خبز قمح كامل مبسّس

خذيت 2 كيسان حليب وكاس ماء ودفيتهم
زدتهم 2خميرة فورية و 2مغارف صغار سكر و2مغارف صغار مليانين ملح وكاس شطرو زيت زيتونة والشطر زيت ذرة وبيضة وخلطهم بالباهي
خذين 3كيسان قمح كامل وكاس فرينة وخلطهم بالباهي وزدتهم شوية كركم
زيد القمح بالشوية بالشوية حتى تتلم العجينة وماتكونش يابسة وهليها تتعجن بالباهي لين تولى رطبة
خليها تتخمر في معجنتها
وبعد اقسم الخليط على 4 اقسام وشكل الخبز الي تحب عليه
ادهنو بالحليب واصفر البيض ورش عليه سينوج وبسباس وخليه يتخمر على الاقل ساعة اخرى في مكان دافئ
وبعد طيبو عادي في الفرن

أرنب في الفرن

الأرنب في الفرن مع الخضار وسوتي الصلق
اعرف ان الكثير لا يعجبهم لحم الأرنب لكنه من افضل اللحوم البيضاء
طريقة التحضير
اولا انفوح الأرنب بالزيت ملح فلفل أسود فلفل حار مدشش عصير البرتقال قشور البرتقال مبشوره ثوم والاكليل نتركها ترتاح في الثلاجه
انقطع الخضار البطاطس فلفل اخضر طازج حبات طماطم بصل وزيتون اسود نضعهم في طبق الفرن انفوحهم زيت ملح
نضع الأرنب فوق شبكة الفرن ونضع تحتها الطبق فيه الخضار لكي ينزل الساءل عليها
في نفس الوقت نسلق الصلق في الماء انصفيه بعدين انقليه في الزيت ثوم والملح والفلفل الأسود

 الشاف فرج سعيد

قلاية دجاج وأرز

حط الدجاج يتصمت في الزيت والماء والكركم والملح والفلفل الاكحل وشوية إكليل و زنجبيل مرحي وكروية نحي كأس مرق خليه على جنب وكيف ينزح ويقر زيتو رشي عليه الكروية فرشكة وفقر العضم ،  وفي الصحنات بالطبع المعدنوس وشوية بصل للي يحب

بالنسبة للأرز : تاخو كأس المرق وتزيدو بصل وشوية زبدة وكأس ماء وكيف يغلي أرمي كأس أرز وملح وغطيه يغلي وحدة وحدة وكيف ينزح طفي وخليه يبرد ، وبعد زين الصحنات كيما تحب

كوتلات مشوية مع صوص

الصوص : تصمت الطماطم الخضراء وتسقطرها وترحيها وفي طنجرة تقلي شوية طماطم معجونة في الزيت وتزيدها الطماطم المرحية ومغرفة هريسة وملح وفلفل أكحل ووتخليها تشكشك وبعد هرس ثوم وكروية وحطهم مع الطماطم وخليها تطيب وحدة وحدة حتى تبنان وتقر زيتها

بالنسبة لتفويح الكوتلات

أعمل خليط متكون من زيت وكروية وفلفل اكحل وكركم وملح وخلطو وبعد فوح الكوتلات وخليها ساعتين تبنان في الثلاجة وبعد اشويها في التيفال مغطية

فوكاشيا بالجبنة

تاخو 3بيضات وعلبة كرام فراش و 1/4 كوب سكر  ونصف كأس زيت نباتي تخلّطهم جيدا في الخلاط وفي صحفة أخرى تخلط كأس ونصف فرينة وملعقة كبيرة خميرة قاتو ورشة ملح وبعد امزج الك مع بعض  وحطو في طبق الفرن إلى تكون دهنتو بالزيت ، أضيفي فلفل أحمر وأخضر مقطع مع زيتون وجبنة مكعبات وأخيرا رشي الزعتر المرحي وممكن تزيد رشة فلفل أحمر

للأخت

Azizah Omar

عصير برتقال مركّز

عصير البرتقال المركز ,2كيلو برتقال ،رطل سكر 3كعبات ليمون وكاس ماء ،تغسل البرتقال والليمون وبعد تاخد 4 كعبات برتقال تقصهم رندلات وتنحي القلوب وتحطهم في حاجة وتصب عليهم الماء والسكر وتحطهم يطيبو 20 دقيقة والباقي من الليمون و البرتقال تعصرو عادي بعد تخلط البرتقال الي طيبتو والعصير مع بعض وترحيه مليح في الروبو وبعد تصفيه و تحفظو في الثلاجة او الفريزر وقت حاجتك تزيدو الماء وتشرب بالشفاء

للأخت

Nozha Wassim

تحلية بالفواكه

مقادير :
نصف لتر حليب
3ملاعق سكر
3فلان بنكهة الفانيلا بدون سكر او لا يضاف للسكر
200ملل كريمة سائلة
100غ تورون هو عبارة عن لوز محمص مطحون مع السكر
ملعقة عسل اختيارية
فواكه مشكله اختيارية

 للأخت

Salwa Namirii

خبزة درع

أربع عضمات تركضهم و تزيدهم كاس سكر و 1 سكر فانيليا و تركض و معاهم كاس حليب و كاس زيت و ديما تركض و بعد غربل 2 كيسان درع و كاس فارينة و 1 خميرة قاتو (تنجم تحط 3 كيسان درع عادي) و تكمل تركض و تحط الفواكه الجافة كيما تحب تنجم تقطع التمر و تحط زادا
نفس الكاس تكيل بيه ديما
150 درجة
بين35و 45دق في الفور

للأخت Sahar Zouali

عصيدة بوفريوة

عصيدة بوفريوة للسهرة .😊 سهرة طيبة للجميع 😍 بالنسبة للروسات 200غ بوفريوة تقليها وترحيها حتي تقر زيتها ومن بعد تزيدها 100غ فرينة نصف لتر ماء وترحيهم مع بعضهم ثم تصبهم في كسرونة تطيبهم وتحرك وقريب تطيب تزيدها حليب مركز انت والحلاوة وتصب في الكيسان وتزين كيفما تحب وتاكل بالشفا

للأخت مفيدة حمزة

قلاية قرنيط

تصمت القرنيط وتسقطرو وفي طنجرة تحط زيت والقرنيط وتقليهم بالباهي وتزيد مغرفة طماطم معجونة  وتفوح بالملح والكركم والفلفل اكحل وشوية فلفل مرحي وكروي وتمرق بشوية ماء وتخليها تشكشك حتى تقر زيتها وتخثار  ، تقلي معاها بطاطا وفلفل وتأكل بالشفاء

للأخت Nozha Wassim

بيتنجال مشوي

بادنجان مشوي : تقص البادنجان رندالات وتشويها وبعد تحضر زيت ومعدنوس وفلفل اكحل ونعناع وملح وسنة ثوم وورقات نعناع وتخلطهم وتصبهم على البادنجان بعد ما تشويه

للأخت

Nozha Wassim

طبيخة خضر

1. الطبيخة:
   نقطع في الطنجرة :حزمة سلق وحزمة معدنوس و2 سفناريا وراس بسباس و2 رؤوس بصل كبار ونصف كاس فول مصري وكاس ونصف جلبانة وكاس ونصف فول اخضر كان عندك ومغرفة كبيرة طماطم معجونة ومغرفة كركم وزيت وفلفل اكحل
   قلي الكل وامرق
   زيد شوية فلفل مرحي
   وغطي الطنجرة وخليها تشكشك وحدة وحدة باش تطيب بالباهي
   في نصف الطياب زيدها البطاطا وكيف تشيح وتخثار وتقر زيتها ارمي قرينات فلفل ملاحي
   الطبيخة ماتحبش الكوكوت وتحسها تطيب ولكن المطعم موش كيما تطيب وحدة وحدة
   وشاهية طيبة
2. ملاحظة :الملح حطو في الاخير باش تطيب الخضر فيسع 
3.