كاب كايك مالح

t9alli basla s4ira w escalope w tfawa7hoom bil korkom w felfel ak7al w eklil w mel7 w t7ot 3lih chwaya ma lin ychi7 w tzidou ma3dnous w brouklou masmout w fromage w m4arfa creme fraiche w 3adhma masmouta w tfe9er fih 3dham ... w ba3d tosmot batata w w brouklou w ta3melhom puré w m3ahom fromage w chwaya 7lib w chwaya zit w zebda w tzayan bil poche

زهرات البطاطا للزينة

قطع البطاطا جويّدة غطسها في الماء والملح وخليها مدة ساعة شكل الزهرات واقليها عادي

بريك الدانوني

المقادير :
مقادير العجينة:
2 كوب سميد أرطب
1 كوب فرينة
1 كوب زبدة
ملح
ماء دافيء للعجن
مقادير الحشوة :
بيض مسلوق
تن
جبن مبشور
ملح و فلفل اسود
ملعقة صغيرة كركب
طريقة التحضير:
تعجن المقادير
تترقق العجينة و تقطع دوائر:

نحضر الحشوة و يجمع الخليط ببيضة

ثم نضع مقدار ملعقة أكل أو أكثر بقليل من الحشوه في كل دائرة و تلف

و تقلى أو توضع في الفرن حسب الرغبة

حلقات البصل الباني

قطعي البصل حلقات وفكها كل وحدة وحدها خلط بيض وملح وفلفل أكحل وشوية نعناع لف حلقات البصل في الفرينة وبعد في خليط البيض وبعد في شابلور الخبز جيدا أقلي الحلقات على نار هادئة وزيني بها الأطباق

شربة تشيش بالدجاج

كل شيء في الماء
دجاج طماطم خضراء نصف مغرفة قهوة طماطم معجونة زيت كركم اكليل بسباس فلبل اكحل وفلفل مرحي وكﻻفس وترمي كيف يغلي التشيش حتى يطيب

شربة دجاج

قلي بصلة وكعيبة طماطم ومعاهم الدجاج وبعد تزيد شوية طماطم معجونة وتمرق وتفوح بالملح والفلفل الاكحل والكركم وشوية فلفل مرحي وبسباس مرحي سفناريا جويدة وكلافس وكعيبة جلبانة كان تحب وكيف تطيب الخضراء أرمي الشربة   وكيف تطيب حط في الصحافي وماتنساش عصيرة قارص

شربة تشيش بالشوفرات

تقلي بصلة وكعيبة طماطم وبعد تزيد شوية طماطم معجونة والكروفات وتمرق وتفوح بالملح والفلفل الاكحل والكركم وشوية فلفل مرحي وكيف يغلي المرق أرمي التشيش ووريقة كلافس وكيف تطيب حط في الصحافي وماتنساش عصيرة قارص

شربة عدس بالشوفرات

شربة عدس بالشوفرات
تنظف الشوفرات و تغسلو مليح و تغليه في شوية ماء 10 دق و ما تلوحش الماء متاعو باش تمرق بيه الشربة و بعد تحط الزيت في القدرة و تقلي المكونات الكل مع بعضهم : 4 سنون ثوم ترميهم مفرومين في الزيت و معاهم شوية كمون و ورقات كلافس مقطعين جواد و كعبة طماطم خضراءو كعبة سفنارية مفصوصة مكعبات و كاس عدس اصفر مقشر مغسول وبعد مايتقلى 10 دق نزيدو 1/2 مغرفة طماطم معجون و نفوحو ملح و فلفل اكحل و شوية تابل و كروية و كركم و شوية فلفل احمر موش ياسر تجي زعرة شوية موش حمراء و تمرق بما الكروفات أو الشوفرات و تزيد شوية ماء و من المستحسن ماء ماجل أو ماء معدني باش يطيب العدس أو نطيبوها في الكوكوت يلزم العدس يذوب و في الاخر بعد ما يطيب نرميو الشوفرات تغلي شوية خاطر هي تطيب بسرعة و تقعد الشربة خاثرة شوية و نقدموها مع القارص و نجمو نطيبوها بالكروفات تكون خشينة شوية نقليوها مع المكونات من الاول براسها بكلها و بعد نخرجوهم الكعبات و كيف تقرب تطيب الشربة نقشروهم و نرميوهم يغليو شوية في الآخر.

مرقة شوباي

تنظف الشوباي بالباهي وبعد دوبما تغليه وتخرجو باش ينحي الكشاكش متاعو والزروقية وبعد في الطنجرة حط زيت وطمطومة خضراء وبصل وجلبانة والشوباي مقطع ودوبما تقليه زيدو مغرفة طماطم معجونة وامرق وزيد فلفل اكحل وكركم وملح وفلفل مرحي وبسباس مرحي وكيف قريب تطيب أرمي كعيبة بطاطا وقرين فلفل أخضر وخليها تشكشك حتى تقر زيتها ، بعدين أقلي قرين فلفل وزين الصحنات متاعك

سلاطة أرز بالتن

تقلي بصلة وتحط عليها كاس روز وبعد 2كيسان ماء وشوية كركم وملح وحطها تغلي حتى تنزح غطيها وخليها لين ترجع عليها سخانتها
وفي معجنة قطع طماطم وزيتون وجبن ومعدنوس وكبار و فاريانت وماييس  وتن
وبعد خلط الكل وزين كيما تحب

ساليه

البات رطل فرينة
150 غ زبدة
1/2 كيس خميرة خبز
1/2 كيس خميرة قاتو
عضمة
وتعجن بالماء الدافئ
الحشو :
حسب الرغبة تن او لحم او دجاج
وبصل ومعدنوس مسوتي
بطاطا جويدة ومقلية
جبن بزايد
كرام فراش
وعضم

شوباي محشي

تقلي بصلة وتحط عليها كاس روز وبعد 2كيسان ماء وشوية كركم وملح وحطها تغلي حتى تنزح غطيها وخليها لين ترجع عليها سخانتها
وفي معجنة قطع طناطم وزيتون وجبن ومعدنوس وكبار و فاريانت
وبعد خلط الكل وزين كيما تحب
الشوباي
تصمت الشوباي ونحى الكعاب وخلي الشوش لين يطيبو
اغسلهم وقطعهم مع شوية بصل ومعدنوس مسوتين وفوحهم بالفلفل اكحل والكركم والملح وفلفل مرحي وعضمة شوية شابلور وبسباس مرحي وبعد تنقب كعبة الشوباي من الاسفل وتعبيهم
الصوص :
تسوتي بصل وبعد تزيد كركم وملح وجلبانة وفلفل اكحل وبسباس وحطها تغلي وزيد كعبة بطاطا وبعد
حط في طبق الفور الصوص ورصف فيهاالشوباي وحطها تكمل تطيبها في الفرن