فطاير دياري

فطاير دياري
تاخو صحفة وتحط فيها مغرفة زبدة و 2مغارف زيت كمل عبيها بماء دافئ
صبها في معجنة وزيدها كيس خميرة فورية و2 مغارف سكر ومغرفة ملح وبعدخلطهم مع بعضهم وزيدهم صحفة فرينة وخليهم يتخمرو
كيف تتخمر زيدهم 2 مغاف حليب و 2 صحافي فرينة وتبدا العجينة سائلة شوية
اعمل كرات بالفرينة 
وخليها تتخمر وبعد بل يديك بالماء وحل الكعبورة وارميها في الزيت
كيف تخرجها صب عليها خويطات عسل وكعيبات بندق 

كسكسي بالشركاو

اولا نظف الشركاو نحيولو الروس ونكسكسوه بالملح وبعد كي نفوره نحطو الشركاو ونزيده بصل مقطع جويد ونفوح بالملح والفلفل الاكحل والفلفل الاحمر والزيت وخلطو بعد مانكونو حطينا المرق نتاع الكسكسي العادي في المقفول نحطو الشركاو يفور وبعد نهبطوه ونفورو الكسكسي ونحطو كعبات شركاو في المرق في لخر باش يفوحو وتسقي الكسكسي عادي وبالنسبة لفطائر الشركاو نحطو حفنة شركاو ونقطعو عليها البصل والمعدنوس جويد وعظمة وشوية فرينة ونفوح بالملح الفلفل الاكحل ويكون الخليط جاري ونسخن الزيت ونحط نقلي باستعمال المغرفة او الغراف  وتزيد تطيب شوية سوس مع الفطاير وتتعشى بيهم كيما عملت اني البارح كسكسي بالشركاو المفور في الفطور الفطائر في العشا وتاكلو بالصحة

ريم

بشكوتو بالفاكية والمعجون

تذوب 200 غ زبدة و100 غ زبدة نباتية وتزيدهم كيف يبردو كاس سكر محور ممكن اكثر شوية لمحبي الحلو و2 مغارف نشاء ونخلطهم بالباهي حتى يولي عندي خليط متجانس
نزي 3 بيضات واحدة واحدة ونخلط
نغربل فوقهم 2 خميرة قاتو ونكمل نلم العجينة بالفرينة اللازمة
انا استعملت تقريبا 900غ
وتخليها ترتاح في ساشي تقريبا ساعة
وبعد تفرشها في الطبق وتخلي كعبورة صغيرة
تدهنها باي معجون عندك
ترش عليها جلجلان ولوز و وبوفريوة وتبشر باقي العجينة حتى يتغطى كل المعجون
ركض اصفر بيضة مع شوية حليب ورشو من فوق
طيبها في الفرن على 200°
واخيرا زيد ادهنها بشوية ناباج للبرقة من فوق او عسل للي ماعندوش ناباج
لفها في قماش قطني وفوقو ساشي كبيرة باش تعرق ولكن ماتتبلش وتسهال كيف تقصها وماتتفترشش
وتاكلو بالشفاء

نواصر بالدجاج

تطيب صوص كيما المقرونة ثوم وتابل وطماطم اما جارية شوية وتفور النواصر بعد ما تحطلها شوية زيت وماء وبعد تحطها في طبق وتسقيها بالصوص ودخلها للفور

ابتسام بوعزيز

بريوش الظفيرة

500 غ فرينة،50 غ سكر ،80 زبدة طرية،2 بيض ، رشة ملح ،150 مل حليب ،20 غ خميرة خبز
للزينة 250 نوتلا و20غ كعب شكلاطة صغار
تحط الخميرة في الحليب دافئ وتخلط الفرينة والسكر وتصب في وسطهم الحليب والبيض ورشة الملح وتخلط وتزيد الزبدة وتعجنها مليح 10 دقايق لين تتحصل على عجينة طرية تغطيها بالبلاستيك وتخليها تتخمر ساعتين وبعد تحل العجينة بالفرينة تعمل مستطيل وتقصمو على ثلاثة على الطول وفي كل وحدة تحط النوتلا في الوسط وتلم الاطراف الزوز وتاخد طبق تحط فيه ورق الفرن وتاخد الثلاثة قطع وتضفرهم وتغطيها وتخليها تتخمر ساعة بعد تدهن باصفر البيض ومغرفة حليب ترش الشكلاطة وتدخلها لفرن سخون 180 د 25 دق

نزهة

أرز جربي باللحم والكبدة

غلي الماء وصبو على الارز وبعد 5 دق سقطرو وزيدو هيل ومعدنوس وسفناريا وجلبانة او حمص واللحم والكبدة مقطعين جويدين والملح والفلفل الاكحل والكركم وتابل مفوح و2 مغارف ماكلة طماطم معجونة ومغرفة هروس وبصل مقطع و زيت خلط الكل بالباهي وحطو يفور

Pomme de terre croquette

تصمت البطاطا بالملح وسقطرها بالباهي وبعد ارفسها وزيدها نعناع شايح وفلفل اكحل
خوذ جبن فوندون وقصو مكعبات صغار وبعد كعبر البطاطا قدر الجبن وحط في كل كعبورة مكعب
يلزم ننزل عليها بالباهي ونسبكها وبعد لفها في الفرينة ثم البيض ثم الخبز المرحي
سخن الزيت وبعد نقص عليه النار وارمي الكعاب وماتمسهمش كان ما يحماروا اقلبهم
وزين الصحنات بالسلطات واللحم الموجود عندك