لاازانيا بالدجاج المفروم

لازانيا بالدجاج المفروم
تفرم سكالوب الدجاج مع البصل وبعد تقليه في شوية زيت وتفوحو بالكركم والملح والنعناع والبسباس المرحي وشوية ثوم وفلفل أكحل وشوية فلفل مرحي .
الصوص: تقلي بصلة وطماطم معجونة وتفوح بالبسباس والثوم والملح والرند والفلفل الأكحل والفلفل مرحي وتمرق وتحطها تطيب وخليها صوص جارية موش خاثرة
صوص باشامال :
تحط 2 مغارف زيت زيتونة ومغرفة زبدة و3 مغارف فرينة وتخلطهم بالباهي على الغاز وبعد تصب عليهم كأس حليب وكاس ماء وخلط لين تتحصل على صوص جارية كان لقيتها يابسة زيدها شوية ماء أو حليب وزيد ملح وفلفل أكحل وفي الاخير كيف تهبط زيدها جبن
اتبعي الصور في وضع الطبقات ورشي الجبن بين الطبقات وبالنسبة للباشامال تكون في الطبق والطبقة الاخيرة
رشي الجبن والموتزارلا بين الطبقات وأخيرا كان تحب حط جبن مربعات فوندون

تصبير التن

تنظف التن وبعد تصمتو في قطيرات زيت وماء ورند وبرشا ملح وفلفل اكحل وكركم وتابل
وبعد سقطرو ليلة كاملة في الثلاجة
سبلو من الشوك ونحيلو التن الاحمر يعني الغامق
وعبيه في الدبابس
وصب عليه زيت زيتونة
وبعد حطهم يغليو في طنجرة مدة ساعة
واحفظهم في الثلاجة ، تاكلو بالشفاء

مقرونة بالصوص وسمك مشوي

صوص المقرونة : تقلي بصلة صغيرة و 2 كعبات طماطم خضراء بالباهي وبعد تزيدهم مغرفة كبيرة طماطم معجونة وتقلي وبعد تمرق وتفوح بالملح والكركم ووريقة رند ووريقة حبق وثوم وتابل وهريسة عربي دياري وقرن فلفل شايح وكعيبة بطاطا وأخيرا كيف قريب تطيب أرمي قرن فلفل أخضر

المعمول بالشكلاطة

250 غ زبدة 5 مغارف سكر محور فانيليا 2 صفار بيض و بيضة كاملة و نصف ساشي خميرة و تلم بالفرينة و تكعبر و تحط في قالب المعمول و تحشي تمر و الا شامية و الا شكلاطة و الا فاكية….. و صحة و بالشفاء مسبقا ممكن تحشاها بالشكلاطة بالتمر بالشامية بالفاكية انت و اش عندك

تارت البرتقال بالمورانق

عجينة التارت :
250 غ فرينة
125 غ زبدة
2 مغارف سكر محور
فص عضمة
ذرة ملح
وتكمل تعجنها بالحليب
كريمة البرتقال :
250 مل عصير برتقال
250 مل ماء
4 مغارف كبار نشا
3 مغارف سكر
تخلط الكل في البارد وتزيدهم
25 غ زبدة
وطيبهم على نار هادية وبعد صبهافي التارت الي طيبتها
المورانق:
4 ابيض بيض
200غ سكر محور
كيس فانيليا
ركضهم بالباهي
تتحصلي على خليط كريمي حطو في البوش وزين بيه التارت فوق كريمة البرتقال
عاود دخل التارت للفور الشاعل 5 دق وبعد شعل عليها الفور من فوق دوبما تحمار خرجها تلقاها يبست وشدت روحها

أرز جربي

تغلي الماء وتصبو على الارز وبعد 5 دق سقطرو وزيدو المعدنوس والسفناريا والجلبانة والدجاج والملح والفلفل الاكحل والكركم وتابل مفوح و2 مغارف ماكلة طماطم معجونة ومغرفة هروس وبصل مقطع و زيت خلط الكل بالباهي وحطو يفور