أرز بالكروفات

روز بالكروفات
الطريقة : تغسل الكروفات بالباهي و تحطها في الماء على النار و ما تخليهاش تغلي دوب باش تغلي وانت هبطها تولي لونها وردي خرجها من الماء و ما تبزعوش الماء متاعها.و بعد قلي بصلة في شوية زبدة و شوية زيت مخلطين وقت تصفار و تطلع ريحتها ارمي رطل روز مغسول بالماء البارد و مستقطر و قليه شوية مع البصل و فوحو ملح و فلفل اكحل و شوية كمون و شوية فلفل احمر و كركم من كل شيء دوبة شوية على راس المغرفة و امرقو بماء الكروفات بعد ما يغلي 10دق تقريب و ينشف حطو يفور في كسكاس فوق الماء . و في طنجرة اخرى قلي شطر راس ثوم مفروم في الزيت مع الكروفات و 2 كعبات طماطم مقشرين و مقطعين يتقلاو شوية و امرقهم موش ياسر و زيدهم ملح و فلفل اكحل و كركم و خليه يطيب 20 دق موش اكثر و وقت يطيب الروز صب عليه المرق الي في الكروفات و قلب و في الآخر فرغو في وعاء للتقديم و حط فوقو الكروفات