كايك الفزدق

400غ فارينة مغربلة
400غ سكر محور مغربل
2 خميرة قاطو
2 فانيليا
300غ فستق مرحي
360غ زبدة طرية
8 عضمات
340غ كرام فراش(زوز حكك تقريبا )
نركضو لعظم والسكر والزبدة وبعد نزيدو باقي المكونات والكرام فراش في الاخر .ندهنو الطبق وندخلوها طيب في فور تكون سخنتو قبل على 170 درجة مدة 30 حتى 40دق
بالنسبة للقناش.
حكة فيلاديلفيا.
زوز ساشيات كرام شانتي
شطر حكة ناستلي
نركضوهم الكل لين نتحصلو على كريمة نحطوها تبرد
صوص الشكلاطة
نسخنو زوز مغارف كرام فراش في bain marie ونزيدو 100غ شكلاطة سوداء كيف تذوب نحيوها من الغاز ونزيدو زوز مغارف صغار زبدة ونحركوها لين تذوب

ابتسام 

طبخ الجلبانة المكنجلة

الكونجيلاسيون متاع الجلبانة فيه حكمة أولا : تغسل الجلبانة وبعد تغطسها في الماء الساخن وتبردها وتكنجلها في أكياس خاصّة بالكونجيلاسيون SOUS VIDE وكيف نخرجها نخليها تعمل الديكنجيلاسيون متاعها في عقلها تقريبا ساعة او أكثر وبعدين تغلي الماء وتهبطو يرتاح شوية وتصبو على الجلبانة وتخليها على الأقل ساعة منفخة في الماء الساخن حتى يبرد وبعد ارميها في الطنجرة أو مع الأرز ……… وهكذا تبقى مزيانة وتطيب على راحتها وتاكلو بالشفاء

مصلي بالبنادق

تاخو طنجرتك وتصب فيها ماء وتزيدها رأس بصل مقطع وزيت وملح وفلفل اكحل وكركم وتابل مفوح وكروية ومغرفة قهوة صغيرة طماطم معجونة وتحطها تغلي وفي صحفة تحط اللحم المفروم وتفوحو بالملح والكركم والتابل والكروية وفلفل أكحل وسنتين ثوم ونعناع شايح وبل يدك بالماء وكعبرهم بالباهي وارمي في المرق إلي يغلي وكيف يعمل تقريبا 10 دق غلو نقص عليه الغاز وارمي جرارات طماطم ولقشات قارص وبطاطا مقطعة وقرينات فلفل وخليه وحدة وحدة حتى يخثار ويقر زيتو ويشيح من الماء من غير ما تحركو وبعد سربي في الصحنات مع رشة معدنوس وتاكلو بالشفاء ملاحظة: ردو بالكم من الملح حطو شوية ومن الاحسن طيب المصلي في التيفال أو القرانيت باش ما يلصقش وتاكلو بالشفاء

 

مرقة قناوية بالداند

أوّل حاجة لازم تغسل الداند بالباهي بالماء الساخن وبعد سقطرو وصب عليه كأس خل واعصر كعبة قارص وخليه 5 ساعات على الاقل باش تتنحى منو كل الروائح وبعد اغسلو و
قليه مع 2 رؤوس متوسطين بصل وكعبة طماطم خضراء وتزيدهم مغرفة ماكلة ناقصة طماطم معجونة وبعد تمرق وتفوح بالملح والفلفل الاكحل والتابل و 2 سنات ثوم  وشوية فلفل مرحي والكركم وشوية زنجبيل وامرق المرقة وخليها تغلى على نار هادية حتى تطيب وتقر زيتها ، المرقة تكون موش مطمطمة وخفيفة وبنينة
وفي الاثناء نظف القناوية وقصلها الطنقورو وشقها من الاسفل وخليها في ماء +ملح ساعة تقريبا
وبعد اغسلها ونحي التلعبين وسقطرها بالباهي واقليها حتى تصفار
كان القناوية كبيرة ماتكثرش وكان صغيرة موش مشكل
كيف تطيب المرقة رش عليها القناوية وماتحركهاش خليها تشكشك 4 دق وطفي عليها النار
كان تحب اقلي بطاطا وفلفل او لا

 

لحم بقري في الفرن

لحم البقر مع البطاطس والبصل في الفرن
انفوح اللحم زيت ملح كركم ثوم بعدين نضعه إناء الفخار مع البصل والبطاطس نضع معهم ورق الغار مرمريه الاكليل نغلق الإناء ونضعه في الفرن

فرج سعيد

دبابس الدجاج بالريحان

دبابيس الدجاج في الفرن مفوحه بصلصة الريحان
تحضير الصلصه
نضع في الخلاط كميه من الريحان ملح جبن مبشور فلفل اسود قليل حبات من اللوز والثوم نضربهم في الخلاط بعدين انضيف الزيت للخليط
انفوح الدجاج بالخليط نتركه يرتاح في الثلاجة لمده من الزمن
بعدين انضيف البطاطس الفطر والفلفل قليل من الملح فوق الخضار قليل من الزيت وقليل من الماء انغطي الطبق ونضعه في الفرن لمدة 35دقيقه 180درجه نصف الطهى ننزع الغطاء ليتحمر الدجاج

فرج سعيد

اضلع العلوش مفورين

حضر الخليط متكون من الزيت الاكليل المرمريه الثوم مقطعين فلفل حار فلفل اسود ملح نعمل فتحات على طول العضم وندهن قطعة اللحم بالخليط ونتركها ترتاح لمده
نضع إناء بالماء علي النار نضع الاكليل كميه من الاكليل في الكسكاس الذي يستعمل للكسكسي نضع قطعة اللحم بعدين فوق الإناء وانغطيها لما تطهى نضعها في الفرن لتحمير

فرج سعيد

شبتية المهدية

خليط الشبتية : لحم وكبدة وقلب ومعدنوس و بصل بأوراقو وفلفل أكحل وكركم وملح وتابل وكروية وبرغل جويد طمطومة خضراء فلفل مرحي قطيرات زيت فرينة وعضم وشوية خبز مرحي الصوص : بصل وطماطم معجونة جلبانة كركم ملح تابل وكروية فلفل أكحل وفلفل مرحي زيت وبطاطا تخلط الخيط وتلف الكعاب في الفرينة وتقلي وبعد ترميها في الصوص

سوفليه بالتن

البات:
100مل حليب
100مل ماء دافئ
80 مل زيت
2 مغارف قهوة سكر
مغرفة ملح
11غ خميرة فورية
كاس فرينة
تخلطهم بالخلاط بالباهي وتحطهم يتخمرو في مكان دافئ
وكيف يتضاعف حجم الخليط زيدو الفرينة حتى تتلم العجينة وخليها تتخمر مرة ثانية
وبعد قسمها كعيبرات وترتحها شوية
تحل العجينة وتحط فيها صوص متاع بيتزا او هريسة لعشاق المحرحر انا عملتها بالصوص وجبن مثلثات وبصل و معدنوس وعضمة مصموتة وموتزارلا وتن وتسكرها وتدهنها باصفر البيض مع قطرات حليب وترش عليها السينوج وتطيبها في الفرن 200°
واخيرا جمرها من فوق باش تبدا مزيانة وتاكلو بالشفاء

طاجين بالدجاج

طاجين بالدجاج
طيب لحم الدجاج الأبيض ( صدور ) بالبصل وفوحو يالإكليل والملح والفلفل أكحل والكركم وقطرات زيت وشوية بسباس مرحي وكيف يطيب وينزح من الماء متاعو ، ارحيه جيدا بالروبو واضيفي عليه الجبن المرحي والبيض المسلوق وحكة كرام فراش وارحي الكل مع 4 بيضات وضعيه في طبق الفرن على نار هادئة وكيف يطيب خليه يبرد وقصو مربعات وزيني حسب الرغبة والذوق أنا هوني حطيت حلقة زيتون أخضر ثم زهرة من الجبن ثم زهرة سلامي وأخيرا زيتونة سوداء وممكن إضافة كعبة ماييس في الكردون من فوق وتأكلو بالشفاء