سمك المغزل مقلي

تنظف المغزل وتفوحو بالملح والكمون وشوية تابل بالثوم وبعد تقليه

بوري

Puré بالكروفات
تصمت كعبتين بطاطا ومعاهم كعيبات كروفات بالملح وبعد سقطرهم وارفس البطاطا وزيدها شوية زبدة و2 مغارف حليب وارفس الكل بالباهي وحطهم في البوش وزين الصحنات كيما تحب
بالسلاطة والطماطم والكروفات

كسكسي باليازول

كسكسي باليازول
تقطع اليازول وتحطو يفور وفوقو الكسكسي
وتقلي بصل وطماطم معجونة وطماطم شريحة وهريسة عربي وبعد تمرق وتزيد ثوم وكروية وملح وفلفل مرحي وكركم وفلفل ملاحي وفلفل بر العبيد وفلفل أحمر حار
وكيف يطيب الكسكسي ويكون تريتو سقيه بالمرق وخليه يتشرّب

فيليه السردينة باني

سردينة باني
تنظف السردينة وتنحيلها السلسول وبعد تفوحها بالملح والتابل والكمون وخيها تبنان في الثﻻجة ساعة على الاقل
بعد تاخو بالكعبة بالكعبة وتلفها في الفرينة وبعد العضم وبعد الخبز المرحي وتقليها
بعدين تعمل السﻻيط وزين الصحنات

vole au vent

تستعمل العجينة المورقة وتشكلها كما في الصور وتدهن بأصفر البيض تم تطيبها في الفررن وتحضّر الحشو : بصل وتن ومعدنوس وبيض وجبن وبيض نيءوكيف يطب تخرجو وتحط الحشو وتعاود ترجعو حتى يطيب وزين كيما تحب

طواجن السبناخ

طواجن السبناخ
قطع اللحم وشوية بصل وزيت وماء ونخليهم يغليو لين يطيب اللحم وينزح تماما نحطلو الملح والفلفل الاكحل والكركم و 100غ جبن قرويار وطابع جبن كويستور و و 2بيضات مسلوقين ووسبناخ مفور ومسقطر وخلط الكل وبعد زيدو العضم النيء وارحيه في الروبو وحطو في قوالب وبعد يطيب في الفور
وكيف يبرد زينو بالجبن

مرقة سردينة محشية

الحشو : سرينة مصموتة ومسبلة
معدنوس وبصل مسوتين
تابل وكمون وثوم وفلفل مرحي وفلفل اكحل وملح
عضمة
نحي السلسول متاع السردينة ونحط الحشو في الوسط
نلف الكعبة بالباهي وبعد نلفها في الفرينة وبعد العضم وبعد الخبز المرحي ونقليها
الصوص : كل شيء في الماء
بصل جويد وزيت وفلفل اكحل وتابل وسنة ثوم وكركم وملح وطماطم معجونة وفلفل مرحي
وكيف يغلي المرق نرمي السردينة وكعيبة بطاطا وقرين فلفل اخضر وخليها تغلي على نار هادية

فطيرة مالحة

فطيرة مالحة
الخليط متاع الفطيرة :
عضم هريسة عربي برشا كروية وراس ثوم
ملح فلفل مرحي شوية خبز مرحي او فرينة
شوية معدنوس
وبعد اقلي حسب الشكل الي تحبو
الصوص : طماطم معجونة زيت ماء ملح فلفل اكحل وكركم و فلفل مرحي وشوية هريسة عربي وكيف يغلي ارمي الفطاير المقلين