ساليه للمناسبات

بالنسبة للتارت :
250غ فرينة
125غ زبدة
عضمة
ملح و
نصف خميرة قاتو
وتكمل تلم عجينتك بشوية حليب
خليها ترتاح 15 دق
وبعد حلها جويدة في الطبق وحط تن وعضم مصموت وجبن وزيتون وكبار
خلط 4 بيضات مع علبة كرام فراش مع رشة فلفل اكحل وصبهم على التارت
طيبها في الفرن على 180°

بالنسبة لبات البيتزا :
كاس حليب
كاس زيت نباتي
كاس ماء دافئ
ملح ومغرفة صغيرة سكر
وباكو خميرة خبز
وكاس فرينة
خلطهم بالباهي بالمكسور وخليهم يتخمرو
وبعد كيف تكشكش بالباهي زيدهم الفرينة حتى تولى عندك عجينة رطبة
وزيد خليها تتخمر
وبعد اصنع بيها البيتزا والرولي

حشو الرولي :
بصلة تسوتيها في شوية زيت وتزيدها مغرفة معدنوس وجبن وبيض مصموت ومقطع جويد
وتن وبياض بيضة
تحل البات متاعك وتفرش فيها مربعات جبن سلايس وبعد الحشو وتلفها وبعد تدهنها باصفر بيض مع شوية حليب واخيرا رش عليها سينوج
وتاكلو بالشفاء

قاتو بالفاكية

جينواز قاتو
12 بيضة
12مغارف كبار سكر
12 مغرفة فرينة مغربلة
تفصل ابيض البيض عن الاصفر
تركض الابيض 4 مغارف السكر
تركض الاصفر + 8 مغارف سكر
وبعد برفق تخلط الكل مع الفرينة
وتصبهم في الطبق الذي فرشت فيه ورق الطبخ مسبقا
استعملت creme au beure بالشكلاطة والكاكاو في الطبقة الاولى
225 غ زبدة
400 غ سكر محور
40 غ كاكاو
1/2 مغرفة قهوة ملح
2 فانيليا
مغرفة ماكلة كرام فراش
خلط الزبدة في الخلاط وبعد زيدهم السكر والكاكاو مغربلين وبعد زيد بقية المكونات وخليها ترتاح
صوص الشكلاطة :
250 غ شكلاطة
علبة كرام فراش
50غ زبدة
ذوب الكل في حمام مائي
وركض كرام شنتي
نفس الطريقة الي هبطها
قسمت الجينواز على 3
حطيت الطبقة 1 وبليتها بالسيرو ( ماء وسكر )
وبعد حطيت كرام الشكلاطة والفاكية
الطبقة 2 جينواز وبلها وبعد كرام شنتي وفاكية
الطبقة 3 جينواز بلها وبعد صب صو الشكلاطة وزين الباقي كيما تحب

 

قاتو بعجينة اللوز

جينواز قاتو
12 بيضة
12مغارف كبار سكر
12 مغرفة فرينة مغربلة
تفصل ابيض البيض عن الاصفر
تركض الابيض 4 مغارف السكر
تركض الاصفر + 8 مغارف سكر
وبعد برفق تخلط الكل مع الفرينة
وتصبهم في الطبق الذي فرشت فيه ورق الطبخ مسبقا

ممكن تستعمل كريم الزبدة بين الطبقات

 

كيكة البرتقال

4 بيضات
كاس سكر
كيس فانيليا
مبشور برتقالة
تركضهم بالباهي وزيدهم
نصف كاس حليب
نصف كاس زيت نباتي
2 كيسان فرينة مغربلة
كيس خميرة قاتو
وطيبها على نار هادية
طبقة الكريم موسلين:
نصف لترحليب
2 مغارف نشاء
2 فصوص بيض
زهر وكيس فانيليا ومغرفة سكر
تخلط الكل وتطيبهم على نار هاديةوبعدما تطيب القاتو وتبرد زيدها 100 غ زبدة ( انا مانحبش برشا ممكن تزيدها حتى 350غ)وركضها وبعد صبها فوق القاتو وخليها تبرد الوقت الي تحضر فيه الطبقة الاخيرة :
نصف لتر عصير برتقال
2 مغارف نشاء
مغرفة كبيرة سكر
وتطيبهم على النار حتى تخثار
صبها على الطبقة الثانية برفق ورجعها تبرد في الثلاجة
وبعد زين بالكرام شنتي والغلة كيما تحب
وماتنساش الناباج فوق الغلة باش تحافظ على بريقها ونضارتها

 

كريمة الزبدة

تاخو 400غ زبدة وتحركها بين صوابعك حتى تولى بوماد  و في وعاء اخر 5 اصفر بيض بحرارة الغرفة
تجهز 400غ سكر مع كاس ماء وتحطهم يغليو حتى يولى عسل ويكون كعبورة بين صوابعك ما يكونش يابس برشا ولا سائل وبخرارة بين 116 و 125 درجة وبع ابدا ركض اصفر البيض وصب العسل في شكل خيط وركض يكون سالل في البداية وكلما يبرد يزيد ييبس وكيف يكمل العسل الكل يكون الخليط بارد زيد الزبدة بالشوية بالشوية حتى يتجانس الخليط الكل
ممكن تزيد الخليط شكلاكة او نسكافيه او خليه عادي وخليه يبرد في الثلاجة لحين تزيين القاتو

مقرونة بالكروفات

مقرونة بالكروفات
تصمت 8 كعبات طماطم خضراء وبعد سقطرهم وارحيهم
وقلي بصلة صغيرة في الزيت وزيدها الطماطم المرحية ومغرفة طماطم معجونة  وفوح بالثوم وشوية تابل وفلفل مرحي زيدها الملح والفلفل الاكحل والكركم  وخليها تشكشك وبعد زيدها الكروفات وخليها تغلي  حتى تخثار وتطيب
اصمت المقرونة وزين الصحنات