هريسة دياري بالفلفل الشايح

الهريسة : حطيت بتصمت 4 طماطم خضراء وراس بصل وراس ثوم وكيف يطيبو حطيت فلفل

شايح منظف وبعد رحيت الكل وفوحت بالملح والكروية وزيت الزيتون وتنجم تعدي معاها الحوت او اللحم المشوي

كورنوات بالقوتا

تاخو كاس ماء دافئ وتزيدو 1 خميرة فورية ومغرفة ص ملح و2 مغارف صغار سكر ومغرفة ك خل و1 ياغورت طبيعي و1/4 كاس زيت او زبدة
خلطهم بالباهي وبعد زيدهم فرينة حتى تتلم العجينة وخليها تتخمر
وبعد حل العجينة وقصها شرائط ولفها على قوالب الكورنوات وبعد ادهنهم باصفر البيض وطيبهم في الفرن

الحشو: قوتا وجبن قرويار وقطع صغار زيتون و تن وقطع صغار فلفل بر العبيد للي يحب وأخيرا رشة فلفل أكحل وخلطهم بالباهي واحشي بيهم الكورنوات ثم غطسهم في الجبن وتاكلو بالشفاء

هريسة : حطيت بتصمت طماطم خضراء وراس بصل وراس ثوم وكيف يطيبو حطيت فلفل

شايح منظف وبعد رحيت الكل وفوحت بالملح والكروية وزيت الزيتون

البطاطا في الفرن: تفص البطاطا وتحطها في طبق الفرن ومعاها ماء وزيت وملح وفلفل أكحل ونعناع شايح وكروية وتدخلها للفور تطيب حتى ينزح الماء تماما وتتجمر

مرقة شوباي

قلي في الزيت الجلبانية والشوباي( الي غليتو شوية في الماء )والبصل موش برشا وزيدو طمطومة خضراء وشوية طماطم معجونة وامرق وزيد كركم وفلفل اكحل وشوية فلفل مرحي وبسباس مرحي وقطع كعيبة بطاطا وخليها تغلي حتى تقر زيتها

قاتو الجوكاي

تاخو 4بيضات وتكيل بكعبة الجوكاي فارغة 2 سكر و 1فانيليا وتركضهم حتى تتحصّل على خليط كريمي وتزيد محتوى كعبة الجوكاي و1 حليب و 1 زيت نباتي أو زبدة وتغربل 3 فرينة و 1 خميرة قاتو وتخلطهم برفق وتصبهم في المول متاع الفور إلى تكون مدهونة بالزبدة والفرينة مسبقا وأنا بقى عندي الخليط صبيت في حاويات صغار وتطيبها في الفور على 180 د وتحضر القاناش 200غ شكلاطة مع 50غ زبدة مع حكة كرام فراش وتذوبها في حمام مائي وتزين خبزتك كيما تحب

تالياتلي بالبنادق

تاخو رطل لحم مفروم ، وهرس ثلاث سنينات ثوم مع تابل وكروية وحط شطرو فوح بيه اللحم متاعك وتزيدو ونعناع شايح وملح وكركم وفلفل اكحل وشوية فلفل مرحي
وبعد في طنجرة فيها الماء يغلي زيدها زيت وباقي التابل والكروية والثوم وكركم وملح ، وبل يدك بالماء وكعبر وارمي في المرق الازعر الي يغلي
خليها تغلي لين تشيح
اصمت التالياتلي وخلطها مع الصوص وزينها بكعيبات البنادق و رشة جبن برموزان أو اي جبن آخر تحبو

مرمز باللحم البقري

قلي البصل واللحم في الزيت وبعد تزيد طماطم خضراء وشوية طماطم معجونة وتمرق وتزيد فلفل أكحل وكركم  وتابل مفوح وملح والحمص يكون طايب وكيف قريب يطيب اللحم نقطع رأس بصل وكعبة طماطم ونرميهم في المرق وقرن فلفل اخضر وخليه لين تخثار المرقة وتقر زيتها تسربي في الصحنات وتزينهم بالبطاطا المقلية وقرين فلفل

سلاطة فول أخضر

تغلي الماء وتعصر فيه كعبة قارص كاملة وبعد ارمي فيه الفول باش يبقى أخضر ومزيان وزيد ملح وبعد كيف يطيب سقطرو وحطو في الصحن وقطع عليه بصل ومعدنوس وفوح بالملح والفلفل الكحل وقارص وزيت زيتونة وبالطبع زيد عضيمة مصموتة وكان تحب تن وكبار اختياري

شكشوكة قرع ربعي

اصمت القرع والملح حتى ينزح تماما من الماء
تقلي بصلة كبيرة بالباهي وتزيدها 5 كعيبات طماطم خضراء حتى تذبال بالباهي وتطيب زيدها 7 قرينات فلفل مقطعين والقرع المصموت وذوق الملح كان ناقص زيدها وشوي فلفل مرحي
المهم ما تزيدش ماء يلزمها تكون شايحة باش ما تميص