سفافد بالسفن وصالصة باردة

السفافد: تنظف السفن وتقطعو وإلي نحيتو أي الأطراف الحمراء والقلب حطو في شوية ماء يتصمت وبعد صفيه وخلي الماء المتحصل عليه باش نطيب بيه الارز ، وتفوح مكعبات السفن بالملح والثوم والفلفل الاكحل والزيت والقارص وخليهم يبنانو ساعة تقريبا في الثلاجة حتى تحضر باقي المكونات ، تقص الفلفل والطماطم والبصل والقارص للسفافد وتفوحهم بالمح والفلفل الاكحل والزيت وبعد حضر السفافد وحطهم في الفور بطيبو

الارز : تاخو بصلة صغيرة تقطعها جويدة ومع شوية زيت قليها وصب عليها كأس صغير أرز و2 كيسان من المرق إلى خليتو من السفن ، وكان الماء متاع الحوت شوية كمل بماء عادي وفوح بالملح والفلفل الاكحل والهيل وشوية زنجبيل وأخيرا عصرة قارص وخليه يغلي وحدة وحدة لين ينزح ويطيب غطيه باش ترجع عليه السخانة

البطاطا المجمرة : تأخو كعيبات بطاطا جويدين وتغسلهم وتحطهم يتصمتو في الماء والملح والكركم وكيف يطيبو نحيلهم القشرة وفوحهم بشوية زيت وقارص وملح وفلفل أكحل ونعناع شايح وحطهم مع السفافد يتجمرو في الفرن

الصالصة البيضاء : في الخلاط تضع اصفر بيضة مع فنجان زيت وخلطهم بالباهي وزيدهم مغرفة كبار و2 مغارف قارص و2 طوابع جبن ومغرفة معدنوس مقطع ومغرفة صغيرة موتارد وخليهم يتخلطو حتى تتحصلي على الصلصة بنينة وتفوح الحوت

وبعد زين الصحن متاعك كيما تحب وتأكلو بالشفاء

بيتزا دياري

البات :
150 مل حليب
150 مل ماء دافئ
2 مغارف قهوة سكر
مغرفة قهوة ملح
1 خميرة فورية
تخلطهم بالباهي وتخليهم يتخمرو في مكان دافئ
وبعد 15 دق زيدهم 150 مل زيت نباتي
وزيد الفرينة حتى تتلم العجينة وزيد خليها تتخمر حتى يتضاعف حجمها وبالنسبة للصوص :
تقلي بصل وبعد تزيد معاه طماطم خضراء مصموتة ومرحية وكيف تتقلي زيدهم طماطم معجونة وفلفل مرحي وثوم وفلفل اكحل وكركم وملح وزعتروشوية اكليل
وتيقى تغلي حتى تطيب وتبقى خاثرة ، قلي على جنب رأس بصل وذبلو باش يفوح البيتزا رشو على الصوص بعد العجينة وأخيرا رشة كبيرة موتزارلا مخلطة بالجبن وعضمة وطيبها في الفرن وزين كيف العادة بالتن وشوية معدنوس

شرايح السمك في الفرن مع أرز بالشوباي

الأرز بالشوباي والجلبانه
شرائح سمك الدورات والجمبري في الفرن
طريقة تحضير الأرز
انقطع الشوباي انقليوه في الزيت مع البصل والثوم انضيف قليل من الطماطم الطازجه مقطعه والجلبيانه بعد ما يتقلاو مع بعض نضع الماء الساخن حسب كمية الأرز ملح فلفل اسود وفلفل حار مدشش
نسمط الأرز في الماء المغلي والملح نصف سمط أن صفيه بدون غسله وانضفوه الي الصلصة لكمل الطهي
ملاحظه لا تغسل الأرز لكي لا يفقد الفريه متاعو لأنها هي التي تعقد الأرز
طريقة تحضير السمك
نأخذ شرائح السمك انحضر خليط من ثلث من عصير القارص وثلاثين من الزيت ملح فلفل اسود نخلهم مليح ونضعه

فوق السمك نتركه يرتاح ساعة لكي يمتس الخليط بعد في الفرن لمدة 15دقيقه 180درجه

فرج سعيد

لحم في القلة

فوح كل شيء مع بعضه اللحم والبطاطا والطماطم والفلفل والبصل بالكركب وفلفل اكحل وفلفل مرحي واكليل وسكنجبير مرحي وورقات رند وسنة ثوم ونصف قارصة وشوية زيت وتحط في القلة وتغطيها من فوق بالاليمينيوم وتحط فوقها الغطاء وتحط في الفور مدة ساعة ونصف وتطفي عليه وتخلي السخانة ترجع عليه😍

مفيدة حمزة

سمكة الوراطة المحشية

طريقة تحضير الحشو
انقليو البصل وقطع من الكلمار وقليل من الشفرات الجلبيانه معدنوس فلفل اسود ملح فلفل حار مدشش والكركم انضيف الماء الساخن
نسمط الأرز نصف طهي انصفيه وانضفوه الي الصلصة ونتركها على النار حتي يجف من الماء
نفتح السمكه من الضهر وانضفها من الداخل بدون ثقبها من تحت
نضع الارز بداخلها كما في الصورة ونضعها في الفرن

فرج سعيد

سلاطة افوكا

تقطع الافوكا والطماطم جويدين وتزيد بصل و قطانيا وتن ومايونيز وملح وزيت زيتونة وفلفل اكحل وقارص وتخلط الكل بالباهي وتعبي كعبات الافوكا (القشرة )وتزين الباقي كيما تحب بالجبن والعضم ….

ريم المنزلي

طاجين جبن بالدجاج

تصمت الدجاج بالإكليل والملح والكركم والفلفل الأكحل وتابل وبصلة صغيرة وقطيرة زيت ، وكيف يطيب وينزح تماما زيدو عضم مصموت و200 غ جبن وبطاطا مقلية في شكل مكعبات صغار وشوية كرام فراش وشوية معدنوس على الريحة وجبن مثلثات كيما تحب وبعد فقر العضم قدر الحاجة وحاولي إختارمول موش كبيرة باش يجي الطاجين عالي موش مطربق وطيبو في الفرن

السلاطة التونسية

تقطع بصل وخيار وطماطم وقرن فلفل وتفوح بالملح والفلفل الأكحل والزيت والنعناع الشايح  وزيت الزيتون وتزينها كيما تحب بالتن والعضم والفجل والزيتون ….

البندلاقة

تصمت البندلاقة في الماء ومعاها العدس الفول الاخضر وفول مصري وتخليها لين تنزح من الماء متاعها
تقلي بصلة وكعبة طماطم خضراء وبعد تزيد طماطم معجونة وهريسة عربي وثوم وكروية وفلفل مرحي و2 قرينات فلفل اخضر وقديد جديد وتصب عليها البندلاقة المصموتة وبعد خليها تشكشك وكان تحب فقر عضم او اقليه وحطو من فوق

بسيسة المهدية

10 ل حمص
10 ل قمح
1 لتر تابل
1/2 ل حبة حلاوة
1/2 بسباس
وتقريبا 20 غ حلبة
تتقلى على نار هادية وبكل حب باش تجي صفراء ومزيانة وبنينة 🙋❤
وسكر قدر الحاجة
نخلطوها بزيت الزيتونة ونزينوها بالشامية واللوز والبندق والفزدق والبوفريوة المقلية