فيليه صول باني

تفوح الفيليه بالملح والكركم وفلفل اكحل وشوية كمون وبعد لفهم في الفرينة ثم البيض ثم الشابلور واقلي على نار هادية

خبزة برتقال

خبزة برتقال :
الجينواز
5 بيضات
كيس فانيليا
كاس ونصف سكر
ركضهم بالباهي حتى يبياض العضم وبعد زيدهم
3/4 كاس زيت نباتي
كاس عصير برتقال
خلطهم برفق
غربل 3 كيسان فرينة و 2خميرة قاتو
وزيدهم للخليط وطيبها في الفور 170 °
باش تتحصل على خبزة عالية ومزيانة اقسمها على 2 وبل كل جزء منها بسيرو ( ماء +سكر ) باش تبقى القاتو طرية
الكريمة
هي كريمة عادية متكونة من نصف لتر حليب و 2 فصوص عضم و 2.5 مغارف نشاء ومغرفة سكر والي يحب الحلو ينجم يزيد السكر وخلطهم في البارد وبعد طيبهم على الغاز وكيف تطيب الكريمة تنجم تزيدها مبشور البرتقال وتخليها تبرد شوية وتحطها على الجينواز ودخلها للثلاجة
القاناش
نصف لتر عصير برتقال عليه 2 مغارف نشاء ومغرفة سكر حركم في البارد وطيبهم على الغاز وبعد صبهم برفق على طبقة الكريمة واخيرا حط القاتو تبرد في الثلاجة وبعد ساعة قصها وتاكلو بالشفاء والهناء

كسكسي بالعصبان الساحلي

كسكسي بالعصبان
مكونات العصبان:
لحم وكبدة وريّة ( الرية غليها قبل وبعد قطعها مع بقية المكونات ) وقلب ومعدنوس وبصل ونعناع شايح وبرغل وهريسة عربي وفلفل مرحي وكركم وملح وتابل وكروية وفلفل اكحل وقطيرة زيت ، وتلف في الكرشة إلى تكون ولّدتها كيف الشكيرات الصغار وبعد زيد لفهم في الردى وبعد بالمصارن إلى تنظفهم بالباهي وتعدي عليهم السكينة باش يخرج إلى في وسطهم ويبقاو جويدات ورهاف برشا ، وأخيرا لف بالخيط باش ما يتحلوش
صوص الكسكسي :
تغلي الماء وتحط فيه العصبان بعدما تنقبو وتزيد طماطم وفلفل مرحي وفلفل أكحل وزيت
تصمت السفناريا والحمص وتفوحهم بالملح والكركم والفلفل الاكحل
زين الصحنات

شكشوكة فلفل ملاحي

تصمت  البطاطا بشوية ملح وكركم وبعد في طنجرة تيفال تقلي البصل والطماطم خضراء لين تطيب وتزيدها  شوية طماطم معجونة ( على طرف المغرفة ) وتقطع الفلفل الاخضر والملاحي والفلفل إلى شيحناه في الصيف الحار وتخلطهم مع الطماطم وبعد تصب البطاطا المصموتة وفيها شوية ماء وتزيد شوية فلفل مرحي وكيف يغلي شوية تفقر العضم

ابتسام

محمّص بالقديد

محمص بالقديد
تقلي بصلة وتزيها طمطومة خضراء ومغرفة طماطم معجونة والقديد وبعد تمرق وتزيد الفلفل الاكحل والكركم وشوية ملح ( رد بالك على خاطر فما قديد ) وكيف تطيب الصوص أرمي المحمص
أصمت العضم واقلي الفلفل
وتسربيه سخون

مقرونة بالعلوش وجبن البرموزان

مقرونة بالعلوش والبرموزان
هذه المقرونة في الماء : حطيت اللحم يغلي وكيف قريب يطيب زدتو الزيت ورأس ثوم مهرس وبصل جويد وفلفل مرحي وطماطم معجونة وكركم وملح وفلفل اكحل ووريقات رند وخليتها تغلي لين طاب اللحم بالباهي صمت المقرونة وخلطت وترش البرموزان في الصحنات