها بالحليب وخليها تتخمر وكيف يتضاعف حجمها شكلها بأي شكل تحب عليه وبالنسبة للحشو كيما تحب ، قوتا وتن ومعدنوس ، أو جبن وتن وهريسة ، او جبن وزيتون وتن ……
ريم المنزلي
تنظف الكالمار وتنحيلو الشوش متاعو والجناحات وتخليه ابيض يبرق وتقسم الكعبة على 2 على خاطر لازمو الكالمار الكبير وتحطو يتصمت والماء متاعو تمرق بيه حاجة اخرى
وبعد كيف ياخو الشكل الدائري الجميل قصو حلقات ولفو في الفرينة وبعد العضم واخيرا الخبز المرحي واقليه على نار هادية
تكيل القاتوالكل بالياغرتة
تخلط في وعاء :
2 ياغورت طبيعي ونصف ياغرتة حليب وياغرتة زيت نباتي
وفي وعاء آخر تغربل 4 ياغرتات فرينة ومعاهم 2 خميرة قاتو و 3/4 ياغرتة كاكاو وتخلطهم بالباهي
تشعل الفور وتحضر الطبق تدهنو بالزيت وتحط فيه ورق الطبخ
وفي صحفة تحط 6 بيضات بحرارة الغرفة ومعاه 2 .5 ياغرت سكر و2 فانيليا وتركضهم بالباهي حتى يولي عندك خليط كريمي ومن غير ماتوقف الخلاط فقط نقص في سرعتو تزيدو خليط الياغرت والزيت والحليب وبعد زيدو خليط الفرينة والكاكاو
وكيف يولي الخليط متجانس صبو في الطبق وطيبو في الفرن على 180°
وكيف تبرد قصها بالشكل الي تحبو
