تيراميسو

 

أنا استعملت المسكربون فيلادلفيا كرام شنتي خلطهم وزدهم مغرفة سكر محور ، ركضت الكرام شنتي وبعد زدتها الأخرين وحضّرت قهوة قوية ترضف البسكوي وتدهنو بالقهوة من غير ما تغطس الكعاب باش تبقى الكعبة شادة روحها وبعد تحط الكرام وتكمل الطبقات وفي الاخير رش كاكاو وإلا قهوة

بالنسبة للكرام تنجم تعوض بالفريدو والكرام فراش

ابتسام

خبزة هواء بالفاكية والموز

نحضر كريم شنتي وقهوة فيلتر و3 بشكوتو سيدة
و1 بشكوتو مدور
تذوب 200غ زبدة وتخلطها مع 300غ شامية تولي كيف الكريمة
تذوب 200غ شكلاطة و2 مغارف حليب و50غ زبدة في حمام مائي
ترحي 150 غ لوز مقلي
تقص 2 موزات حلقات
تبل البشكوتو في القهوة وترصف وبعد تصبى خليط الشامية وبعد حلقات الموز
طبقة 2 من البشكوتو المغطس في القهوة وبعد شكلاطة وموز ولوز
طبقة 3 من البشكوتو المغطس في القهوة وبعد كريمة الشامية ثم موز
واخيرا طبقة 4 من البشكوتو وفوقها شكلاطة ذايبة واخيرا زين كيما تحب
بالنسبة لعدد الطبقات ونوعية الحشو اختياري
هذه الخبزة تقليدية و بنينة برشاا

مرقة لوبيا باللحم

تقلي اللحم و3 رؤوس بصل بالباهي وبعد تزيدهم مغرفة طماطم معجونة وملح وامرق وتفوح بالتابل والكركم وشوية فلفل مرحي وتسكر عليها الكوكوت لين يطيب اللحم ، تزيد قرين فلفل أخضر وتخليها تشكشك لين تقر زيتها

تبل الوبيا من الاحسن في ماء ماجل أو صافية وبعد تصمتها وكيف تطيب تزيدها الملح والكركم

تحط المرقة في الصحنات وترش عليها اللوبيا الجاهزة وتزين بالبطاطا المقلية والفلفل كان تحب

أنازدت بروكلو مقلي وهذه طريقته :

تصمت البروكلو في الماء ووريقة رند وملح وسنة ثوم لين يطيب وبعد تسقطرو وتفو في العضم وبعد الفرينة واقليه على نار هادية

خبزة برتقال عائلية من الحجم الكبير

خبزة برتقال عائلية من الحجم الكبير

تتفكروها خبزة البرتقال هذه ؟؟؟؟؟؟
كانت جداتنا تعملها ونهزوها نتجاراو للكوشة ونبقاو جمعة كاملة نأكلو في القاتو
هذه الروسات متاعها:
كغ فرينة
1كغ ليم معصور
1كغ سكر
3خميرة قاتو
12 بيضة
كاس زيت

 

مقروض باللوز

رطل فرينة عليهم 250غ زبدة طرية تخلطوها مليح بأطراف الاصابع ومن بعد تلمها بشوية عطرشية وتخليها ترتاح ربع ساعة وتحضر الحشو …لوز مرحي وسكر محور اللي تحب الحلو تعمل قد اللوز قد السكر واللي تحب ناقص شوية تنقص من كمية السكر شوية عليهم قطرات من روح اللوز قشور برتقال مرحي ومغرفة كبيرة زبدة ذائبة وتلمهم بماء الورد او العطرشية وتاخذ العجينة تدورها شوية علي المرمرة وتنزل بيدك في الوسط يعني كيف ما تعمل المقروض وتحط اللوز اللي تبرمه طويل وتحطه في الوسط وتسكر عليه العجينة وتلويه حتي يولي جويد شوية وتقص بالسكينة من غير قالب المقروض وتحط في الفور مدة ربع ساعة وتحضر الشحور .. كاس ماء عليه كاس سكر وفي الاخير عصرة قارص وتعسل المقروض وتزين باللي تحب فستق او لوز او جلجلان او جوز الهند وتاكل بالشفا

مفيدة حمزة

سباقتي بالكروفات

تقلي بصلة مع قرع أخضر مبشور و 4 سنون ثوم مفرومين وبعد تزيد الكروفات وكيف تحمار تحط الملح والفلفل الأكحل والفلفل الأحمر وتابل وكركم وتخليها تشكشك وتزيد الطماطم المعجونة وامرق وخليها تغلي 20 دق لين تطيب زيدها معدنوس وطفي واصمت المقرونة السباقتي

درصاف البحري

nems aux crevettes

nems cuites à l’huile : Ingrédients – 1 galette de riz par nems (les petites) – 2 escalopes de blanc de poulet haché/ ou crevette décortiquée – 2 petites carottes râpées – 2 petits oignons/ bsal – 100 gr de vermicelles transparentes – 100 gr de germes de soja (je mets celles en conserve idha mal9itouch fraîche)

– menthe fraîche leli yheb ; poivron ; piment rouge ; gingembre frais ou en poudre

Dans une poêle huilée style wok(ghar9a tebda), faire revenir l’oignon finement émincé avec le poulet/ou crevette haché, les champignons réhydratées émincés(facultatif), les carottes râpées. Ajouter le sel, le poivre/poivron et moi un peu de piment en poudre et le curcuma gingembre. Transvaser dans un saladier, et ajouter et le vermicelle réhydraté découpé en petit fils de 1 cm environ (dans de l’eau chaude comme pour les champignons puis les égoutter), les germes de soja, la menthe fraîche ciselée. Faire tremper la feuille de riz dans l’eau tiède durant quelques minutes en la retournant afin qu’elle soit complètement humidifiée. Déposer la feuille de riz sur un torchon sec afin d’absorber l’excédent d’eau puis la placer sur le plan de travail. Déposez une cuillère à soupe de farce sur la partie inférieure de la feuille de riz, assez proche du bord comme pour procéder au façonnage d’une brik tunisienne ou cigare. Refermez la feuille de riz sur la farce. Replier ensuite les côtés de la feuille sur la farce puis rouler la feuille sur elle-même pour obtenir un rouleau bien fermé. Espacer les nems obtenus afin qu’ils ne se collent pas entre eux. Cuire les nems dans une huile de friture chaude et les faire dorer sur toutes les faces. Déposez les sur du papier absorbant avant de les déguster chauds

جودة اللمطي

sushis

قطّع الأفوكادو الى شرائح رفيعة وخليها على جنب 2- أسلق الروز في الماء حتى ينضج يجي يتلصق، من المستحسن رز المكعبر سبيسيال سوشي. 3- افرش (إفردي) ورق النوري(الاخضر الغامق) على ورق نايلون غير لاصق من بعد، حط (وزّع) الأرز على الوجه برطابة. 4- صفف السلمون وشرائح الأفوكادو في الوسط تحب تزيد جزر؛ أو أصابع الكراب(سرطان البحر) . 5- لفّي الورق على شكل رول بالقدى (بإحكام) ثم نحي (أزيلي) ورق النايلون وقطّع السوشي الى رولات صغيرة الحجم. 6- زّينهم من الفوق بالسمسم الأبيض (جلجلان)

جودة اللمطي

 

crevettes sautées

crevettes sautées

تحط شوية ثوم وزيت في المقلةأو زبدة كيما تحب والكروفات وكعيبة طماطم مقطعة جويدة وتسوتيهم حتى يحمارو وبعد رش شوية ملح وفلفل أكحل ومعدنوس وهبط في الصحنات

طاجين سلاطة مشوية مشكلة

طاجين سلاطة مشوية مشكلة : نشوي poivron احمر/اخضر/اصفر وبصل. نحيلهم القشرة وتخلييهم آخر حاجة.
نحضر طاجين عادي؛ نصمط دجاج في صوص زعرة، ونفوحو؛ كيف يخثار نزيدو المعدنوس باش يذبل ونطفي.
نزيد عضم طايب؛ فروماج زوز او ثلاث انواع؛ 3اصفر بيض وبيضة كاملة ونصب اللوطة في الطاجين الطبقة الأولى.
الطبقة الثانية لفوق كرام فراش؛ جبونات؛ أبيض العضم وشوية حليب. وشوية خميرة قطو شويييية؛ نخلط مليح ونصبها فوق الأولى.تحب طيب طبقة طبقة تحب طيبهم الزوز فرد وقت. نزين من الفوق بالفلفل مشوي والبصل مشوي نقصو بالطول. وتنجم تزين بالعضم مصموط زادا وتاكلو بالشفاء
نعمل الفارس الفوقانية وحدها؛ كرام فراش.

جودة اللمطي