عصير مشماش

 

كغ مشماش أغسلو ونحيلو القلوب متاعو وحطو في 2.5 لتر ماء وأعصر فيه كعبة قارص ورطل سكر وخليها تغلي 15 دق وبعد كيف يبرد أرحيه في الروبو وصفيه وحطو يبرد في الثلاجة
ملاحظة : بالنسبة للسكر ممكن يكون أكثر شوية إذا كان المشماش قارص

طاجين بات بالريقوتا

البات :
رطل فرينة و200غ زبدة بحرارة الغرفة وبيضة وملح تخلطهم بالباهي وتكمل تعجنهم بالحليب وبعد حل البات جويدة وافرشها في الطبق وبعد انقبه بالفرشيطة
الطبقة الثانية :
تاخو اسكالوب دجاج وتطيبو في الماء وشوية زيت مع راس بصل وملح وفلفل اكحل وتابل وكروية واكليل وكركم حتي ينزح تماما اصمت 2 بيضات وكيف يبرد شوية ارحي الخليط والبيض في الروبو وزيد 100 غ جبن و3 بيضات كاملين و7 اصفر بيض باش البياض نحطوه في الطبقة الثالثة وزيد ارحيهم بالباهي وصبهم على البات
دخلهم للفور 15 دق يكون يشعل من فوق برك باش الطبقة الثانية تصمل شوية ونجمو نحطو فوقها الطبقة الاخرى
نحضرو الطبقة الاخيرة: في الروبو نحطو ابيض 7 بيضات الي نحيناه وشوية فلفل اكحل و100 غ جبن و250 غ قوتا ونخلطو في الروبو حتى يولي الخليط كريمي كان لقيتو يابس شوية زيدو بياض البيض
خرج الطاجين من الفرن تلقى الطبقة الثانية شدت روحها صب بالمغرفة خليط القوتا وبرفق ودخلها للفور شاعل من الاسفل وطيبو عادي حتي يطيب
ماتجمروش من فوق
رش عليه فزدق مرحي
وقصو كيف يبرد كيف البقلاوة وزين بالكوردون والزيتون والماييس وتاكلو بالشفاء 

عين سبنيورية

حضّررطل من اللحم المفروم والبيض المسلوق ،تضع عليه الملح والفلفل الاكحل ووالنعناع والثوم والتابل والكركم وشوية فلفل مرحي ، ثم تطرحو فوق ورق الطبخ وتحط فيه البيصض مثل الصور ، ثم تلف البيض باللحم وتسكر عليه الورق مثل ما في الصورة وتحطو يطيب في الفرن على 200د وبعد تقصها بسكين حاد

بيتزا عائلية

البات :
150 مل حليب
150 مل ماء دافئ
2 مغارف قهوة سكر
مغرفة قهوة ملح
1 خميرة فورية
تخلطهم بالباهي وتخليهم يتخمرو في مكان دافئ
وبعد 15 دق زيدهم 150 مل زيت نباتي
وزيد الفرينة حتى تتلم العجينة وزيد خليها تتخمر حتى يتضاعف حجمها وبالنسبة للصوص :
تقلي بصل وبعد تزيد معاه طماطم خضراء مصموتة ومرحية وكيف تتقلي زيدهم طماطم معجونة وفلفل مرحي وثوم وفلفل اكحل وكركم وملح وزعتروشوية اكليل
وتيقى تغلي حتى تطيب وتبقى خاثرة ، قلي على جنب رأس بصل وذبلو باش يفوح البيتزا رشو على الصوص بعد العجينة وأخيرا رشة كبيرة موتزارلا مخلطة بالجبن وعضمة وطيبها في الفرن وزين كيف العادة بالتن وشوية معدنوس وزيتون أسود واخضر وتأكلو بالشفاء

 

ساليه للسهرة

بات الريشة للكورنوات:
تاخو كاس ماء دافئ وتزيدو 1 خميرة فورية ومغرفة ص ملح و2 مغارف صغار سكر ومغرفة ك خل و2 مغارف ياغورت طبيعي و1/4 كاس زيت او زبدة
خلطهم بالباهي وبعد زيدهم فرينة حتى تتلم العجينة وخليها تتخمر
وبعد حل العجينة وقصها شرائط ولفها على قوالب الكورنوات وبعد ادهنهم باصفر البيض وطيبهم في الفرن
الحشو:
قوتا وتن وجبن وزيتون وفلفل بر العبيد مقطع جويد وكيف تلقى الحشو يابس شوية طرية بمغيرفة او 2 مايونيز
احشي الكورنوات الي صنعتهم وبعد غطس الطرف متاعهم في الجبن المبروش

سفافد اللحم :
تاخو سكالوب او لحم مفروم وتفوحو بالملح وكركم وفلفل اكحل وتابل وكروية و2 سنينات ثوم ومغرفة نعناعوشوية فلفل مرحي وتعجن اللحم بالباهي وبعد تكعبر وتحط على ورق الزبدة باش يطيب
كعابر كبار وكعابر اصغر وطيبهم في الفرن
وبع اعمل مكعبات جبن اصفر
دخل كعيبة maïs وبعدها زيتون وبعد مكعبات الجبن ثم الكعبورة الصغيرة واخيرا الكعبورة الكبيرة
ويولي عندك ساليه مزيان في الطبق وبنين

بالنسبة لميني سندويتشات:
نفس البات متاع الكرنوات :
اعمل كعبورات وادهنهم باصفر البيض ورش عليهم سينوج وجلجلان او جلجلان فقط وخليهم يتخمرو وبعد طيبهم في الفرن
ومن عجينة اللحم طيب حلقات صغار بنفس حجم السندويتشات وبعد
اقسم السندويتش وادهن بالمايونيز ثم اللحم ثم سلاطة ثم جبن ثم طماطم واخيرا غطيها  الطرف العلوي  وحط عليها

CURDON

بات البيتزا
150 مل حليب
150 مل ماء دافئ
2 مغارف قهوة سكر
مغرفة قهوة ملح
1 خميرة فورية
تخلطهم بالباهي وتخليهم يتخمرو في مكان دافئ
وبعد 15 دق زيدهم 150 مل زيت نباتي
وزيد الفرينة حتى تتلم العجينة وزيد خليها تتخمر حتى يتضاعف حجمها وبالنسبة للصوص :
تقلي بصل وبعد تزيد معاه طماطم خضراء مصموتة ومرحية وكيف تتقلي زيدهم طماطم معجونة وفلفل مرحي وثوم وفلفل اكحل وكركم وملح وزعتروشوية اكليل
وتيقى تغلي حتى تطيب وتبقى خاثرة

أعمل حلقات العجينة وبعد زيدها الصوص والموتزارلا وطيبها في الفرن واخيرا زين

وتاكلو بالشفا