**المقادير:
*2 بطاطا غير مقشرة و مقطعة الى شرائح رقيقة
*ملعقة خميرة فورية
*ملعقة صغيرة زيت
*نصف ملعقة صغيرة فلفل أحمر ( غير ضروري)
*قليل من الملح و الفلفل الأسود
**طريقة التحضير:
*نضع قطع البطاطا في الماء البارد مع الخميرة مدة 30 دقيقة.
بعد 30 دقيقة، نضعها في مصفاة حتى تتخلص من الماء تماما ثم نضعها في ورق الطبخ حتى تنشف.
*نضعها في طبق و نرش فوقها الملح، الفلفل ثم الزيت و نخلطها جيدا.
*نضعها في الفرن حتى يصبح لونها ذهبيا.
وشهية طيبة
الارز :
خمسين غ زبدة وشوية زيت تقلي فيهم بصلةوبعد تصب عليه 2 كيسان روز و 4 كيسان ماء وملح وفلفل اكحل وحطو يغلي
تنظف فيليه الصول والباقي تحطو بالاشواك يتصمت وتصفي الماء باش تمرق به الصوص الزعرة
تقلي بصلفى الزيت وبعد صب عليه مرق الصول
تفوح الصول بشوية تابل مفوح وبين الصوابع كمون وملح وفلفل اكحل وبعد تروليه وتثبتو بالكردون وتقص بطاطا في طبق الفرن وترصف دوائر الفيليه وبعد حط عليهم الصوص ودخلهم للفرن
البريك :
اطراف الفيليه الغير ممكن تدويرها نعملها حشو بريك
تقطع اللحم جويد وتحطو يغلي في الماء والزيت ومغرفة كركم حتى قريب يطيب زيدو مغرفة قهوة صغيرة طماطم معجونة وفلفل أكحل وكروية وكعيبة بطاطا وخليها تطيب لين تخثار وتقر زيتها فقر عضيمة كان تحب وسربي في الصحنات ممكن البطاطا ترميها تطيب في المرق أو تقليها مع قرين فلفل وماتنساش رشة معدنوس
تنظف السردية بالباهي وتنحيلها السلسول متاعها وبعد تاخو كعيبات تصمتهم وفي مقلة تسوتس بصلة وتزيدها حفنة معدنوس وبعد تسبل السردينة إلى صمتها وتحطها فوقها وتفوح بالملح والفلفل الاكحل وشوية بالكل كمون وفلفل مرحي وتزيد عضمة و2 مغارف فرينة وتخلطهم بالباهي وتبسط الخليط فوق الكعاب إلي تكون فوحتهم بالملح والفلفل الاكحل -أنظر الصور – وبعد تلف الكعيبات في الفرينة وتقليهم في زيت كثيف وعلى نار هادية
بالنسبة للصوص : تصمت الطماطم وترحيه وبعد تقليه في شوية زيت وتزيدو ملح وفلفل أكحل وشوية ثوم وفلفل مرحي ورشيشة كروية وفلفل مرحي وشوية ماء للغلو وكيف تطيب طفي عليها
ممكن تقلي رشة بطاطا وفلفل وتزين الصحنات وتأكلو بالشفاء
تنظف الشوفرات بالباهي وبعد في طنجرة تحط 3 كعيبات طماطم وزيت و4 سنات ثوم مقطعين جويدات وتقليهم بالباهي وتزيدهم نصف مغرفة ماكلة طماطم معجونة ونصف مغرفة هريسة دياري وكيف يطيبو بالباهي زيدهم الشوفرات ودوبما تغلي مع رشة ماء موش برشا زيد ملح وكركم وفلفل أكحل وشوية كروية وقرين فلفل أخضر مقطع وفقر العضم
الشوفرات مافيهاش روح ماتغليش برشا وفيسع تسيب فيحتها وتأكلو بالشفاء
روسات
نصف كأس صغيرحليب أي 50مل
مبشور ليمون
بيضتان
أربع ملاعق سكر محوّر
كيس فانيليا
نصف كاس صغيرزيت أي 50 مل
الطريقة :
في وعاء
خلط المكونات بالخلاط زيت مع بيض مع مبشور الليمون مع سكر مع فانيليا جيدا، وإضافة كيس خميرة مغربل مع فرينة مغربلة قدر الحاجة اي حتى تتلم العجينة ، لازم تكون العجينة رطبة وموش يابسة باش تسهال وتفوج بالباهي
الزيت للقلي يكون كثيف وعلى نار هادئة
ملاحظة: في الصنع استعملي الفرينة، وضعي العجينة في كيس بلاستيكي غذائي لترتاح
كعبري كعبورة في اليد ثم أخدثي فيها ثقبا صغيرا وأرميها في الزيت ( طريقة سريعة هههههههه)
بالنسبة للعسل:
كيلو سكر تحطلو 2 كيسان ماء ويبقى يغلي لين تحسو ولاّ لزج صبلو 2 مغارف عطرشاء وخليه يغلي وبعد كيف قريب ييبس يعني يعمل كعبورة بين الصوابع زيدو 2 مغارف قارص ودوبما يهز الغلو وأطفي
حاولي ماتعسلش الكل مع بعضو عسل قدر الاستعمال
غلي الماء في طنجرة
وفي طنجرة ثانية صب بزايد زيت زيتونة وحل فيه الملوخية وبعد حطها على نار هادية ودوبما تشكشك صب عليها الماء إلى يغلي وخليها على نار هادية تشكشك لين تخرج فقعات زيت ومن حين لآخر حرك ( 2 ساعات على الاقل )
تأخو اللحم وتفوحو بكعبة طماطم خضراء ومغرفة صغيرة طماطم معجونة وبالتابل والكروية ورأس ثوم مهرس وفلفل مرحي وفلفل أكحل ووريقات رند ورأس بصل وملح وقرينات فلفل احمر شايح وتخليه يبنان في الثلاجة لين قريب تطيب الملوخية ويتنحى التلعبين متاعها
تحط اللحم المفوح في الملوخية ومن الاحسن تخليها تشكشك على الكانون أونار هادية حتى تطيب وتقر زيتها ومن حين لآخر حرك
الملوخية تحبلها على الاقل 5 ساعات على النار الهادية أو كانون حامي
