كيكة مالحة بالشوفرات

كيكة الشيڥريت …. خذيت رطل شيفريت مقشر مع قرعة مقطعة جوييييد مع باذنجانة مقطعة جويييدة و سوتيتهم في 50 غ زبدة . حطيت معاها فلفل بر عبيد مقطع ، زيتون مقطع ، مملحات إذا تحبهم ، جبن ، 6 بيضات ، 2 كيسان حليب ، كاس زيت .
أضفت لهذا الخليط رطل فرينة و زوز خميرة مرطبات و طرحتها في الطبق ثم دهنتها من الفوق ببيضة مركضة و حطيتها في الفور ،،،،،، بالشفاء

رجاء علاية

مرقة محشي بالجلبانة

تقطع لحم أو دجاج او داند اللي تحب مع برغل مع شابلير وتفوحو بفلفل اكحل ملح فلفل أحمر كركم حبق شايح أو أخضر و تقطع معدنوس و بصل ، تخلط الكل بالبيض .
الفلفل تنحيلو الزريعة و تشقو من الأسفل و القرع و الباذنجان تحفرو و تشقو من الاسفل
تحط الحشو و تقلي في زيت حامي الجزء الأعلى باش يولي مسكر بإحكام
المحشي ديما ترميه في الغلو مش في البارد

رجاء علاية 

اسكالوب باني

تعمل خليط من زيت واكليل وملح وكركم وكروية وفلفل أكحل وزنجبيل وقارص وتفوح بيه الاسكالوب وخليه يبنان ساعة على الاقل في الثلاجة وبعد لفو في الفرينة ثم البيض ثم الشابلور واقلي على نار هادية

لحم بقري مع الفطر بعصير الليمون الحامض

لف قطع اللحم في الفرينة البيضاء انحمرهم في الزيت مع قليل من الثوم اتضيف الفطر مقطع بعد الماء ملح فلفل اسود فلفل حار وملعقتين أكل من عصير القارص وفي الأخير رشه مقدنوس

فرج سعيد

شكشوكة قرع ربعي

اصمت القرع والملح حتى ينزح تماما من الماء
تقلي بصلة كبيرة بالباهي وتزيدها  كعيبات طماطم خضراء حتى تذبال بالباهي وتطيب زيدها  قرينات فلفل مقطعين والقرع المصموت وذوق الملح كان ناقص زيدها وشوي فلفل مرحي
المهم ما تزيدش ماء يلزمها تكون شايحة باش ما تميصش

طاجين بالورقة

طاجين الورقة : للبات بريزي :300-350 غ فرينة ،125 غ زبدة ،بيضة ،50 مل حليب او ماء مغرفة صغيرة ملح .تخلط الزبدة تكون طرية شوية مع الفرينة لين تولى مرملة وتحط البيضة والملح والحليب و تخلطهم مليح لين تولى عجينة متماسكة وطرية تخليها ترتاح نصف ساعة في الثلاجة
للحشو : تاخد صدر دجاج وتقطعو جويد و تسمطو في الماء وتفوح بالكركم و فلفل اكحل و شوية كليل وملح
بعد تقلي بصلة في شوية زبدة وتحط الدجاج وتصب عليه الماء متاعو لين يشيح بعد تحط عليه المعدنوس يتدبل شوية وتهبطو و تحط بطاطا مقصوصة جويدة ومقلية و4كعبات عضام طايبين مقطعين شوية خميرة قاطو وفرماج مرحي و 1مودزرلا مقطعة و مغرفة خبز مرحي و تخلط بثلاثة بيضات انت والخليط ما يكونش جاري برشة
تاخد العجينة تقصمها على 2 وتحل الاولى بالنشاء وتذهن البلاتو بالزبدة وتحط العجينة وتنقبها وتحط الحشو وتحل العجينة الاخرى وتحطها فوقها و تسكرها من الاجناب بالفرشيطة وتحل العجينة المتبقية وتعمل الزينة الي تحب و تزين بيها وتدهن باصفر البيض وشوية حليب وتدخلها الفرن 180 د لين تولي دوري وتطيب وبعد تخليها تبرد وتقصها وتاكل بالشفاء

نزهة

شكشوكة شتاء مع حوت مقلي

تقلي الفلفل
تقطع كعبتين بطاطا وتحطهم يتسمطو بشوية ملح وكركم
تقلي بصلة في الزيت وتزيد طماطم كعب مقطعة تشكشك يعد تزيد مغرفة صغيرة طماطم وكروية وفلفل ملاحي مقطع وتصب البطاطا بالماء متاعها كان تحب فقر عضم .

تالياتلي ببنادق الدجاج

ترحي سكالوب الدجاج ، وتهرس رأس ثوم مع تابل وكروية  تحط شطرو تفوح بيه وتزيدو اكليل ونعناع شايح وزنجبيل مرحي وملح وكركم وفلفل اكحل
وبعد في طنجرة فيها الماء يغلي نزيدها زيت وباقي التابل والكروية والثوم  وكركم وملح وشوية اكليل ، وتبل يدك بالماء وتكعبر وترمي في المرق الازعر الي يغلي
خليها تغلي لين تشيح

اصمت التالياتلي وخلطها مع الصوص وزينها بكعيبات البنادق ورشية معدنوس وإلى يحب رشة جبن برموزان وتأكلو بالشفاء