المقروض الابيض في الفرن

المقروض الابيض في الفرن
1كغ فرينة و 1كغ سميد جويد غربلهم وعليهم 4 خميرة قاتو وشوية ملح وشوش ورد وقرفة
تذوب 200 غ زبدة وكيف تبرد صب عليها كاس زيت نباتي وتخلط الخليط
وبعد كمل العجن بماء الورد
نظف الدقلة وارحيها وبعد فوحها بالقرفة وشوش الورد واصنع المقروض عادي
طيبو في الفرن عل 180°

بتي فور بنين بنكهة الليمون

بتي فور بنين بنكهة الليمون
3بيضات و 4 مغارف سكر محور و نصف باكو خميرة و 100 غ زبدة طرية و رشة ملح و مغرفة zeste متاع ليمون و تخلطهم مليح و بعد تصب الفرينة بالعين و تخلط باليد تقريب بين 250 غ و 300 غ و تتحصل على عجينة طرية شوية تعمل كعبات البتي فور بال poche او بقمع البشكوتو و ترش فوقهم شوية سكر احرش و الا لوز مهروش تطيبهم 15 دق على 170 درجة

العسل متاع الشحور

العسل متاع الشحور : خوذ كيلو سكر وحط فيه كأس كبير ماء وحرك على الغاز حتى يذوب الكل وخليه يغلي وكيف قريب يتسكر صب فيه كأس تأي عطرشاء وغليه شوية وبعد محكار مغرفة ماكلة كبيرة قارص ونصف صبهم عليه ودوبما يغلي أطفي ،
ساعات تحسو يتسكر يرجع سكر ماتخافش صبلو الماء وحرك يتحل فيسع مادام ماحطيتش القارص ما يفسدش العسل
مايكونش جاري برشا وإلا يابس برشا برد وشوف وأنا الحقيقة نعرفو بالعين والتجربية وكيف تعسل حط في طنجرة أخرى وأضيفي العسل بالشوية بالشوية باش ما يفسدش الكل

purée

purée
تصمت كيلو بطاطا بالملح وبعد سقطرها وارفسها وصب عليها كأس تاي صغير حليب و2 مغارف زبدة وقطيرة زيت وكان تحب فلفل أكحل وارفسها بالباهي
وزين الصحن كيما تحب بالتن والطماطم والمعدنوس وفلفل ملاحي وعضم وزيتون ......
وتنجم تزيدها مايونيز

قاتو البوفريوة

6 3admat-250g boufriwa mer7ia-250g zebda theyba(much s5ouna)-300g soker-200g farine-2 sachiet 5miret gateau-chwaya boufriwa mharwech lezina ken t7eb .fel mixeur traked la3dam wesoker 2 min ba3ed tzid zebda we t5alihom yetrakdou 5 min fi sa7fa t8arbel farine wela5mira wetzid boufriwa mer7ia wetsob 5alit sa2el wetedhen moule bezebda wefarine wetsob 5alit elkol wetroch boufriwa mharwecha weda5ilha tib fi fur msa5en 9bal modet 40min 3la 180 darja

bûche au amande

تركض 5 بيضات البيض تركضو مع قرصة ملح تطلعو مثل الثلج و تركض الاصفر تركضو مع 5 مغارف سكر و 1 فانيليا و بعد تزيد 5 مغارف فرينة و 1 خميرة قاطو و تخلط مليح و تزيد ابيض العضم المركوض بالشوية و تدور السباتول من اللوطة لفوق .-و تحط ورق الطبخ في طبق الفرن و تصب الخليط و تطيبو 10 دق على 170 درجة . - و بعد تلفها كيف الرولو في منديلة نادية و تخليها تبرد . تحضر كريمة الزبدة تاخذ 200 غ زبدة طرية و تركضها مع 100 غ سكر محور و فانيليا و بعد تزيدها 50 غ شكلاطة ذايبة و تخلط و تركض باكو كريم شانتي و تخلط الكل .- تحضر قهوة خفيفة و بالسكر و ترشها عاى القاطو حتى تتبل باش ما تجيش شايحة و تطليها بكريمة الزبدة و ترش البفريوة و تروليها من جديد و تحطها تبرد في الثلاجة . تحضر قانا ش تذوب 150 غ شكلاطة في بان ماري و تزيدها 2 مغارف كرام فراش و مغرفة صغيرة زبدة و تخلط و تغلف بيها القاطو و تجرحها بالفرشيطة قبل ما تيبس باش تجي كيف الحطبة و تزينها من الاجناب بالكرام شانتي و الفاكية و ترش فاكية و شوية سكر محور

بسكويت بالشكلاطة

بسكويت بالشكلاطة
1 كغ فرينة مغربل
2 خميرة كيميائية
خلطهم مع بعضهم
وبعد ذوب 370 غ زبدة
350 غ سكر
5 بيضات
2 فانيليا
خلطهم بالمكسور بالباهي
وتصبهم على الفرينة لمها واصنع باستعمال القلقال والفرينة
طيب في الفرن 170°
تذوب الشكلاطة في حماما مائي وزيدها زبدة ومغرفة ماكلة كرام فراش وبعد غطس الكعاب في الشكلاطة وزيد رش عليها جوز الهند

œuf du calmar sautè

œuf du calmar sautè
ننظف العضم متاع الكالمار بالباهي وبعد نسوتيه مع طمطومة مقشرة وثوم ورشة ملح وفلفل أكحل وكركم وزيت

Capcake au chou fleur

تسوتي لحم مفروم مع البصل في قطيرة زيت وتزيدو شوية معدنوس وتفوح بالملح والكركم والفلفل الاكحل والتابل وسنينة ثوم ، وبعد تزيدو عضمة مصموتة ومقطعة وزيتون مقطع و فلفل بر العبيد وجبن قرويار و 4 مغارف خبز مرحي و3 بيضات والبروكلو المصموت مسبقا ومسقطر ( تصمتو بالملح والكركم ووريقة رند ) وبعد تدهن الصحاف البلورية بالزيت وتسخنهم وتحط فيهم الخليط وتطيبهم عادي 170 ° في الفرن ، وتزين الصحنات مع سلاطة الفصل والموجودة عندك أو مقرونة بالصوص أو أرز إلخ.....

باركات مالحة

باركات مالحة
العجينة : 300 غ فرينة ونصف باكو خميرة وعضمة و 150 غ زبدة وملح وتعجنها بالحليب ،وتصنع كعب الباركات . وبالنسبة للحشو جبن وتن وعضم مصموت ونيء وزيتون وبصل مسوتي وبين صوابعك معدنوس وتفوح بالملح والفلفل الاكحل وشوية كركم