لامواد حافظة لا ملونات 
😊😊😊😊بيو
ان شاء الله صحة وعافية للجميع 
❤
تنظف الاجاص وتقشرو وتقطعو وفي نفس الوقت تدهنو بالقارص باش ما يكحالش ويتبدل لونو
وكيف تتحصلي على كغ اجاص زيدو 400 غ سكر ولتر ونصف ماء وحطو يغلي لين يطيب الاجاص تقريبا 30 دق
خليه يبرد وبعد ارحيه
حطو في دبابس بللر في الكونجيلات كان تحب تكنجلو وكان للاستهلاك ممكن تزيدو شوية سيتروناد منزلي او خليه خاثر واعصر معاه الفراولو ويولي عندك كوكتال متميز
المهم اللون نفسه لا يتغير وبنة عالمية
كسكسي بالعصبان الملفوف في السلق
العصبان :
قطع لحم وكبدة وكلاوي وقلب المهم الي عندك وحزمة معدنوس و 2 رؤوس بصل جويدين وفوح بالملح والكركم ومغرفة هريسة عربي من غير ثوم وفلفل اكحل تابل وكروية ونصف كاس صغير برغل جويد وقطيرة زيت زيتونة وتخلطهم بالباهي
تذبل اوراق السلق معناها دوبما تغطسهم في الماء الي يغلي وتخرجهم فيسع وتحل الورقة في يدك وتعبيها بالخليط وتسكرها وعلى البلاصة لفها بالخيط حتي تتحصل على عصبانة مزيانة
الصوص :
تحط ماء وزيت وكيف يغلي ارمي العصبانات بعدما تنقبهم
وتفوح بالطماطم معجونة ( لكل كاس كبير كسكسي مغرفة ماكلة مليانة طماطم ) و2 مغارف فلفل مرحي وملح وكركم وفلفل اكحل
بل الكسكسي بقطيرة زيت وكركم وماء وخلي يتشرب وبعد حطو يفور
وفي نصف الطياب تريه بالمرق ورجعو يفور مرة ثانية
اصمت الحمص والسفناريا وحدهم بماء الماجل وفوحهم بالملح والكركم والفلفل الاكحل
سقي الكسكسي واقلي الفلفل
هرقمة بقري
تصمت الهرقمة بالباهي ونحي العضمات الفارغة
تقلي بصلة وتزيدها مغرفة كبيرة طماطم معجونة ومغرفة هريسة عربي دياري
وتقشر راس ثوم ومعاه تابل مرحي فرشك
وترصف قطايع الهرقمة وتمرق بماء الصمتان
وتفوح بالتابل والثوم والكركم والفلفل احمر والفلفل الاكحل وتخليها تشكشك حتي تقر زيتها
تصمت اللوبيا وحدها وبعد كيف تطيب تزللها وتحط في المرق دوبما تغلي وتقر زيتها ارمي قرين فلفل اخضر واطفي
اقلي بطاطا وفلفل
سمك السفن مشوي
تفوح شرائح السفن بالملح والكركم والكمون وشوية تابل مفوح بالثوموزيت وتخليه يبنان ساعة في الثلاجة
تدهم المقلة بشوية زيت وتشوي فيها الشرائح وتزينهم في الصحنات بالقارص والمعدنوس
اعمل اي نوع من السلاطة الي تحبها
مرقة كالمار
الصوص : ماء وزيت وطماطم معجونة وبسباس مرحي وكركم وملح وفلفل اكحل وفلفل مرحي وكيف يغلي أرمي كعب الكالمار وخلي يغلي لين يقر زيتو الحشو :الشوش متاع الكالمار أصمتهم وزيدهم بصل ومعدنوس وبرغل وبسباس مرحي وكركم وملح وفلفل مرحي وبعد شق كعبة الكالمار من الأسفل واحشيهم وبعد ارميهم في الصوص إلى تغلي
بالنسبة للبطاطا ممكن ترميها في المرق أو كيما نعمل انا نصمتها بالملح والكركم وأخر حاجة نحطها في الصحنات على خاطر تمص الفيحة متاع الكالمار الكل وزيد تسيب النشاء متاعها
ملفوف بالبات فيلو
تطيب اللحم بالباهي وتقصو جويد مع رأس بصل صغير وتفوحو بالملح والفلفل الاكحل والكركم وكيف يشيح من ماه زيدو عضمة مصموتة و100 غ جبن قرويار وكعبة بطاطا قطعها جويدة واقليها وعضمة وخلط الكل تأخو ورقتين بات فيلو وتلف الخليط وبعد تدهن الورقة بشوية زبدة واخيرا بأصفر البيض وطيبهم في الفرن على 180 °
سايسها في القصان على خاطر الورقة رهيفة
صحين مقلي بالكبدة
الصوص:
نصمت الطماطم الخضراء لين تطيب ونسقطرها ونرحيها وبعد نقليها مع الزيت ونزيدها الثوم والملح والفلفل الاحمر ونخليها تشكشك لين تخثار نزيدها الكروية ونطفي عليها 
وكان تحبها حارة زيدها هريسة من الاول مع الطماطم
الكبدة :
نغسلها بالباهي ونفوحها بالملح والكركم والكروية والاكليل والفلفل الاكحل والزيت ونحطها تشكشك في المقلة مغطية حتى تطيب ويشيح زيتها وتاكل بالشفاء
كمونية بالبقري
نصمت اللحم في الكوكوت مع الزيت وفي نصف الطاياب نزيدو مغرفة ماكلة طماطم معجونة وممكن تعوض بطماطم خضراء مصموتة ومرحية وبعد نفوح بالملح وتابل وكروية و3 سنينات ثوم وفلفل مرحي وفلفل اكحل وكيف تطيب وتقر زيتها نرش شوية كمون ونطفي من غير ما يغلي ، اقلي بطاطا وفلفل وقطع معدنوس للزينة ، ملاحظة بسيطة : بالنسبة للكبدة دوبما تغليها وحدها شوية باش تنحي الكشكوشة متاعها وتغسلها وتحطها مع اللحم
