بشكوتو بالفاكية والمعجون

تذوب 200 غ زبدة و100 غ زبدة نباتية وتزيدهم كيف يبردو كاس سكر محور ممكن اكثر شوية لمحبي الحلو و2 مغارف نشاء ونخلطهم بالباهي حتى يولي عندي خليط متجانس
نزي 3 بيضات واحدة واحدة ونخلط
نغربل فوقهم 2 خميرة قاتو ونكمل نلم العجينة بالفرينة اللازمة
انا استعملت تقريبا 900غ
وتخليها ترتاح في ساشي تقريبا ساعة
وبعد تفرشها في الطبق وتخلي كعبورة صغيرة
تدهنها باي معجون عندك
ترش عليها جلجلان ولوز و وبوفريوة وتبشر باقي العجينة حتى يتغطى كل المعجون
ركض اصفر بيضة مع شوية حليب ورشو من فوق
طيبها في الفرن على 200°
واخيرا زيد ادهنها بشوية ناباج للبرقة من فوق او عسل للي ماعندوش ناباج
لفها في قماش قطني وفوقو ساشي كبيرة باش تعرق ولكن ماتتبلش وتسهال كيف تقصها وماتتفترشش
وتاكلو بالشفاء

نواصر بالدجاج

تطيب صوص كيما المقرونة ثوم وتابل وطماطم اما جارية شوية وتفور النواصر بعد ما تحطلها شوية زيت وماء وبعد تحطها في طبق وتسقيها بالصوص ودخلها للفور

ابتسام بوعزيز

بريوش الظفيرة

500 غ فرينة،50 غ سكر ،80 زبدة طرية،2 بيض ، رشة ملح ،150 مل حليب ،20 غ خميرة خبز
للزينة 250 نوتلا و20غ كعب شكلاطة صغار
تحط الخميرة في الحليب دافئ وتخلط الفرينة والسكر وتصب في وسطهم الحليب والبيض ورشة الملح وتخلط وتزيد الزبدة وتعجنها مليح 10 دقايق لين تتحصل على عجينة طرية تغطيها بالبلاستيك وتخليها تتخمر ساعتين وبعد تحل العجينة بالفرينة تعمل مستطيل وتقصمو على ثلاثة على الطول وفي كل وحدة تحط النوتلا في الوسط وتلم الاطراف الزوز وتاخد طبق تحط فيه ورق الفرن وتاخد الثلاثة قطع وتضفرهم وتغطيها وتخليها تتخمر ساعة بعد تدهن باصفر البيض ومغرفة حليب ترش الشكلاطة وتدخلها لفرن سخون 180 د 25 دق

نزهة

أرز جربي باللحم والكبدة

غلي الماء وصبو على الارز وبعد 5 دق سقطرو وزيدو هيل ومعدنوس وسفناريا وجلبانة او حمص واللحم والكبدة مقطعين جويدين والملح والفلفل الاكحل والكركم وتابل مفوح و2 مغارف ماكلة طماطم معجونة ومغرفة هروس وبصل مقطع و زيت خلط الكل بالباهي وحطو يفور

Pomme de terre croquette

تصمت البطاطا بالملح وسقطرها بالباهي وبعد ارفسها وزيدها نعناع شايح وفلفل اكحل
خوذ جبن فوندون وقصو مكعبات صغار وبعد كعبر البطاطا قدر الجبن وحط في كل كعبورة مكعب
يلزم ننزل عليها بالباهي ونسبكها وبعد لفها في الفرينة ثم البيض ثم الخبز المرحي
سخن الزيت وبعد نقص عليه النار وارمي الكعاب وماتمسهمش كان ما يحماروا اقلبهم
وزين الصحنات بالسلطات واللحم الموجود عندك

كيكة البرتقال

4بيض مع 8ملاعق سكر و1فنيلية ورشة ملح تركض حتى يبياض الخليط تزيدها
برش برتقالة كبيرة
100مل حليب
200مل زيت نباتي 
200عصير برتقال
نخلط بشوية
نزيدهم 16ملعقة اكل فرينة مغربلة و باكو خميرة ونخلطهم بشوية باش البيض ما يطيحش
انا عبيت طبق كبير وخليت الباقي في كاسات المافنز كيف الصور للفرن مسخن مسبقا على 180د
غلاساج سكر محور بشر برتقال وعير برتقال تخلطهم وتزين به وصحة وفرحة

سندس مساعد

كيكة لفطور الصباح

4بيضات 5مغارف سكر محور تركضهم مليح حتى يبياضو و تزيد نصف كاس زيت قطانيا و نصف كاس حليب و تخلط و بعد تزيد220 غ فرينة و باكو خميرة باكو و تبشر ليمونة تكون صفراء و مزيانة و تخلط يكون الخليط خاثر شوية موش جاري و تدهن قالب الكايك بالزبدة و تعبيه للنصف و تفرغ الباقي في الكاب كايك و ترش فستق او اي مكسرات و تطيبهم على 175درجة لمدة 30دق و تراقب عملية الطبخ خاطر الكاب كايك يطيب و قبل الكيكة

كلثوم بالحاج

Sol grillé et pommes de terre au four

تنظف الصول وتفوحو بالملح والفلفل الاكحل والكركم ووالكمون وتخليه يبنان وبعد لفو في الفرينة واقليه

تنظف البطاطا وتقصها كبيرة وتصمتها في شوية ماء وكركم وملح وكروية وزيت  حتى نصف طياب وبعد بالماء متاعها حطها في طبق الفرن تتجمر حتى تولي ذهبية ومزيانة والسلاطة المشوية عادية

زين الصحنات ورش شوية معدنوس وتاكلو بالشفاء

Pommes de terre farcie aux fruits de mer

تصمت القرنيط والشوباي والكالمار
وبعد تحط معاهم الشوفرات دةبما تهز الغلو وبعد تقطعهم وتزيدهم عضمة مصموتة وشوية جبن وبصل ومعدنوس تسوتيه في شوية زيت وبعد تزيدهم بسباس مرحي وعضمة نية وشوية خبز مرحي ومغرفة فرينة صغيرة
اعمل البطاطا في شكل صحفة وبعد انقبها واحشيها بالخليط وهكاكة الفلفل
اقليهم في شوية زيت وحطهم في بلاتو الفرن
الصوص : بصل سوتيه في شوية زيت وزيدو مغرفة صغيرة طماطم معجونة وكركم وفلفل اكحل وملح وكيف يغلي صبو على البطاطا والفلفل الي في المول وحطو يطيب وحدة وحدة في الفور