خبزة برتقال

خبزة برتقال :
الجينواز
5 بيضات
كيس فانيليا
كاس ونصف سكر
ركضهم بالباهي حتى يبياض العضم وبعد زيدهم
3/4 كاس زيت نباتي
كاس عصير برتقال
خلطهم برفق
غربل 3 كيسان فرينة و 2خميرة قاتو
وزيدهم للخليط وطيبها في الفور 170 °
باش تتحصل على خبزة عالية ومزيانة اقسمها على 2 وبل كل جزء منها بسيرو ( ماء +سكر ) باش تبقى القاتو طرية
الكريمة
هي كريمة عادية متكونة من نصف لتر حليب و 2 فصوص عضم و 2.5 مغارف نشاء ومغرفة سكر والي يحب الحلو ينجم يزيد السكر وخلطهم في البارد وبعد طيبهم على الغاز وكيف تطيب الكريمة تنجم تزيدها مبشور البرتقال وتخليها تبرد شوية وتحطها على الجينواز ودخلها للثلاجة
القاناش
نصف لتر عصير برتقال عليه 2 مغارف نشاء ومغرفة سكر حركم في البارد وطيبهم على الغاز وبعد صبهم برفق على طبقة الكريمة واخيرا حط القاتو تبرد في الثلاجة وبعد ساعة قصها وتاكلو بالشفاء والهناء

ارز بالفاكية

 

نحط في كوكوت لحم ومعاه بصل وزيت وملح وفلفل أكحل وكركم وماءوخليه يغلي من 20 إلى دق وبعدما نحل الكوكوت نأخو لوش مرق ونحطو في كسرونة ونحط  فيه الزبيب ودوبما يهز الغلو نطفي ونخليه يتنفخ ، وفي نفس الوقت نأخو كاس أرز عليه 2 كيسان مرق ونخليه يغلي سلة سلة حتى ينزح ويكون الارز طايب كيما يلزم ، ناخو مقلة ونذوب فيها زبدة ونقلي فيها الفاكية كل وحدة وحدها باش يحمارو من غير ما يتحرقو وبعد نزين الصحن كيما نحب

منال علاّية

 

كايك

تاخو100غ زبدة طرية و100غ سكرركضهم لين بيياضو زيدهم 3 عضم و2 سكر فانيليا واركض وزيد150غ فرينة ونصف باكو خميرة قاتو مغربلين

نزهة

صلصة اللحم المفروم

تقلي بصلة في شوية زيت وزبدة وتزيد 500 غ لحم مفروم وتخليه يتقلىوزيد وريقات كلافس وسفنارية مبشورة وملح وفلفل أكحل وخليهم يتقلاو على نار هادية وزيد 2 مغارف طماطم معجونة وطماطم خضراء مصموتة ومرحية وثوم ورند وجوز الطيب وحبق وتخليها تطيب ساعتين على نار هادية وزيد الماء وكيف  قريب تطيب زيد كأس حليب وخليها لين تعقد

نزهة

كراب مالحة

 

لتر حليب و 4 كعبات عضم وملح و 450 غ فرينة خلّطهم بالباهي وحضر كعيبات الكراب

الحشو: موتزارلا وتن وهريسة وشمبينيون وزيتون

ريم المنزلي

قاتو بالفاكيو الرافايلو

الجنواز 6عضم 12 مغرفة سكر تركضهم بالباهى وبعد تزيد 12 مغرفة فرينة و1 خميرة
كريمة الزبدة 4 عضم تركضهم وتزيد كاس شحور بالشوية وبعد تزيد 300غ زبدة وانت تركض لين تعقاد

والزينة عادية بين الطبقات ومن الخارج

ابتسام بوعزيز

 

قاتو الدانات

كعبة ياغرت دانيت

ثلاث بيضات

2 حكك فرينة مغربلة

2 حكك سكر

شطر حكة زيت

1 خميرة مغربلة

1 فانيليا

مغرفة كبيرة كاكاو مغربلة

القلاصاج تذوبب 200غ زبدة وشطر حكة كرام فراش و 30 غ زبدة في حماما مائي

بالنسبة للكيل متاع القاتو نكيل بحكة الياغرت

ابتسام

 

خبزة مندرين

4 عضمات تركضم مع كاس سكر و1 فاني ومن بعد تزيدهم كاس زيت و 4 كعبات مادالينة 2 بالقشور و2 بلاش ترحيهم في ميكسور وتحطهم في الخليط وفي الاخر 2 كيسان فرينة وباكو خميرة

مفيدة حمزة

سندويتش دياري

رطل فارينة و مغرفة ملح ونفة سكر تبسبسو بشوية زيت وتزيد زوز ساشيات خميرة خبز و شوية حليب و تلم بالماء الدافئ ،، تخليه يخمر و مبعد تاخو بالقرصة بالقرصة تحلو في طبق الفور مرشوش عليه الفارينة تطرح القرص باليد و رش عليهم سينوج و تخليهم يرتاحو ومبعد دخلو الفور حطو في الوسط على 200درجة وشعل من الفوق و اللوطة

لطيفة الزواري

lotte au four

بالنسبة للحوتة الليلة صغيرة مانجمتش نحي الفيليه متاعها ولكن تحايلت عليها وغلبتها
خذين القطايع وحطيتهم في ماء وملح ومعاهم كعبات بطاطا
قليت بصلة وحطيتها في المول وبعد كيف طابت البطاطا رصفتها فوق البصل وسبلت القطايع وحطيتهم زادة ولقيشة قارص وصفيت الماء مرق بيه وخليتها تتجمر في الفرن
وكيف شاحت رشيت شوية فلفل اكحل وزين الصحنات بالمعدنوس
خفيفة وبنينة برشا وزيد من غير شوك وخاصة للاطفال

كسكسي بعصبانة السلق

كسكسي بالعصبان الملفوف في السلق
العصبان :
قطع لحم العلوش وكبدة وكلاوي وقلب المهم الي عندك وكان تحب زيد شوية ليّة وحزمة معدنوس و 2 رؤوس بصل جويدين وفوح بالملح والكركم ومغرفة هريسة عربي من غير ثوم وفلفل اكحل تابل وكروية ونصف كاس صغير برغل جويد وقطيرة زيت زيتونة وتخلطهم بالباهي
تذبل اوراق السلق معناها دوبما تغطسهم في الماء الي يغلي وتخرجهم فيسع وتحل الورقة في يدك وتعبيها بالخليط وتسكرها وعلى البلاصة لفها بالخيط حتي تتحصل على عصبانة مزيانة
الصوص :
تحط ماء وزيت وكيف يغلي ارمي العصبانات بعدما تنقبهم
وتفوح بالطماطم معجونة ( لكل كاس كبير كسكسي مغرفة ماكلة مليانة طماطم ) و2 مغارف فلفل مرحي وملح وكركم وفلفل اكحل
بل الكسكسي بقطيرة زيت وكركم وماء وخلي يتشرب وبعد حطو يفور
وفي نصف الطياب تريه بالمرق ورجعو يفور مرة ثانية
اصمت الحمص والسفناريا وحدهم بماء الماجل وفوحهم بالملح والكركم والفلفل الاكحل
سقي الكسكسي واقلي الفلفل