سمك السفن مشوي

تفوح شرائح السفن بالملح والكركم والكمون وشوية تابل مفوح بالثوموزيت وتخليه يبنان ساعة في الثلاجة
تدهم المقلة بشوية زيت وتشوي فيها الشرائح وتزينهم في الصحنات بالقارص والمعدنوس
اعمل اي نوع من السلاطة الي تحبها

طاجين بالجبنة

تصمت الدجاج بالإكليل والملح والكركم والفلفل الأكحل وتابل وبصلة صغيرة وقطيرة زيت ، وكيف يطيب وينزح تماما زيدو عضم مصموت و200 غ جبن وبطاطا مقلية في شكل مكعبات صغار وشوية كرام فراش وشوية معدنوس على الريحة وجبن  كيما تحب وبعد فقر أصفرالعضم قدر الحاجة وحاولي إختارمول موش صغيرة باش يجي الطاجين موش عالي برشا وشعل عليه الفرن من فوق

أبيض البيض الباقي زيدو 100غ جبنة بيضاء وجبن شيدار وملح وفلفل اكحل وركضو بالباهي وخرج الطاجين إلي يكون خذا وجه من فوق وسايس صب بالمغرفة الخليط وبعد طيبو عادي

قصو كيف يبرد

 

مرقة شبتية

خليط الشبتية : لحم وكبدة وقلب ومعدنوس وكان تحب شوية ليّة رابيها و بصل بأوراقو وفلفل أكحل وكركم وملح وتابل وكروية وبرغل جويد طمطومة خضراء فلفل مرحي قطيرات زيت فرينة وعضم وشوية خبز مرحي

الصوص : ماء وطماطم معجونة جلبانة كركم ملح تابل وكروية فلفل أكحل وفلفل مرحي زيت وجلبانة

تخلط الخليط وتلف الكعاب في  الفرينة وتقليهم وبعد ترميهم في الصوص

بالنسبة للبطاطا اصمتها وحدها بالملح والكركم وبعد آخر حاجة أرميها في الصوص باش ماتمصتهاش

أرز بالكالمار

الصوص : ماء وزيت وطماطم معجونة  وكركم وملح وفلفل اكحل وفلفل مرحي وشوية هروس وسفناريا وحمص مصموت أو جلبانة وكيف يغلي أرمي كعب الكالمار وخلي يغلي لين يقر زيتو

حشوالكالمار :الشوش متاع الكالمار أصمتهم وزيدهم بصل ومعدنوس وبرغل وبسباس مرحي وكركم وملح وفلفل مرحي وبعد شق كعبة الكالمار من الأسفل واحشيهم وبعد ارميهم في الصوص إلى تغلي
بالنسبة للارز بلو بالماء ألي يغلي وبعد صفيه من الماء وزيدو شوية زيت وكركم وحطو يفوّر فوق المرق وفي نصف الطياب تريه بالمرق ورجعو يفور

اقلي قرينات فلفل وسقي الارز متاعك وخليه يتشرب شوية

استعملت الأرز الاصفر الطايب

قاتو السهرة

تاخو 8 بيضات بحرارة الغرفة و 8 مغارف سكر مليانين وكيس فانيليا وذرّة ملح وتركضهم بالباهي حتى تتحصلي على  خليط كريمي وغربل 8 مغارف فرينة و2 مغارف نشاء  وخلطهم مع بعض وبعد صبهم على الخليط

من الأحسن تركيض الأبيض البيض وحدو والأصفر وحدو
استعملت قوالب مربعة وفي القاع افرش ورق الزبدة
طيب على 180°

كريمة الزبدة :تاخر 5 اصفر بيض بحرارة الغرفة
تجهز 400غ سكر مع كاس ماء وتحطهم يغليو حتى يولى عسل ويكون كعبورة بين صوابعك ما يكونش يابس برشا ولا سائل وبخرارة بين 116 و 125 درجة وبع ابدا ركض اصفر البيض وصب العسل في شكل خيط وركض يكون سائل في البداية وكلما يبرد يزيد ييبس وكيف يكمل العسل الكل يكون الخليط بارد زيد الزبدة بالشوية بالشوية حتى يتجانس الخليط الكل
ممكن تزيد الخليط شكلاكة او نسكافيه او خليه عادي وخليه يبرد في الثلاجة لحين تزيين القاتو أو اي منكه آخر

القاناش :

200غ شكلاطة و حكة كرام فراش و 50غ زبدة وتذوبهم في حمام مائي وخليهم يبردو شوية وتصبهم على القاتو

ساليه للمناسبات

بالنسبة للتارت :
250غ فرينة
125غ زبدة
عضمة
ملح و
نصف خميرة قاتو
وتكمل تلم عجينتك بشوية حليب
خليها ترتاح 15 دق
وبعد حلها جويدة في الطبق وحط تن وعضم مصموت وجبن وزيتون وكبار
خلط 4 بيضات مع علبة كرام فراش مع رشة فلفل اكحل وصبهم على التارت
طيبها في الفرن على 180°

بالنسبة لبات البيتزا :
كاس حليب
كاس زيت نباتي
كاس ماء دافئ
ملح ومغرفة صغيرة سكر
وباكو خميرة خبز
وكاس فرينة
خلطهم بالباهي بالمكسور وخليهم يتخمرو
وبعد كيف تكشكش بالباهي زيدهم الفرينة حتى تولى عندك عجينة رطبة
وزيد خليها تتخمر
وبعد اصنع بيها البيتزا والرولي

حشو الرولي :
بصلة تسوتيها في شوية زيت وتزيدها مغرفة معدنوس وجبن وبيض مصموت ومقطع جويد
وتن وبياض بيضة
تحل البات متاعك وتفرش فيها مربعات جبن سلايس وبعد الحشو وتلفها وبعد تدهنها باصفر بيض مع شوية حليب واخيرا رش عليها سينوج
وتاكلو بالشفاء