عجة بالاسكالوب

تقلي في الزيت بصل واسكالوب وتزيدو شوية قرع اخضر مقطع وطماطم خضراء ومغرفة طماطم معجونة وملح وكركم وفلفل أكحل وفلفل حار وكيف يطيبو زيدو شوية ماء وفقر العضم واقلي قرينا ت فلفل للزينة

ريم المنزلي

تارت بالغلة

العجينة عادية ،،،، زوز كيسان كبار فرينة مع 100 غ زبدة و تعجن بالحليب و ترتاح ساعة تقريبا قبل ما تطرحها في الطبق .
الخليط 6بيضات مع حكة كرام فراش مع كاس سكر مع 200غ جوز الهند تخلطو و تطرحو فوق العجينة .
ثم ترصف الغلة اللي تحب أني اخترت كيوي و تمر

رجاء علاية حرم الشوك

مرقة زيتون مبطن باللحم

تفوح نصف رطل لحم مفروم بالثوم و نعناع شايح و تابل و كروية و فلفل احمر و فلفل اكحل و تلف كعبات الزيتون و بعد تبطنهم بالفرينة و العظم و تقليهم شوية في الزيت و تخرجهم و بعد تقلي صالصة طماطم بالبصل و تفوحها كيف المرقة العادية و ترمي الكعابر يغليو عشرين دقيقة و في الاخر ترمي موالح تكون غليتهم شوية في الماء باش ينقص ملحهم و ما نحطوش ملح في المرقة و نرميو قرون فلفل بر العبيد و شوية ليمون مملح في الاخر.

كلثوم بالحاج

صدر ببنادق الدجاج

ارحي صدر الدجاجة مع بصل وسنتين ثوم وملح وفلفل أكحل وكركم وفلفل مرحي ونعناع وحبق شايح وشوية بسباس وكعبرو ولفو في الفرينة

وفي طنجرة غلي ماء وزيت وملح وفلفل اكحلوكركم وفلفل احمر وفلفل شايح أرميه وورقتين كلافس وطماطم معجونة وكيف يغلي أرمي الكعابر وخليه يغلي 15 دق وبعد أرمي تقريبا كاس سميد أرطب وانت تحرك باش ما يتكعبرش وخليه يطيب تقريبا 10 دق وزيد رشة معدنوس وتأكل بالشفاء

منال علاية

سلطة برتقال

تقطع 2 كعبات برتقال ورأس بصل وزيتون أخضر وأسود وملح وزيت وشوية معدنوس وبعد ترصفهم وتزينها كيما تحب

نزهة

شربة مفورة بالدجاج

تقلي بصلة وتزيد الدجاج بعد تزيد مغرفتين طماطم وفلفل اكحل واحمر كركم ملح بسباس وتمرق .
تدهن الشربة بالزيت وتحطها في الكسكاس فوق الصوص تفور كل ربع ساعة هبط حركها وادهنها بشوية صوص وهي في الكسكاس من غير متفرغها ورجعها تفور عاود ثلاثة او اربعة مرات لين تطيب
بالنسبة للسفنارية والحمص كان تحب اصمتهم بالملح والكركم وحدهم والا ارميهم مع الصوص من الاول

ابتسام

panettone

جربوها مطعم مميز وموش حلو برشا  – 750 غ فرينة – 65 غ من السكر – 6 أصفر البيض – 120 غ من الزبدة – 20 غرام خميرة خبز – 1 ملعقة صغيرة من خلاصة الفانيليا – 100 غرام الليمون شايح ( ممكن تعويضه بالكونفي إلى عندك ) – مبشور م ليمونة واحدة – 8 ملاعق طعام من الزبيب البني والاصفر – 25 صل من الماء – ملح إعداد الوصفة: امزجي الخميرة في الماء الدافئ مع قليل من السكر واتركها ترتاح في مكان دافئ حتى يتضاعف الحجم. إضافة صفار البيض والملح والفانيليا وبرش الليمون الحامض والسكر المتبقية و 500 غ من الفرينة. إضافة مكعبات الزبدة والفرينة المتبقية. يعجن العجين، وضعه في وعاء مدهون بالزبدة، مع رشه بالفرينة واتركيه يرتاح مدة 45 دقائق. إضافة مكعبات الكونفلي والزبيب واعجني. صبي الخليط في المول بالزبدة، مع تغطيته باوراق واتركيه يرتاح لمدة 15 دقيقة. إزالة الورق، ودهن العجينة بفرشاة بالزبدة المذابة. يخبز على حرارة 200 درجة مئوية ويطهى لمدة 10 دقائق. خفض الفرن إلى 150 ° C (علامة الغاز 5) ويطهى لمدة 30-40 د

حلقات البصل الباني

 قطعي البصل حلقات وفكها كل وحدة وحدها خلط بيض وملح وفلفل أكحل وشوية نعناع لف حلقات البصل في الفرينة وبعد في خليط البيض وبعد في شابلور الخبز جيدا أقلي الحلقات على نار هادئة وزيني بها أطباق الأكل لدي

طاجين باللحم البقري

تارت بالقوتة والسبناخ

تارت سبناخ وقوتة : للعجينة :250 فرينة ،125 زبدة طرية ، رشة ملح ،اصفر بيض ,70 مل ماء بارد .تخلط فرينة وزبدة ورشة الملح و بعد تزيد اصفر البيض والماء و تعجنها شوية باش المكونات تدخل في بعضعها و تخليها ترتاح نصف ساعة في الثلاجة
للحشو: 400 غ سبناخ مفور ،300غ قوتة 2بيض ،70 غ فرماج مرحي ،رشة ملح ،فلفل اكحل ،ورشة جوزة الطيب
نفور السبناخ حتى يطيب وبعد ندبلو مع شوية زبدة ورشة ملح وفلفل اكحل ورشة جوزة الطيب و بعد نخلطو مع القوتة والفرماج والبيض و نخلط مليح
ناخد بلاتو ندهنو بالزبدة والفرينة ونحل العجينة و نحطها في البلاتو و نقص الاطراف و بعد نصب الحشو على العجينة وناخد الاطراف إلى قصيتهم نعاود نحلهم ونقص خطوط ونحطهم على الحشو و نجم نعمل اشكال بالعجينة نزين بيها وندهنها باصفر بيض وحليب و ندخلها للفرن  على 180 °

نزهة