خبزة فاكية

ننصحكم  تستعملو الجيلك في القطو او كايك بصراحة تنجح القطو وما تهبطش كيف تخرجها من الفور وتبقي ديما مفوجة اما بالنسبة الروسات تأخذ واكيد حسب الطبق اللي عندك وانا مثلا الكبر هاذاكة استعملت خمسة عضمات عليهم ستة مغارف سكر وباكو فاني تركضهم بالباهي وتزيهم مغرفة صغيرة جيلك وتزيد تركض ما تقلقش من التركيض حتي تولي كيف الكريمة تزيدها ستة مغارف فرينة وتحطها في الطبق اللي يكون فيه ورقة الكويسون باش ما تلسقش القطو وتطيبها في الفور وهذي بالنسبة للجينواز الفاني ومن بعد تحضر للجينواز اللي بالكاكاو هي نفس كمية الجينواز الفاني اما تعوض زوز مغارف فرينة بزوز مغارف كاكاو وبعدما تطيب تشق كا واحة علي اثنين وتكون حضرت شحور خفيف عبارة علي ماء وسكر تغليهم شوية علي الغاز وكل شطر تسقيه شوية بالشحور وتحط مرة طبقة بيضاء مرة طبقة بالكاكاو بين الطبقة والطبقة كرام شانتي تركضه وتزيده الزبدة وروح البوفريوة وإذا عندك فاكية ترشها بعدما تحط الكرام شانتي وكيف تكمل تدهنها الكل بالكرام شانتي وتزين كيما تحب

مفيدة حمزة

غريبة حمص

غريبة حمص
رطل حمص مقلي ومرحي جويد برشا
175 غ سكر محور
100غ نشا
200 غ زبدة
وكمل اعجن بزيت الزيتون
الروسات هذه من غير فرينة وماتطلعش كمية كبيرة اما بنتها موش عادية
جربوها وقولولي

طاجين الباي

هذه الوصفة كما كتبتها الصنافة سيرين التبسي
escalope tayeb fi chwaya me wfawahtou melh felfel akhel korkom zaatar wchwaya zebda wbasla kif ytib terhih wtaksmou sur 2
1err couche: chtar l escalope maah un œuf fromage râpé chwaya melh wthotou fi Pyrex beurré wdakhlouh pendant 15 min à 180degre
2eme couche: le reste d escalope maah épinard ( déjà sautée fi zebda linysayeb meh ) et 2 œufs. Enfourner 15min a 180degre aussi
3eme couche: 250g ricotta 2 blancs d œufs fromage râpé et mozzarella et 1cac farine enfourner 10min presque à 180 3inek mizenek
4eme couche pistache haché wsahha liko

لفت

تقطع حزمة لفت + 2 حزمات سلق بعدما تغسلهم وتزيدهم حمص وفول ولفت رؤوس قطعو وغليه في ماء ماجل او ماء صافية باش يطيب فيسع وكيف قريب ينزح في الماء متاعو فوحو بمغرفة طماطم معجونة وطمطومة خضراء ومغرفة فلفل مرحي وهريسة عربي وملح وراس كبير ثوم وتابل وملح وفلفل ملاحي وزيت زيتونة وخليه يغلي وحدة وحدة حتى ينزح تماما ويشيح ويطيب
فما شكون يسقطرو من الماء ويقليلو انا مانحبهاش الطريقة هذه على خاطر الفيتامينات الكل في الماء ومن الاحسن نحافظو عليه
اقلي معاه حويتة او اشوي لحيمة

باركات باللحم

 الباركات شريتهم حاضرين
وهذا الحشو :

قاتو بالكرمال والشكلاطة

الروسات .اول حاجة تحضر الكرمال طيب حكة نستلي في الكوكوت مدة ساعة لين تولي كرمال
تذوب 200غ شكلاطة مع 150غ كرام فراش ونقسموها صوص الشكلاطة على 2 شطر للخليط وشطر للزينة
الخليط. تركض 4عضمات وساشي فانيليا والنستلي كرمال وتزيد 350مل زيت نباتي وفي الاخر تزيد 375غ فارينة وساشي خميرة يكونو مغربلين نقسمو الخليط على 2 واحد يبقى كيما هو والثاني نزيدوه صوص الشكلاطة ( شطر ) نصبو الخليط الأبيض الاول وفوقو الخليط الاكحل ونحركو شوية بالفرشيطة وندخلوها طيب على 180 درجة 40دق .نخليوها تبرد ونزينوها بصوص الشكلاطة الباقي

ابتسام

petit four

300 غ لوز ابيض مرحي عليهم 150 غ سكر محور وبياض عضمتين ومغرفة صغيرة ماء ورد وتخلط وتحط في البوش وتحط فوق كل واحدة كعيبة لوز وتحط في الفور وكيف يطيب تشعل عليه من فوق باش يعطي اللون الذهبي 🙂ريتو روسات ولا اسهل شوية كوراج 😬وتأكلو بالشفا

مفيدة حمزة

مقرونة ببوشة محشية

ببوشة محشية بالدجاج والجبن
تصمت 4 كعبات طماطم وتسقطرهم وترحيهم
الصوص:
تقلي نصف راس بصل كبير وتزيدو 1/2 مغرفة طماطم معجونة وتصب عليه الطماطم المرحية وتخليه يتقلي وبعد تمرق وتفوح بالملح والكركم والفلفل الاكحل وتابل وثوم ورند وفلفل مرحي وتخليها تطيب ، تكون الصوص خفيفة باش ماتوليش عاقدة برشا ومطمطمة كيف تطيب
الحشو :
تقلي نصف صدر دجاجة والنصف الثاني متاع البصل بالباهي وتفوحو بالملح والكركم والتابل والفلفل مرحي وترش عليه شوية ماء وغطيه وخليه لين ينزح تماما زيدو مغرفة كرام فراش وجبن فوندون وعضمة مصموتة
تاخو الببوشات وتغطسهم في الماء المغلي مدة 3 دق
وبعد تحشيهم بالوحدة بالوحدة وتحطهم في الصوص وترش عليهم موتزارلا من فوق
كان عندك قرانيط او تيفال غطيها وحطها على الغاز وحدة وحدة

قلاية قرنيط ومايونيز وسلاطة بطاطا

قلاية قرنيط ومايونيز وسلاطة بطاطا

المايونيز المنزلي :
4 فصوص بيض بحرارة الغرفة
200مل زيت عبيد
1/2 كعبة قارص
ملح
فلفل اكحل
تركض البيض وفي نفس الوقت تصب عليه خويط زيت حتى تصبح عاقدة وينتهي الزيت الكل
تخلط القارص والملح والفلفل الاكحل
تصبو في الاخير
وتزيد مغيرفة قهوة موتارد
ممكن ماتحطش فلفل أكحل وتعوضو بنعناع أو ثوم او فلفل مرحي أو معدنوس جويد كيما تحب

قلاية قرنيط
تصمت القرنيط من غير ملح حتى يطيب
وفي طنجرة أخرى قلي القرنيط ومغرفة صغيرة طماطم معجونة وبعد رش عليه الماء وفوح بالكروية والكركم والفلفل مرحي والفلفل الاكحل ورد بالك من الملح على خاطر القرنيط يسيب ملحو برشا
الصوص تكون ضيقة

سلاطة البطاطا
تصمت البطاطا بالملح والكركم وبعد تسقطرها وتفوحها بالنعناع والفلفل أكحل وزيت وقارص ومعاها مايونيز وزين بالبصل والعضم والزيتون والطماطم الخضراء والكبار