تاخو 200 غ زبدة حيوانية بحرارة الغرفة وزيدهم 200 غ زبدة جديدة و 200 غ سكر محور تخلطهم بالباهي وبعد زيدهم 3 بيضات واحدة واحدة وخلط وزيد 1 فانيليا وزيدهم 3 مغارف كبار نشا ونخلط بالباهي حتى تتحصل على خليط كريمي وبعدين تغربل كغ فرينة ( ممكن أقل حسب نوعية الفرينة يحيث ما تكونش يابسة
وزيدهم 2 خميرة وخليها ترتاح ساعة وبعد اصنع عادي
خوذ شوية من العجينة وزيدها اي ملون تحب عليه واصنع بيها زهرات وزين الكعاب كيما تحب
وكيف يطيب لصقهم بمعجون المشمش
تاخو كاس ماء دافئ وتزيدو 1 خميرة فورية ومغرفة ص ملح و2 مغارف صغار سكر ومغرفة ك خل و1 ياغورت طبيعي و1/4 كاس زيت او زبدة
خلطهم بالباهي وبعد زيدهم فرينة حتى تتلم العجينة وخليها تتخمر
وبعد حل العجينة وقصها شرائط ولفها على قوالب الكورنوات وبعد ادهنهم باصفر البيض وطيبهم في الفرن
الحشو: قوتا وجبن قرويار وقطع صغار زيتون و تن وقطع صغار فلفل بر العبيد للي يحب وأخيرا رشة فلفل أكحل وخلطهم بالباهي واحشي بيهم الكورنوات ثم غطسهم في الجبن وتاكلو بالشفاء
قلي في الزيت الجلبانية والشوباي( الي غليتو شوية في الماء )والبصل موش برشا وزيدو طمطومة خضراء وشوية طماطم معجونة وامرق وزيد كركم وفلفل اكحل وشوية فلفل مرحي وبسباس مرحي وقطع كعيبة بطاطا وخليها تغلي حتى تقر زيتها
تاخو 4بيضات وتكيل بكعبة الجوكاي فارغة 2 سكر و 1فانيليا وتركضهم حتى تتحصّل على خليط كريمي وتزيد محتوى كعبة الجوكاي و1 حليب و 1 زيت نباتي أو زبدة وتغربل 3 فرينة و 1 خميرة قاتو وتخلطهم برفق وتصبهم في المول متاع الفور إلى تكون مدهونة بالزبدة والفرينة مسبقا وأنا بقى عندي الخليط صبيت في حاويات صغار وتطيبها في الفور على 180 د وتحضر القاناش 200غ شكلاطة مع 50غ زبدة مع حكة كرام فراش وتذوبها في حمام مائي وتزين خبزتك كيما تحب
قلي البصل واللحم في الزيت وبعد تزيد طماطم خضراء وشوية طماطم معجونة وتمرق وتزيد فلفل أكحل وكركم وتابل مفوح وملح والحمص يكون طايب وكيف قريب يطيب اللحم نقطع رأس بصل وكعبة طماطم ونرميهم في المرق وقرن فلفل اخضر وخليه لين تخثار المرقة وتقر زيتها تسربي في الصحنات وتزينهم بالبطاطا المقلية وقرين فلفل
