lundi 23 janvier 2017
الزرير التونسي
2 كغ جلجلان
1 كغ بوفريوة
100 غ زبدة
كغ سكر تغليه مع شوية قارص
وتكمّل بالعسل الحر
تنظف الجلجلان تقليه
تقلي البوفريوة بالباهي لين تطلع ريحتها وتتنحى القشرة متاعها
وبعد تذوب الزبدة وتخلط كل المكونات مع بعض
mercredi 18 janvier 2017
شربة عدس بالقرنيط
تغلي ماء ماجل او صافية
وفي الكوكوت حط شوية زيت زيتونة وبصلة وصويبعات قرنيط وقليهم وبعد زيدهم مغرفة فلفل مرحي وشوية طماطم معجونة وامرق بالماء الي يغلي وزيد شوية بسباس مرحي وارمي العدس وغطي الكوكوت 15 دق
وبعد حلها تلقاه طاب زيدو كعيبة ملح وتاكل بالشفاء
ردو بالكم فيسع يطيب كيف يبدا ماء ماجل او صافية وكوكوت
قلاية القرنيط :
تصمت القرنيط حتى يطيب وبعد تسقطرو وتقطعو وتحطو في طنجرة تيفال وتصب عليه زيت زيتونة وتقليه شوية وتزيدو مغرفة طماطم معجونة وترش عليها شوية ماء وتزيد كركم وملح وفلفل اكحل وفلفل مرحي وكروية وتخليه يشكشك على نار هادية
وكان تحب فقر عضيمات عربي كان ماتخبش عادي
اقلي بطاطا وفلفل ورش شوية معدنوس كيف تزين الصحنات
وتاكلو بالشفاء والهناء
mardi 17 janvier 2017
درع
كيف نقولوا برد 🤕🤕نقولو حاجة سخونة ☕☕☕ صحيفة درع بالزهر تعمل الكيف
تخلط في البارد : 2 كيسان ماء بارد ومعاهم 4 مغارف كبار مليانين درع و1.5 مغرفة سكر وحطو يطيب على النار وكيف يعقد زيدو قطيرات زهر وحط في الصحافي وزينهم كيما تحب
تخلط في البارد : 2 كيسان ماء بارد ومعاهم 4 مغارف كبار مليانين درع و1.5 مغرفة سكر وحطو يطيب على النار وكيف يعقد زيدو قطيرات زهر وحط في الصحافي وزينهم كيما تحب
vendredi 13 janvier 2017
بنادق دجاج زعر
بنادق دجاج زعر
ترحي سكالوب الدجاج وتزيدو اكليل و ثوم وتابل وكروية ونعناع شايح وملح وكركم وفلفل اكحل
وبعد في طنجرة فيها الماء يغلي نزيدها زيت وكروية وكركم وملح وشوية اكليل وتبل يدك يالماء وتكعبر وترمي في المرق الازعر الي يغلي
خليها لين تشيح واعمل معاها سلاطة
بنادق زعرة
بنادق زعرة
تحط ماء يغلي وزيت وشوية ملح وفلفل اكحل وتاخو اللحم المفروم وتفوحو بالنعناع الشايح والتابل والكروية والملح والفلفل الاكحل والكركم وشوية فلفل مرحي وتعجنو بالباهي وبعد تكعبرو كعبورات صغار وترميهم في المرق الي يغلي الحاضر وكان تحب ارمي البطاطا وﻻ اقليها وفي الاخير رشي كروية
كفتة بالبروكلو
خليط : مكون من بروكلو مسموط ولحم مفروم مفوح بالتابل والفلفل مرحي والملح وفلفل أسود وكركم ونعناع شايح ومعدنوس وبصل وشوية برغل وتلمها بشوية فرينة وعظم، وبالنسبة للصوص : بصلة صغيرة وطماطم معجونة وزيت وطماطم معجونة وفلفل مرحي وتابل مفوح وفلفل اكحل وفلفل مرحي وكركم وفي الاخير ارمي قريّن فلفل أخضر وكعيبة بطاطا
ايناس
شكشوكة فلفل ملاحي وباركات بالدجاج
شكشوكة فلفل ملاحي وباركات بالدجاج
الشكشوكة :
تصمت البطاطا بشوية ملح وكركم وبعد في طنجرة تيفال تقلي طماطم خضراء لين تطيب وتزيدها ثوم وكروية وشوية طماطم معجونة ( على طرف المغرفة ) وتقطع الفلفل الاخضر والملاحي والفلفل إلى شيحناه في الصيف الحار وتخلطهم مع الطماطم وبعد تصب البطاطا المصموتة وفيها شوية ماء وتزيد شوية فلفل مرحي وكيف يغلي شوية تفقر العضم
بالنسبة للبركات : أنا شريتهم حاضرين والخليط : تسوتي بصل ودجاجا مقطع جويد وكيف يطيب تزيدو شوية معدنوس وجبن وكعبة عضم مصموتة و 3 كعبات نيّين وفلفل اكحل وملح وعبي البركات وزين بالفلفل أو الزيتون وطيب في الفرن
Inscription à :
Articles (Atom)