Puré

تصمت البطاطا بالملح وكيف تطيب تسقطرها وتزيدها 3مغارف حليب و50 غ زبدة وفلفل اكحل وارفسها بالباهي وبعد زينها بالبيضو المعدنوس والكورنيشون وإلي تحب أنت

مقرونة باللانقوستين

حط في المقلة
راس بصل مفروم وزيت و3 كعبات طماطم مقطعين وتحركهم شوية وبعد  زيدهم مغرفة كبيرة طماطم معجونة وراس ثوم مفروم وشوية هروس باش نفلفلوها وشوية طماطم شريحة وامرق وبعد ارمي اللانقوستين وزيد ملح وفلفل اكحل وكركم وشوية فلفل مرحي وخليها تغلي وكيف قريب تطيب زيد رشة نعناع شايح  وخليها لين تقر زيتها  اطفي وغطيها
اصمت المقرونة عادي وبعد نحي اللانقوستين  وحدها وخلط المقرونة بالصوص

مرقة ببوش

نظف الببوش وتحطو فوق المرمرة يستقطر وبعد خوذ معجنة وكب فيها صحن وحط الببوش ورش عليه كسكسي قمح أو شمسي وغطيه بالغربال باش يكون مهوي وما يموتش وكل نهاراغسلو وسقطرو و رش عليه الكسكسي وتخليه 3 أيام يأكل الكسكسي اليوم الاخيرتغسلوبالباهي وتسقطرو وترش عليه شوية جبن تغسلو وتخليه يسري والكعبة الحية تحطها في الطنجرة وتصب عليهم الماء وبعد حطها على الغاز وكبّـر عليه دوبما يغلي ويخرج الكشكوشة متاعو نهبطو ونغسلو برشا مرات ونصبلو ماء آخر نظيف ونفوحو بالثوم والاكليل والكركم والنعناع الأخضر والملح والفلفل الاكحل ونخليه يغلي لين يطيب نعاود نغسلو نسقطرو بالباهي

الصوص : نقلي بصل و 2 طمطومات وطماطم معجونة وهريسة عربي أو فلفل احمر مرحي وطماطم شريحة ونعناع واكليل وفلفل أكحل وكركم وملح وفلفل مرحي وبرشا ثوم وكروية نمرق ونرمي الببوش وكيف يغلي نرمي الفول الاخضر والبطاطا وفلفل اخضر وفلفل شايح وخليه يغلي على نار هادية حط في الصحنات

 

دجاج مجمر في الفرن

تنظف الدجاج بالباهي ورنخو في القارص والخل وبعد شلّلو وسقطرو وحطو في طنجرة وزيدو ماء وزيت وملح وفلفل أكحل وكركم وزنجبيل واكليل وزعتر وشوية تابل مفوح وسنة ثوم وخليه يغلي حتى قريب يطيب خرجو من الماء متاعو إلى باش تستغلو في تطيب الارز ورتب القطايع في الطبق وحلقات طماطم وقارص وفلفل وبصل وبطاطا وزيدهم باللوش مرق وخويّط زيت من فوق ورش شوية ملح وكروية ودخل الكل للفرن توا تطيب الخضرا ويتجمر الدجاج وتشيح وتتجمر وزيد معاهم الارز وسلايط وتأكلو بالشفاء

مقرونة بالدجاج

تنظف الدجاج بالباهي وبعد حطلو الخل والقارص وخلي ساعة
واغسلو وحطو وفي طنجرة ومعاه زيت وبصلة صغيرة و2 كعبات طماطم مقطعين جويدات وبعد قليهم بالباهي وزيدهم راس ثوم مهرس و2 مغارف ماكلة طماطم معجونة للرطل وتابل مفوح وملح وكركم وفلفل اكحل وامرق وزيد فلفل مرحي ومغرفة هروس واكليل وزعتر وزنجبيل هاذم شوية باش يتبدل مطعم الدجاج والريحة متاعو ووريقة رند وخليها تغلي ارمي كعيبة بطاطا قرين فلفل في الصوص
وكيف تقر زيتها اصمت المقرونة واقلي قرينات فلفل

شكشوكة صيافي

تقلي بطاطا وبيتنجال وتحشي الفلفل الأخصر بالملح والكروية وتقليه وفي طنجرة تيفال تقلي الطماطم والثوم مقطعين بالباهي وبعد تزيدهم مغرفة صغيرة طماطم معجونة وكيف يطيبو رشّ عليهم شوية ماء وفوح بالملح والكروية والفلفل مرحي وحط عليها المقليات وفقر العضم وتأكلو بالشفاء

بندلاقة

اصمت البندلاقة في الماء ومعاها العدس الفول الاخضر  وتخليها لين تنزح من الماء متاعها
تقلي بصلة وكعبة طماطم خضراء وبعد تزيد طماطم معجونة وهريسة عربي وثوم وكروية وفلفل مرحي و2 قرينات فلفل اخضر وقديد جديد وتصب عليها البندلاقة المصموتة وبعد خليها تشكشك حتى تنزح تماما وكان تحب فقر عضم او اقليه وحطو من فوق أو أقلي معاها سكمري أو سردينة أو أي سمك عندك أو دجاج

مقرونة بالمرقاز

صمت 4 طماطم الخضراء وترحيهم
وفي طنجرة تقلي بصلة والمرقاز شوية وبعد تزيد مغرفة كبيرة طماطم معجونة وتقليها معاهم وبعد تحط الطماطم المرحية والكركم والثوم والتابل والملح وتمرق وتزيد الفلفل المرحي والرند والفلفل الاكحل وقرين فلفل اخضر وتخليها تغلي لين تطيب
تصمت رطل مقرونة
وتخلط
وتاكل بالشفاء

طاجين الطبقات بالجوزة

الطبقة الاولى :  العجينة : 300 غ فرينة ونصف باكو خميرة وعضمة و 150 غ زبدة وملح وتعجنها بالحليب و تنقبها بالفرشيطة، وبعد حضر خليط الدجاج

تطيب الدجاج بالبصل وتفوح بالزيت وملح وفلفل اكحل وكركم واكليل وزنجبيل مرحي وشوية زعتر وتابل مفوح وتخليه لين يشيح من الماء متاعو ويبرد زيدو أصفر بيض وجبن و2 بيضات مسلوقين وبالنسبة لكمية البيض تزيد بالشوية بالشوية حتى تتحضل على خليط كريمي وترحي الكل في الخلاط  وتصبو على طبقة العجين وتحطو في الفرن وشعل عليه الفور من فوق باش تشد روحها الطبقة العليا

تأخو 300غ قوتا ومعاها أبيض بيض وجبن وملح وفلفل أكحل وشوية زوج الطيب وترحيه بالمكسور وكيف تحس الطبقة الاولى شدت روحها تصب الخليط متاعك برفق وتشعل الفرن من الأسفل

ارحي 200 غ جوزة وكيف يطيب الطاجين ويشد روحه رش عليه الجوزة المرحية وخليه يبرد وبعد قصو كيما تحب

 

كسكسي بالدنديق

 نظف الدنديق ونرش عليه الملح ونخليه يبنان في الثلاجة
ونحضر الصوص :
نقلي بصلة وكعيبة طماطم خضراء وبعد نزيد 3 مغارف ماكلة طماطم معجونة وكعيبرة طماطم شريحة و2 مغارف فلفل مرحي ونمرق
نحط قرع جديد  وسنة ثوم و فلفل احمر شايح ونمرق ونزيد الملح والكركم والفلفل الاكحل وكيف يغلي المرق نرمي الحوت
نبل الكسكسي بشوية ماء وزيت ونحطو يفور
نتريه بعد بالمرق متاعو ونرجعو يفور
واخيرا نقلي الفلفل ونسقي الكسكسي وماتنساش رش شوية فلفل اكحل فرشك وزين الصحافي