جينواز قاتو
تاخو 400غ زبدة وتحركها بين صوابعك حتى تولى بوماد و في وعاء اخر 5 اصفر بيض بحرارة الغرفة
تجهز 400غ سكر مع كاس ماء وتحطهم يغليو حتى يولى عسل ويكون كعبورة بين صوابعك ما يكونش يابس برشا ولا سائل وبخرارة بين 116 و 125 درجة وبع ابدا ركض اصفر البيض وصب العسل في شكل خيط وركض يكون سالل في البداية وكلما يبرد يزيد ييبس وكيف يكمل العسل الكل يكون الخليط بارد زيد الزبدة بالشوية بالشوية حتى يتجانس الخليط الكل
ممكن تزيد الخليط شكلاكة او نسكافيه او خليه عادي وخليه يبرد في الثلاجة لحين تزيين القاتو
مقرونة بالكروفات
تصمت 8 كعبات طماطم خضراء وبعد سقطرهم وارحيهم
وقلي بصلة صغيرة في الزيت وزيدها الطماطم المرحية ومغرفة طماطم معجونة وفوح بالثوم وشوية تابل وفلفل مرحي زيدها الملح والفلفل الاكحل والكركم وخليها تشكشك وبعد زيدها الكروفات وخليها تغلي حتى تخثار وتطيب
اصمت المقرونة وزين الصحنات
تنظف الزرزور بالباهي وتحطو في الكوكوت ومعاه شوية ماء وزيت وملح وكركم وخليه يتصمط وبعد في نصف الطياب زيدو مغرفة طماطم معجونة وتابل وثوم وفلفل مرحي وفلفل أكحل وزيد سكر عليه الكوكوت مرة أخرى حتى يطيب بالباهي وتخثار الصوص زيدو رشة كمون وهبط الكمونية
أصمط البطاطا بالملح والكركم والفلفل الكحل أو اقليها واقلي قريّن فلفل وتاكلو بالشفاء
ترحي الفلفل الاحمر نيء بعدما تنحيلو الزريعة متاعو وترحي الطماطم والثوم نيين زادة وبعد تزيدهم شوية زيت وتطيبهم حتى يذبالو فوح بالملح والكروية فما شكون يحب طعم الثوم نيء ينجم يزيد سنة ثوم نيئة مرحية بعدما تطيب وبعد حط في الصحنات وزيدهم قطيرة زيت جديد وتاكلو بالشفاء
في الطنجرة نحط زيت وبصل وطمطومة خضراء ونقليهم ونزيدهم مغيرفة طماطم معجونة ونمرق ونفوح بالملح والكركم وفلفل مرحي وتابل مفوح ومغرفة هروس وراس ثوم كامل صحيح وكعبة بطاطا مقطعة ونحط الصبارس في الكسكاس ونسقطو مع المرق يغلي باش مايسيبش الشوك متاعو في المرقة ويسيب الفيحة
وكيف تطيب المرقة وتقر زيتها زيد رشة صغيرة كمون وطفي
زين الصحن بكعيبة قارص وقرين فلفل وتاكلو بالشفاء
تصمت القرنيط حتى يطيب وبعد تسقطرو وتقطعو وتحطو في طنجرة تيفال وتصب عليه زيت زيتونة وتقليه شوية وتزيدو مغرفة طماطم معجونة وترش عليها شوية ماء وتزيد كركم وملح وفلفل اكحل وفلفل مرحي وكروية وتخليه يشكشك على نار هادية
وكان تحب فقر عضيمات عربي كان ماتخبش عادي
اقلي بطاطا وفلفل ورش شوية معدنوس كيف تزين الصحنات
وتاكلو بالشفاء والهناء
