خبز قمح دياري

نظف القمح وترحيه كامل من غير ماتنحي النخالة
تدفي كاس حليب وكاس ماء ونصف كاس زيت زيتونة وملح و2 مغارف صغارسكر و22 غ خميرة خبز وتخلطهم بالباهي وتخليهم يتخمرو 15 دق
وبعد زيدهم  2 كيسان فرينة و الدقيق متاع القمح حتى تتلم العجينة وخليها تتخمر 15 دق اخرين
وبعد حل العجينة ورش عليها السينوج وخليها ترتاح 15دق اخرين وبعد طيبها في الفرن

مرقة زعرة

تغلي في الكوكوت لحم وماء وزيت وكركم وبصلة لين يطيب اللحم ويقر زيتو نزيدو ملح وفلفل أكحل ورشة كروية واقلي بطاطا وفلفل وزين الصحنات بالمعدنوس والبصل كان تحب

سمك مشوي

فوح الحوت بالملح والكركم والزيت والفلفل الاكحل وتخليه يبنان وبعد تشويه وتبلوبالزيت والقارص

نزهة

مقرونة بالقرع والباشامال

مقرونة بالبيشامال والقرع الاخضر :
تاخد 4والا 5 كعبات قرع خضر تقشرهم و تقسهم دوائر و بعد تقلي بصلة في شوية زيت وزبدة و تقلي القرع و تحطلو شوية ماء وملح وفلفل أكحل وتخليه يدبل وكيف يطيب و يشرب ماه حط شوية معدنوس وحبق و تطفي
تسمط مقرونة صوابع و تخليها ناقصة شوية
و تعمل صوص باشامال : 1لتر حليب عليهم 100غ فرينة و 100زبدة ،ملح ورشة جوزة الطيب
تاخد المقرونة الي سمطها وتصب عليها القرع وتخلطها و تحط فرماج مرحي تدهن بلاتو بالزبدة وتصب المقرونة و تحط فوقها مودزرلا مقطعة و فرماج مرحي و تصب الصوص بيشامال و ترش عليها الفرماج مرحي و قطع زبدة و دخلها للفرن 250 د نصف ساعة لين يولي لونها ذهبي وتاكل بالشفاء

نزهة

سلاطة عدس

سلاطة العدس :
تصمت العدس في ماء ماجل او صافية وبعد كيف يطيب حطلو الملح وسقطرو
قطع معدنوس وبصل وجريرات طماطم وشوية جرجير كان عندك
وزين الصحن واخيرا اعمل في كاس خليط متكون من زيت وملح وفلفل اكحل وقارص وصبهم على السلاطة تبنان وبكلها منفعة للصغار والكبار 

كيش بالنازلي

كيش بالمرلون ( نازلي)
العجينة :
300 غ فرينة
125 غ زبدة
عضمة
1/2 كيس خميرة كيميائية
ملح
وكمل اعجن بالحليب
وخليها ترتاح 15 دق وبعد حلها وافرشها في الطبق المخصص للتارت
الحشو :
افرم البصل جويد وسوتيه مع المعدنوس
اصمت المرلون وسبلو
بيض مسلوق
بطاطا مكعبات صغار مقلية
جبن
بيض / زيتون /فلفل بر العبيد

كيش بالدجاج

كيش بالدجاج
لبات :
250 غ فرينة
125 غ زبدة
فص عضمة
ملح
وتعجنها بالحليب
بالنسبة للحشو :
خليط الطاجين العادي ينجم يكون بالدجاج او التن او اللحم
نحط فيه برشا انواع من الجبن وكرام فراش
نحل البات في المول وبعد نثقبها بالفرشيطة ونصب فيها الخليط وندخلهم للفور

بيتزا دياري

العجينة :طرية برشا وممكن تستعملوها في معجنات اخرى
200 مل حليب
2 مغرفة صغيرة سكر
مغرفة صغيرة ملح
كيس خميرة خبز ( 11غ)
وتخلطهم بالباهي وخليهم يرتاحو في مكان دافئ 15 دق
وبعد زيدهم 80 مل زيت نباتي او زبدة ذائبة
وخلط
واخيرا ابدا زيد في الفرينة شيئا فشيئا حتى تتلم عجينتك
خليها تزيد تتخمر 15 دق
الصوص: تقلي بصل وبعد تزيد معاه طماطم خضراء مرحية وكيف تتقلي زيدهم طماطم معجونة وفلفل مرحي وثوم وفلفل اكحل وكركم وملح وزعتر
وتيقى تغلي حتى تطيب وتبقى خاثرة

زينها بالبصل وفلفل بر العبيد وبرشا موتزارلا

ابتسام

ميني بيتزا بالتن

بالنسبة للعجينة هي عجينة 10 دق
الصوص :
تقلي بصل وبعد تزيد معاه طماطم خضراء مرحية وكيف تتقلي زيدهم طماطم معجونة وفلفل مرحي وثوم وفلفل اكحل وكركم وملح وزعتر
وتيقى تغلي حتى تطيب وتبقى خاثرة