طبخات تونسية

lundi 26 décembre 2016

بطاطا مجمرة

بطاطا مجمرة
صمت البطاطا بالملح والكركم نصف طياب وبعد حطيتها في البلاتو متاع الفرن ورشيت عليها النعناع وزيت زيتونة ودوبما جمرتها باش تحافظ على شكلها ولونها وتعدي بيها برشا أكلات

Pommes de terre farcie aux fruits de mer

تصمت القرنيط والشوباي والكالمار
وبعد تحط معاهم الشوفرات دةبما تهز الغلو وبعد تقطعهم وتزيدهم عضمة مصموتة وشوية جبن وبصل ومعدنوس تسوتيه في شوية زيت وبعد تزيدهم بسباس مرحي وعضمة نية وشوية خبز مرحي ومغرفة فرينة صغيرة
اعمل البطاطا في شكل صحفة وبعد انقبها واحشيها بالخليط وهكاكة الفلفل
اقليهم في شوية زيت وحطهم في بلاتو الفرن
الصوص : بصل سوتيه في شوية زيت وزيدو مغرفة صغيرة طماطم معجونة وكركم وفلفل اكحل وملح وكيف يغلي صبو على البطاطا والفلفل الي في المول وحطو يطيب وحدة وحدة في الفور

همبورقر منزلي

العجينة

رطل فرينة 1 خميرة خبز و عضمة مغرفة صغيرة كرام فراش و شوية ملح و شوية سكر و نعجنوها بالحليب الدافي نحطوها مغطيو حتى تخمر و يتضاعف حجمها و بعد نقسموها على عشر قطع نبسطو كل قطعة باليد و نشكلو قرص بالقالب او بواسطة كاس و نحطو الكعبات يرتاحو 30 دق و بعد ندهنو الوجه بفص بيضة و نرشو فوقها شوية جلجلان او سمسم و نطيبوهم مدة 25 دق في الفرن يكون مسخن مسبقا .و بعد نقصو الكعبة على اننين و نحطو هريسة و مايوناز و شريحة الكقتة مشوية في التيفال و شريحة جبن الخاص بالهمبرقر و ورقة سلاطة (خس) و دائرة طماطم خضراء مثلما في الصورة و نحطوهم 5 دق في الفرن حتى يذوب الجبن قليلا . و يمكن اعدادهم في شكل ميني همبرقر اي نقصوهم حجمهم صغير بواسطة فنجان

jeudi 22 décembre 2016

صول فيليه

صول فيليه
الارز :
50 غ زبدة وشوية زيت تقلي فيهم بصلةوبعد تصب عليه 2 كيسان روز و 4 كيسان ماء وملح وفلفل اكحل وحطو يغلي
تنظف فيليه الصول والباقي تحطو بالاشواك يتصمت وتصفي الماء باش تمرق به الصوص الزعرة
تقلي بصلفى الزيت وبعد صب عليه مرق الصول
تفوح الصول بشوية تابل مفوح وبين الصوابع كمون وملح وفلفل اكحل وبعد تروليه وتثبتو بالكردون وتقص بطاطا في طبق الفرن وترصف دوائر الفيليه وبعد حط عليهم الصوص ودخلهم للفرن
البريك :
اطراف الفيليه الغير ممكن تدويرها نعملها حشو بريك

mercredi 21 décembre 2016

مصلي بالدنديق

تقلي بصلة في الزيت وتزيها الماء ومغرفة صغيرة طماطم معجونة وكركم وفلفل أكحل وملح وتابل وثوم وتخليه يطيب تفوح الحوت بالملح والفلفل اكحل والتابل والثوم والكركم وتقطع دوائر طماطم في طبق الفرن وقارص وترصف قطع الدنديق وتصب عليه الصوص تحطو في الفرن وفي الاخير تشعل عليه النار من فوق وتقلي البطاطا والفلفل وتزين الصحنات

دبلة عباد الشمس

1 كغ فرينة 250 غ زبدة بيضة مغرفة ملح مغرفة سكر مغرفة كبيرة خميرة قاتو مغرفة كبيرة خميرة خبز ونكمل العجينة بالماء الدافئ خليها ترتاح تحل الورقة بالمكينة تعمل 3 دوائر كبار 1 متوسطة 1 صغيرة حطهم فوق بعضهم وادهن بأبيض البيض ارشق فيها كعبة لوز واقلي على نار هادئة عسلها باردة موش سخونة باش تبقى تتقرمش