مسفوف بالرمان والزبيب

هذه الروسات :
تبل الكسكسي بالماء السخون وقطيرة زيت وبعد تحطو يفوّر
وفي التوفيرة الثانية حط 50 غ زبدة وبل الكسكسي بالزهر 
وكيف يطرى الكسكسي بالباهي
نحط عليه شوية زهر اخرى وقطيرة زيت جديد و2 مغارف سكر وتزيد الرمان والزبيب إي تكون بليتوا مسبقا بالماء الساخن
والي يحب يصب عليه حليب وتاكلو بالشفاء
#طبخات تونسية

خبيزات محشية

العجينة : 150 مل ماء دافئ + 150مل حليب +150مل زيت نباتي +2 مغارف صغار سكر + مغرفة صغير مليانة ملح + 11غ خميرة خبز + كأس فرينة ، تخلطهم الكل بالباهي بالمكسور وتغطيهم وتخليهم يتخمرو لين يتضاعف حجم السائل وبعد زيد الفرينة بالشوية بالشوية حتى تتحصل على عجينة رطبة ومرخوفة خليها تتخمر مرة ثانية حتى يتضاعف حجمها ، وبعد قسمها كرات ضغار وحلهم بيدك وحط فيها هريسة وبعد بصل جويد وحلقات فلفل وتن وأخيرا جبن وبعد تلمها برفق وتحطها على ورق الطبخ ، ثم تدهن الكعاب بأصفر البيض مع قطرات حليب وتخليها تطيب في الفرن على 180°

صوص باشامال

تأخو 50 غ زبدة ذوبها وحل فيها 3 مغارف فرينة وبعد صب عليها 2 كيسان حليب وحرك وملح وفلفل اكحل وتفقدها كان لقيتها مازالت يابسة زيدها شوية ماء وكيف تولي باهية حط فيها 50 غ جبن قرويار وحرك

ببوشة محشية في الفرن

 

ببوشة محشية في الفرن

تاخو 400غ اسكالوب مفرومة وبصلة وتسوتيهم في شوية زيت وتفوحهم بالملح والكركم وفلفل اكحل وتابل وسنة ثوم وصب عليهم رشة ماء وغطيهم يطيبو على نار هادية حتى تنزح من الماءوكيف تطيب زيدها فص بيضة

وفي طنجرة اخرى :

تسوتي بصلة ومغرفة طماطم معجونة صغيرة ومعاها طماطم خضراء مصموتة ومرحية وبعد تفوح بالملح وتابل وثوم وفلفل اكحل ورند وفلفل مرحي وتمرقها وتخليها تغلي لين تطيب وماتوليش عاقدة تماما تطفي عليهاوفي طبق الفرن حط باشامال وصوص وبعد بدأ تحشي بالكعبة بالكعبة وترصفهم في وبعد تحط عليهم صوص باشامال رش عليهم بالكعبة بالكعبة شوية جبن برموزان او فوندون واخيرا موتزارلا ( انظر الصور )

حطها في الفور تطيب على نار هادية وحدة وحدة حتى تطيب الببوشة رصف في الصحنات وزيدها اي نوع من السلايط وتاكلو بالشفاء

أرز أزعر باللحم

اول حاجة حطيت اللحم يطيب في الكوكوت وفوحتو بالملح والكركم ورأس بصل صغير والزيت والفلفل الأكحل وشوية زعفران وكيف طاب عريت عليه ووخذيت كأس مرق وزدتو كروية ،وخليتو يغلي لين نزح وبالنسبة للأرز : خذيت مغرفة زبدة ورأس صغير بصل قليتهم شوية وزدتهم 2 كيسان أرز وكأس مرق متاع اللحم إلي نحيتو وكأس ماء ساخن والجلبانة وفلفل أحمر مقطع جويد وملح و الطنجرة إلى تطيب فيها لازم ما تلصقش وكيف يشيح الأرز ذوق الملح وغطيه وخلي ترجع عليه السخانة وبعد زين الصحنات كيما تحب ،

كايك الفزدق

400غ فارينة مغربلة
400غ سكر محور مغربل
2 خميرة قاطو
2 فانيليا
300غ فستق مرحي
360غ زبدة طرية
8 عضمات
340غ كرام فراش(زوز حكك تقريبا )
نركضو لعظم والسكر والزبدة وبعد نزيدو باقي المكونات والكرام فراش في الاخر .ندهنو الطبق وندخلوها طيب في فور تكون سخنتو قبل على 170 درجة مدة 30 حتى 40دق
بالنسبة للقناش.
حكة فيلاديلفيا.
زوز ساشيات كرام شانتي
شطر حكة ناستلي
نركضوهم الكل لين نتحصلو على كريمة نحطوها تبرد
صوص الشكلاطة
نسخنو زوز مغارف كرام فراش في bain marie ونزيدو 100غ شكلاطة سوداء كيف تذوب نحيوها من الغاز ونزيدو زوز مغارف صغار زبدة ونحركوها لين تذوب

ابتسام 

طبخ الجلبانة المكنجلة

الكونجيلاسيون متاع الجلبانة فيه حكمة أولا : تغسل الجلبانة وبعد تغطسها في الماء الساخن وتبردها وتكنجلها في أكياس خاصّة بالكونجيلاسيون SOUS VIDE وكيف نخرجها نخليها تعمل الديكنجيلاسيون متاعها في عقلها تقريبا ساعة او أكثر وبعدين تغلي الماء وتهبطو يرتاح شوية وتصبو على الجلبانة وتخليها على الأقل ساعة منفخة في الماء الساخن حتى يبرد وبعد ارميها في الطنجرة أو مع الأرز ……… وهكذا تبقى مزيانة وتطيب على راحتها وتاكلو بالشفاء

مصلي بالبنادق

تاخو طنجرتك وتصب فيها ماء وتزيدها رأس بصل مقطع وزيت وملح وفلفل اكحل وكركم وتابل مفوح وكروية ومغرفة قهوة صغيرة طماطم معجونة وتحطها تغلي وفي صحفة تحط اللحم المفروم وتفوحو بالملح والكركم والتابل والكروية وفلفل أكحل وسنتين ثوم ونعناع شايح وبل يدك بالماء وكعبرهم بالباهي وارمي في المرق إلي يغلي وكيف يعمل تقريبا 10 دق غلو نقص عليه الغاز وارمي جرارات طماطم ولقشات قارص وبطاطا مقطعة وقرينات فلفل وخليه وحدة وحدة حتى يخثار ويقر زيتو ويشيح من الماء من غير ما تحركو وبعد سربي في الصحنات مع رشة معدنوس وتاكلو بالشفاء ملاحظة: ردو بالكم من الملح حطو شوية ومن الاحسن طيب المصلي في التيفال أو القرانيت باش ما يلصقش وتاكلو بالشفاء